Skip to main content
148

Dette jobopslag er udløbet

Peqqissaasumik najugaqatigiiffik Pakkutamik pissarsiorpoq

Allagarsiuteqqitaq - Najugaqatigiiffik Pakkutaq peqqissaasumik isumassuilluartartumik ineriartortitsinissaminullu kissaateqartartumik pissarsiorpoq

 

Suliatigut inuttullu ineriartornissat kissaatigaajuk, kiisalu ineqartut pillugit allanngueqataarusuppit, taava illerpiaq suleqatissatsitut amigaatigaatsigit.

 

Atorfik ulloq naallugu suliffiuvoq sap. ak. 40 tiimit annerusumik ullukkut suliffiulluni. Najugaqartuutitta ineriartornissaanut tapersersuinermi suleqatitit qanimut suleqatigissavatit.

 

Najugaqatigiiffik Pakkutaq innuttaasunut timikkut tarnikkullu innarluutilinnut, 18-67-inik ukiulinnut, 12-inut inissaqarpoq. Suliassatit pingaarnerit tassaassapput najugaqartuutitsinnut tunngatillugu peqqissutsimut suliaqarnitsinnut ikiuinissaq ineriartortitsinissarlu. Tamatuma saniatigut suleqatitit peqatigalugit najugaqartut kissaataat malillugit pitsaasumik imaqarluartumillu inuuneqarnissaannut tapersersussavatit. Najugaqartut 12-it saniatigut najugaqatigiiffik arlalinnik sulisoqarpoq, peqqinnissamut tunngasunik ilinniagallit, isumaginninnermut ikiortit ilinniagaqarsimanngitsullu.

 

Naleqartitagut inuunermi tunngaviupput nalinginnaasut, soorlu isumassuineq, ataqqinninneq, toqqissisimaneq, tatiginninneq kiisalu tusarnaarsinnaaneq. Taakkulu ineqartuutitsinnut pitsaasumik inuunissaannut pingaarnertut tunngavittut isigaagut.

 

 

 

 

Suliassatit:

 

∙ Pilersaarusiorneq, aaqqissuineq aamma ulluinnarni suliassat eqqarsaatigalugit aqutsisoq sulisullu sinneri suleqatigalugit ataqatigiissaarineq

 

∙ Najugaqatigiiffiup najugaqartunut neqeroorutaanik ineriartortitsineq aqutsisoq sulisullu sinneri suleqatigalugit suleqatigalugit

 

∙ Sulisunik attassineq kiisalu peqqissutsimut tunngatillugu pitsaanerpaamik angusaqarnissamut ineriartortitseqqinneq

 

 

 

 

Naatsorsuutigaarput:

 

∙ Peqqissaasutut ilinniarsimasutit

 

∙ Suleqatitsialaasutit suliffiup nuannersuutinnissaanut peqataarusussuseqarlutit

 

 

 

 

 

Inuttut:

 

∙ Unammillernartunut alapernaatsoq kajumilersinneqartartorlu

 

∙ Nutaanik ujartuisoq ineriartortitsinermullu eqqummaarittoq

 

∙ Inuttut ilakkuminartoq qiimasorlu

 

∙ Tatituujusoq oqaloqatiginnikkumassuseqartorlu

 

 

 

 

Neqeroorutigisinnaavarput:

 

∙ Atorfik suliassanik unammillernartulik namminerlu suliassanik sunniuteqarfiusinnaasoq

 

∙ Atorfik nuannaartunik kajumissusilinnillu najugaqartulik ulluinnarni aalajangersimasunik malitassaqarluni sammisassaqartitsinissanillu piumasaqaateqarfiusoq

 

∙ Suleqatit sulilluartut pikkorissullu

 

∙ Atorfik tamatigoortoq unammillernartunillu suliassartalik

 

 

 

 

 

Uagut pilluta

 

Pakkutaq Innarluutilinnut aamma tarnimikkut nappaatilinnut Immikkoortortaqarfimmut arfineq-pingasunik najugaqatigiiffeqartumut, allanik tallimanik najugaqatigiiffilimmut, marlunnik sammisassaqartitsinermut ataatsimooqateqartitsinissamullu neqeroorutilimmut kiisalu pingasunillu tapersersorteqarfilik Nuummi, Tasiilami Paamiunilu agguataarsimasunik ilaavoq.

 

Immikkoortoqarfimmi annertuumik ineriartorfiusussanngortumi pissanganartumilu atorfimmik neqeroorfigivatsigit. Ineriartortitsineq pineqartoq ilaatigut sulilerlaat iluamik ilitsersuunneqartarnissaannik, ingerlaavartumik siunersioqatigiittarnissamik kiisalu suliatigut ataatsimooqatigiiffeqarnissamik imaqarpoq.

 

Sapaatip akunnerani 43-mi oqaloqatiginninnerit ingerlatissavagut

 

 

 

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Ulrik Neess ulne@sermersooq.gl tlf. 580129.

 

 

 

 

Pinerliisimannginnermut uppernarsaat:

 

Atorfik inuttassarsiuussarput pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommunip Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

 

 

 

 

Akissaatinut atorfinitsitaanermullu tunngatillugit atugassarititaasut:


Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq PPK, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

 

Atorfinititsineq qaammatini pingasuni misiliutitaqassaaq.

 

 

 

 

Inissaq:


Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

 

 

 

 

Qinnuteqaatip:
Qinnuteqaatip ilisarnaataata Atorfiup ilisarnaataa 724-22 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

 

 

 

 

 

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

 

 

 

 

MALIGIUK: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

 

 

Qinnuteqarnissamut killissarititaasoq: oktobarip 21.-at, 2022

Atorfik una qinnuteqarfigiuk