Find job
Dette jobopslag er udløbet
Perorsaasumik/Tapersersortimik Amaut-mut
Meeraateqarfik Amaut-mut perorsaasumik/tapersersortimik ataatsimik suleqatissarsiorpugut.
Kommuneqarfik Sermersooq, isumassuisumik tunniusimasumik tapersersortumik pissarsiorpugut.
Amaut ukioq 1965 ammarpoq, alianaatsumi pinngortitamut qanittumi, Nuullu immikkoortortaata ilaani inissisimaffeqarpoq.
Atorfik piffissaq tamakkerlugu suliffiuvoq sap.ak. 40 tiimit. Ataasinngornermiik tallimanngornermut nal. 8:00-16:00 suliffiuvoq. Amaut-mi sulisut 12-it akornani illit suleqataassaatit.
Amaut meeqqanut 36-nut inissaqarpoq, ininut pingasunut avissimalluni.
Suliassatit:
- Meeraq naminiileriartuaarnissaanut ineriartuutaasunik suliaqarneq iliuusissatut pilersaarutit malillugit anguniakkanik suliaqarneq
- Ukiumut marloriarluni nalunaarusiorneq suliaralugu (April/maj aamma oktober/november)
- Ukiumut marloriarluni attaveqaatit naapeqatigiinnerani peqataaneq
- Suliassatit suleqatit, angajoqqaat, inimi suleqatit, inimi perorsaasoq, pisortaq, sullissisoq aammalu tapersersortilinnut ataqatigiissaarisoq suleqatigilluarneratigut ingerlattarlugit
- Suliassat allat pisortaq isumaqatigalugu ingerlattarlugit
Ilinnut naatsorsuutigut:
- Perorsaasutut, socialassitentitut, socialhjælperitut, ikorfartortitut assigisaanilluunnit ilinniagaqarsimassaatit.
- Aalajaatsoq, nammineerluni sulisinnaasoq, isumassuisoq inussiarnersorlu
- Ulluinnarni ullut ilaanni ulapaarfiusinnaasuni anguniagaqarlutit ilusilersueqataallutillu sulissinnaasutit
- Ilinniarsimassutsit assigiinngitsut suleqatigisinnaavatit
Uani atorfimmi Nuummi meeqqanut inuusuttuaqqanullu tapersersortilinnut suleqataallutit peqataalissaatit.
Immikkoortortami tapersersortitut atorfik pissaganartoq neqeroorutigaarput. Ineriartortitsinerup ilagiinnagaasa ilagisaat tassaavoq:
- Qaammatikkaartumik oqaloqatigiinnerit aammalu ilinniarsimassutsinilu assigiingutsuusuni ataatsimoorfeqarneq
- Supervision
Annertunerusumik paasisaqarusukkuit:
Annertunerusumik paasisaqarusukkuit pisortaq Angerlaq A. Olsen attavigisinnaavat uungaoqarasuaat +299 36 67 45 imaluunniit e-mail-imut uunga: ango@sermersooq.gl
Imaluunniit: Annertunerusumik paasisaqarusukkuit pisortaq Dorthe Z. Kristiansen attavigisinnaavat uunga oqarasuaat +299 36 36 61 09 imaluunniit e-mail-imut uunga: dozk@sermersooq.gl
Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Naalakkersuisut aamma Nunatsinni Perorsaasut Kattuffiata (NPK-p) akornanni isumaqatigiissut atuuttoq imaluunniit Kalaallit Nunaanni kattuffiup allap isumaqatiginninniarsinnaatitaasup isumaqatigiissutaa atuuttoq naapertorlugu atorfinitsitsisoqassaaq.
Qaammatini pingasuni misiligummik atorfinitsitsisoqarsinnaavoq.
Inissaq:
Atorfininnermut atatillugu inissiamik innersuussisoqarsinnaanngilaq.
Qinnuteqaat:
Qinnuteqaat qulequtserlugu Atorfiup ilisarnaataa 436-23-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
MALUGIUK:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuigissavatsigit qinnuteqaatit nittartagaq aqqutigalugu nassiutissagit.
Qinnuteqarnissamut killissarititaasoq: juunip 13.-at, 2023