Kommuneqarfik Sermersooq perorsaasussarsiorpoq Atuareernerup Kingorna Ornittakkami (AKO) Narsarmiutamut atuarfeqarfinnullu ingerlatsiviup ataaniiittumut pissarsiorpoq.

 

AKO Narsarmiutaq ornittagaavoq atuartut atuareernermi kingorna ornittagaat, 1-3 klassini atuartut.
AKO Narsarmiutaq 20- inik sulisoqarpoq, meeqqanullu 150-nut inissaqarluni.

 

Atorfik ulloq naallugu atorfiuvoq. Perorsaasutut atorfik ulloq naallugu suliffiuvoq. AKO Narsamiutaq ammasarpoq nal: 7.00 – 17.00

Meeqqat inuunerissuunissaat pingaartitaraarput, meeqqat ulluinnarni pitsaanerpaamik misigisaqarnissaat ineriartortinneqarnissaallu pillugu pitsaasumik sulineq, isumassuineq qanilaarnermik pissuseqarneq pingaarnerutillugit.

Meeqqanut atuisunullu tamanut ulluinnarni pitsaanerpaamik toqqissisimanartumillu pilersitserusuppugut.

 

 

Qinnuteqartunut naatsorsuutigisat:

• Pædagogitut ilinniarsimasuunissaq, imaluunniit assigusumik

• Atuisunut suleqatinillu suleqateqarluarsinnaassasutit.

• Sunngiffimmi ornittakkat, suliffigisimaneranut misilittagaqarneq.

 

 

Pingaartipparput:

• Akuersaartumik perorsaanilerineq

• Sulisutut piginnaasagut pisinnaasagullu assigiinngitsut inissaqartissallugit.

• Suleqatigiilluarsinnaaneq

 

 

Neqoroorutigaavut:

Qaammatikkaartumik ataatsimut qulequtaqarluta perorsaanikkut sammisaqartitsisarpugut, inimi sullivigiligassami nammineq ullut sammisaqarfiusussanut pilersaarusioqatigiinnissamut ilusilersueqataasinnaavutit, meeqqat arlalitsigut inertorfii tikillugit.

 

 

Annertunerusumik paasisaqarusukkuit:

Annertunerusumik paasisaqarusukkuit pisortaq Ivalo Thorin attavigisinnaavat uunga oqarasuaat 366713 imaluunniit e-mail-imut uunga: ivat@sermersooq.gl

 

 

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

 

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

 

 

Akissarsiat atorfininnermilu atugassarititat:

Akissarsiaqarnermut atorfinitsitaanermullu atugassarititaasut Namminersornerullutik oqartussani isumaqatigiissut atuuttoq, NPK imaluunniit Kalaallit Nunaanni kattuffiup allap isumaqatiginninniarsinnaatitaasut isumaqatigiissutaat atuuttut malillugit atorfinnitsitsisoqassaaq.

 

Atorfinitsitsineq qaammatini pingasuni misiliutaaqqaassaaq.

 

 

Inissaq:

Atorfimmut atasumik inissaqartitsinngilagut.

 

 

Qinnuteqaat:

Qinnuteqaat qulequtserlugu Atorfiup ilisarnaataa 802-23-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

 

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

 

MALUGIUK: 

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuigissavatsigit qinnuteqaatit nittartagaq aqqutigalugu nassiutissagit.

 

Qinnuteqarnissamut killissarititaasoq: oktobarip 2.-at, 2023

Atorfik una qinnuteqarfigiuk