Perorsaasoq soqutiginnittoq tunniusimasorlu Meeqqerivik Puiaq sulilersinnaasoq pissarsiariumaneqarpoq

 

Meeqqanut ulluunerani paaqqinnittarfimmik ineriartortitseqataarusuppit ingerlatsinermik attassinermut ineriartortitsinermullu suleqataarusuppit maani qanimut attaveqatigiinnerit pingaartinneqaqaat meeqqallu eqimattaqatigiillu ataasiakkaat ineriartornerat atugarissaarnerallu ukkatarineqarput.Taava suliffissaqartippatsigit.

Meeqqat alapernaatsut, tatitussusillit, peqqissut nuannaartullu Kommunitta anguniagai, aqqutissiuullugit iliuusissatsinnik eqqartuisarnitsinni piviusunngortinnissai anguniassavagut.

 

 

Meeqqerivitsinni immikkut ilisarnaatigaarput: Anguniakkat aallaavigalugit sulineq, ukunannga:

• Pinngortitamut atuilluartut
• Sulisut,meeqqallu peqqissut
• Ataqqeqatigiinneq

 

 

Suliffik qanoq ittoq neqeroorutigisinnaavarput:

• Assersuutit: Uagutsinnut pingaaruteqarpoq meeqqat ulluinnarnik ataqatigiissunik toqqissimanartunillu misigisaqarnissaat inunnut pitsaasumik attaveqarneq aqqutigalugu. Naatsorsuutigaarput illit paaqqinnittarfiup anguniagaanut sinaakkutissanik pilersitseqataassasutit taakkununngalu tapersersuissasutit.
• Assersuut: Suliffimmi ulluinnarni sammisanut annertuumik sunniuteqarfigisinnaasat neqeroorutigaarput.
• Assersuut: Meeqqeriviuvungut sulisut atugarissaarnerannik, suliffimmik atugarissaarfiusumik, suleqatigiinnermik ingerlalluartumik aamma suliffimmi avatangiisit pitsaasuunerannik pingaartitsisut, maani suliamut tunngatillugu ineriartorneq pingaartinneqaqaaq.

 

 

Qinnuteqartumut naatsorsuutigineqartut:

• Perorsaasutut ilinniarsimasuunissat
• Nammineq akisussaaffimmik tigusisinnaavutit namminersorlutillu sulisinnaallutit
• Suleqatinnut angajoqqaanullu suleqatiginnikkumavutit
• Allanngortitsinissamut piareersimasuuvutit
• Meeqqanut ineriartuutaasunik sammisaqartitsinernik pilersaarusiorsinnaavutit

 

 

Meeqqerivik pillugu

Meeraateqarfik Puiaq pillugu

Meeqqat amerlassusiligaanerat.

Puiaq ataatsimut inissaateqarluni meeqqat 64-t Meeraaqqerivimmi meeqqat 24-t ininut marlunnut avissimapput. Meeqqerivimmi meeqqat 40-t.

Sulisut amerlassusilingaanerat.

Sulisut aaliangersimasut 16-put perorsaasut 4, isumaginninnermi ikiortit 4, ikiortit 4. Igaffimmioq eqqiaasorlu

Ilinniartuuteqarsinnaasarpoq, ikiortinngornianik, perorsaasunngornianillu ingaffimmilu ilinniartuuteqassangaanni ukioq ataaseq kisimi periarfissaasartoq, inummut ataatsimut.

Aamma anguniakkavut pillugit uani annermik atuagassaqarpoq: sermersooq.gl

 

 

Annertunerusumik paasisaqarusukkuit:

Annertunerusumik paasisaqarusukkuit pisortaq Johanne Berthelsen attavigisinnaavat uunga oqarasuaat +299 36 67 80 imaluunniit e-mail-imut uunga: jabt@sermersooq.gl

 

 

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

 

 

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Naalakkersuisut aamma Nunatsinni Perorsaasut Kattuffiata (NPK-p) akornanni isumaqatigiissut atuuttoq imaluunniit Kalaallit Nunaanni kattuffiup allap isumaqatiginninniarsinnaatitaasup isumaqatigiissutaa atuuttoq naapertorlugu atorfinitsitsisoqassaaq.

 

 

Inissaq:

Atorfininnermut atatillugu inissiamik innersuussisoqarsinnaanngilaq.

 

 

Qinnuteqaat:

Qinnuteqaat qulequtserlugu Atorfiup ilisarnaataa 417-23-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

 

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

 

MALUGIUK: 

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuigissavatsigit qinnuteqaatit nittartagaq aqqutigalugu nassiutissagit.

 

Qinnuteqarnissamut killissarititaasoq: juunip 7.-at, 2023

Atorfik una qinnuteqarfigiuk