Perorsaasoq soqutiginnittoq tunniusimasorlu Meeqqerivik Mikisoq sulilersinnaasoq pissarsiariumaneqarpoq, allagarsiuteqqitaq

 

Meeqqanut ulluunerani paaqqinnittarfimmik ineriartortitseqataarusuppit ingerlatsinermik attassinermut ineriartortitsinermullu suleqataarusuppit maani qanimut attaveqatigiinnerit pingaartinneqaqaat meeqqallu eqimattaqatigiillu ataasiakkaat ineriartornerat atugarissaarnerallu ukkatarineqarput.Taava suliffissaqartippatsigit.

 

Meeqqat alapernaatsut, tatitussusillit, peqqissut nuannaartullu Kommunitta anguniagai, aqqutissiuullugit iliuusissatsinnik eqqartuisarnitsinni piviusunngortinnissai anguniassavagut.

 

 

Meeqqerivitsinni immikkut ilisarnaatigaarput: Anguniakkat aallaavigalugit sulineq, ukunannga:

∙ Angajoqqaat suleqataalluartut

∙ Sulisut eqeersimaartut

∙ Akul. Meeqqerivik Mikisoq-mi akuersaarinnittumik perorsaariaaseqarneq

∙ Sulisut anguniagallit

∙ Meeqqat tusarnaarneqartut

∙ Meeqqat piffissaqarfigineqartut

∙ Meeqqat sammineqarluartullu

∙ Suleqatigiit ikioqatigiillaqqissut

 

 

Suliffik qanoq ittoq neqeroorutigisinnaavarput:

∙ Uagutsinnut pingaaruteqarpoq meeqqat ulluinnarnik ataqatigiissunik toqqissimanartunillu misigisaqarnissaat inunnut pitsaasumik attaveqarneq aqqutigalugu. Naatsorsuutigaarput illit paaqqinnittarfiup anguniagaanut sinaakkutissanik pilersitseqataassasutit taakkununngalu tapersersuissasutit.

∙ Suliffimmi ulluinnarni sammisanut annertuumik sunniuteqarfigisinnaasat neqeroorutigaarput.

∙ Meeqqeriviuvungut sulisut atugarissaarnerannik, suliffimmik atugarissaarfiusumik, suleqatigiinnermik ingerlalluartumik aamma suliffimmi avatangiisit pitsaasuunerannik pingaartitsisut, maani suliamut tunngatillugu ineriartorneq pingaartinneqaqaaq.

 

 

Qinnuteqartumut naatsorsuutigineqartut:

∙ perorsaasutut ilinniarsimasuunissat

∙ akisussaaffimmik tigusisinnaavutit namminersorlutillu sulisinnaallutit

∙ angajoqqaanullu suleqatiginnikkumavutit

∙ piareersimasuuvutit

∙ ineriartuutaasunik sammisaqartitsinernik pilersaarusiorsinnaavutit

 

 

Meeqqerivik pillugu:

Akuleriiaanik Meeqqerivik Mikisoq Tasiilami inissisimavoq illoqarfiup qeqqani Pilersuisup pisiniarfiani qanittuaraalluniKommuneqarfik Sermersooq-mi meeqqerivippassuit ilagalugu.

Akuleriiaanik Meeqqerivik Mikisoq atuutsinneqarluni atulerpoq 1.august 1997 - 31.december 2007 ilanngullugu Tasiilap kommuneanit ingerlanneqarluni.

1.januar 2008 aallarnerfigalugu Kommuneqarfik Sermersooq-mi ingerlanneqalerpoq.

 

Mikisoq-mi meeqqat sulisullu:

Akuleriaanik meeqqerivik Mikisoq meeqqanut 44-nut inissaqartitsinissamut naatsorsuutaavoq inini pingasuni agguataaqqasuni.

Meeraaqqeriviit init marluupput, marluullutillu 12-nik meeraqartussaallutik. (0-3år)

Meeqqerivik ini ataaseq 20-nik meeraqartussaavoq. (3-6år)

Inikkaat tamarmik ineqarput, perusuersertarfeqarlutillu, ilioraasiveqarlutit, sinittarfeqarlutillu.

Ataatsimoorussamik inersuaqarpugut. Inersuaq ullut tamaasa atortarpoq, ullaakkut ualikkullu meeqqanik sulisunillu katerisimaarfittut. Isiginnaartitsisarfittullu meeqqanik aamma atortarluni.

Naqqumilu inersuaaraqarpoq assassorfik/sannavik. Inilu immikkoortoq aalasarfik – iikkamut qallorfeqarpoq/majuartarfiit aammalu issakaajaarfik nivingasoq. Inilu ’atuarfeeraq’ atualertussat piareersartarfiat.

Silamilu illup saavani aammalu illup tunuani ungaloqartumik, tassani meeqqat periarfissaqarput aneersinnaallutit.

Sulisut nikittaallutik suliartortarfii

Siulliit 7:00-15:00 - Tullii 8:00-16:00 - Kingulliit 9:00-17:00

 

Paaqqinnittarfipput aamma anguniakkavut pillugit uani annermik atuagassaqarpoq: www.sermersooq.gl

 

 

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit pisortaq Kista I. Sørensen attavigisinnaavat uunga oqarasuaat: +299 367820/367797 imaluunniit e-mail-imut uunga: kiis@sermersooq.gl 

 

 

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

 

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

 

 

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Naalakkersuisut aamma Nunatsinni Perorsaasut Kattuffiata (NPK-p) akornanni isumaqatigiissut atuuttoq imaluunniit Kalaallit Nunaanni kattuffiup allap isumaqatiginninniarsinnaatitaasup isumaqatigiissutaa atuuttoq naapertorlugu atorfinitsitsisoqassaaq.

 

Atorfinititsineq qaammatini pingasuni misiliutitaqassaaq.

 

 

Inissaq:

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

 

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

 

 

Qinnuteqaat:

Qinnuteqaat qulequtserlugu Atorfiup ilisarnaataa 830-23-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

 

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

 

MALUGIUK: 

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

Qinnuteqarnissamut killissarititaasoq: oktobarip 4.-at, 2023

Atorfik una qinnuteqarfigiuk