Skip to main content
131

Dette jobopslag er udløbet

Perorsaasumik ulluunerani meeqqanik ukioqatigiinngiiaanik paaqqinnittarfik Paasisoq pissarsiorpoq

Kommuneqarfik Sermersooq pikkorissumik tunniusimasumillu ulluunerani meeqqanut ukioqatigiinngiiaanut paaqqinnittarfimmi Paarsisumi meeraaqqerivimmi piaartumik sulilersussamik kingusinnerusukkulluunniit isumaqatigiissuteqarnikkut sulilersinnaasumik perorsaasumik social assitentimilluunniit atorfinittussamik pissarsiorpoq.

Meeraaqqerineq pikkoriffigaajuk? Illiualu suliffimmi ineriartorfiusumi suleriaatsikkullu meeqqat sulisullu akunnerminni naleqqussarluta allanngortiteriffiusumi suleqatissarput? Sulinermi ulluinnatsinnut sulinikkut allanngortiterisugut peqatigerusuppisigut? Immaqa taava illit suleqatitaarissavatsigit

Takorlooruk illerpiaq meeqqap pisariaqartikkaatit, illerpiaq meeqqap toqqissisimaffigigaatit nuannaralutit ulluinnarnilu peqatigerusullutit. Toqqissisimanerpit meeqqat toqqissisimatissinnaavaat, nuannaartuunerpillu meeqqat nuannaalersittarlugit

Ulluunerani meeqqanut ukioqatigiinngiiaanut paaqqinnittarfik Paarsisoq meeraaqqeriviullunilu meeqqeriviuvoq illoqarfiup ilaani radiup qaqqaata tungaanut aqqummi inissisimasoq.

 

Paarsisoq meeqqanut 90-nut inissaqarpoq, meeraaqqerivimmi init pingasut meeqqanut 12-nut inissaqarlutik, Siornatigut init ukioqatigiiaarlutik inissisimasimasut sulisut oqimaaqatigiissumik sulinissaat siunertaralugu meeqqanullu toqqissisimatitsinissaq anguniarlugu meeqqat ukiui akulerusimasumik inissititigaapput.

 

Meeqqerivimmi init pingasut tamarmik 18-nik meerartaqarput, tassani meeqqat nukarliit akulliillu inini marlunni avissimallutik, inilu ataaseq atualertussanut iniulluni.

 

Paarsisoq illoqarfiup qeqqanut qanittumi inissisimavoq,

 

Sulisut 22-inut amerlassusiligaapput; aqutsisoq, aqutsisup tullia, immikkoortortami aqutsisoq perorsaasut sisamat, barne/socialhjælperit arfinillit, ikiortit arfinillit, igasoq, ingaffimmi ikiorti aammalu eqqiaasoq. Ineriartornikkullu malinnaagatta ilinniartunik tigusiuaannarsinnaasarpugut.

 

Meeqqerivik Paarsisumi atuisunut tamanut meeqqerivimmik peqqinnartumik ineriartortumillu peqatigiilluta sanarfisarnissarput pingaaruteqarpoq.

 

Atorfiup imarisaa:

Ulluinnarni suliassaraatit meeraaqqerineq/meeqqerineq, nangilersuineq, nerisitsineq, innartitsineq, aniilernermi isernermilu atisalersuineq atisaajaaneq ullormullu sammisassaqartitsisinnaaneq.

  • Inimi sulilerfigisassanni akisussaasutut inissisimassuutit
  • Ullormut pisussanik ullaakkut ataatsimiinneq sivisunerpaamik 20min. Sivisussuseqartoq peqataaffigisassavat
  • Ullup pitsaasumik immersornissaanut akisussaaqataassuutit
  • Meeqqanut paasissutissanik pingaarutilinnik ilaatigut suliaqartarnissat naatsorsuutigissavat
  • Naatsorsuutigissavat meeraaqqerivimmi aqutsisoq peqanngikkaangat akisussaaffimmik tigusisarnissat, taannaavorlu aamma meeraaqqerivimmi qaninnertut aqutsisorisassat.
  • Sulisut ataatsimiinnerini, perorsaanilerinermik ulloqartitsinerni (pædagogisk dag) atuisunillu ataatsimiisitsinerni peqataanerit
  • Angajoqqaat meeqqeriviup ingerlanneqarneranut suleqataasut (adhoc gruppe) qanimut suleqataaffigisassavatit
  • Atuisut qanimut suleqatigisassavatit attaveqarfigalugillu

Suliassat Paarsisumi sulisut allat kiisalu pisortaq ininilu aqutsisoq peqatigilluinnarlugit suliat ingerlanneqartassapput.

Maluginiaqquneqarpoq atorfininnermi piginnaasat aallaavigalugit atorfinitsitsinermi ininut inissiineq pisinnaammat paarlaasseqatigiittoqarsinnaammalluunniit.

 

Qinnuteqartunut naatsorsuutigisat:

  • Perorsaasutut assigusumilluunniit ilinniarsimasoq
  • Akisussaassusilik unamminarsinnaasunullu tunuarsimaartuunngitsoq
  • Namminersullaqqissoq allanik isumalluusersorani
  • Meeqqanik sulinermillu nuannarisaqartoq
  • Tunniusimasoq unneqqarissorlu
  • Peqqissoq pisinnaatillunilu suliuaannartoq
  • Maligassiuisoq malittarisassanullu atuutsitsinissamut pingaartitsisoq
  • Nuannaartoq ulloq oqimaakkaluarpalluunniit qiimmassaasinnaasoq
  • Tunniutiinnajasuunngitsoq allannguerusussusilik
  • Qanilaartoq, atuisunut meeqqanullu toqqissisimanartoq

 

Pingaartipparputtaaq:

·Inatsit atuuttoq tunngavigalugu sulineq ilisimaaralugulu pingaartissagit

·Paarsisup pingaartitai naleqartitaalu ataqqillugit suleqataasinnaanissat

·Pingaaruteqarpoq toqqissisimasuunissat meeqqallu qissattut akornanniileruit uippalleratit toqqissisaasinnaanissat, toqqissisimanerpilli meeqqat toqqissisimatissinnaavai.

  • Sulinermi malittarisassanik atuutsitsinissamut suleqataasassuutit
  • Toqqissisimasumik uippakajaarnatit sulianik suliarinnissinnaassuutit
  • Nammineerlutit sulisinnaassuutit, akisussaassuseqartoq sullissiumatoorlu
  • Sulianut atatillugu sungiussilluarsimasoq ataavartumillu suliat agguataarneqartarnerannik nalimmassaalluarsinnaasoq.
  • Ulloq ulapaarfiugaluarpalluunniit ukkatarinnilluarsinnaasoq ataqatigiissitsilluarsinnaasorlu.
  • Timikkut tarnikkullu nukittooq pilersitsiniallaqqissoq inissaqartitsiuartoq piumassuseqartorlu

Sulianik naammassinninniarluni ingerlatsinermut ineriartortitseqataalluni pitsanngorsaaqataalluni peqataarusuttoq

Meeqqerivik Paarsisumi atuisunut tamanut meeqqerivimmik peqqinnartumik ineriartortumillu peqatigiilluta sanarfisarnissarput pingaaruteqarpoq.

 

Neqoroorutigaavut:

Suliffik nuannersoq, sulisorpassualik atuisut meeqqallu amerlasuut assigiinngitsullu nuannaartut suleqatiginissaat peqataaffiginissaallu.

Suliffimmi periutsinik allanngortiteriffiusumi suleqataanissat

Suliat imarisaannut sunniuteqarnissamut periarfissaqartitsisoq, suliffeqarfimmi ineriartortumi allanngoriartortumilu nammineerluinnarluni annertuumik akisussaaffeqartitaaneq.

Pingaartilluinnarparput patajaatsumik suliassanut suliffimmullu pulatikkiartuaarneqarnissaq, pimoorulluinnarparputtaaq suleqatigiinnermi silaannaap pitsaasup aqutsisut peqatigilluinnarlugit attattuarnissaa kiisalu pilersitsisinnaaneq nutaaliorsinnaanerlu inissaqartittuarpavut

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Naalakkersuisut aamma Nunatsinni Perorsaasut Kattuffiata (NPK-p) akornanni isumaqatigiissut atuuttoq imaluunniit Kalaallit Nunaanni kattuffiup allap isumaqatiginninniarsinnaatitaasup isumaqatigiissutaa atuuttoq naapertorlugu atorfinitsitsisoqassaaq.

Atorfininnermi qaammatini pingasuni misiliutitaqassaaq.

 

Atorfimmut atatillugu inigisassamik innersuussisoqarsinnaavoq:

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni

 

Meeqqerivinnut Immikkoortortaq meeqqerivinnut aqutsisoqatigiinnullu naleqqussakkanik pikkorissarnernik ingerlaavartumik neqerooruteqartarpoq.

 

Paasissutissanik annertunerusunik pisariaqartsitinermi saaffigineqassaaq aqutsisoq Aani Barlaj oqarasuaat: 36 67 60 e-mail anba@sermersooq.gl

Atorfinininnermi meeqqanut pinerlissimannginnermut uppernarsaat Kommuneqarfik Sermersuup malittarisassai malillugit pissarsiarineqassapput, tamannalu naammassippat atorfinitsitsisoqarsinnaalissalluni.

Taamatuttaaq pinerlissimannginnermut uppernarsaat tunniunneqassaaq

 

Qinnuteqaat:

Qinnuteqaat qulequtserlugu Atorfiup ilisarnaataa 408/22-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

MALIGIUK: 
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

Qinnuteqarnissamut killissarititaasoq: juulip 6.-at, 2022

Atorfik una qinnuteqarfigiuk