Skip to main content
89

Dette jobopslag er udløbet

Peqqissaasoq Paaqqinniffik Sammisassaqartitsiviusoq Ippiarsummut / Atorfiup ilisarnaataa 460/19

Illoqarfimmi inissisimaffiginnerpaami peqqissaasutut suliffissarsiorpit? Najugaqartut eqqarsaatigalugit sulerusussuseqarpit, suliatigut piukkunnarpit aamma sullisserusussuseqarpit? Taamaappat utoqqarnik paaqqinniffik Ippiarsummi suleqatitaarisinnaavatsigut.

Ippiarsuk pillugu:

Ippiarsuk Paaqqutaqarnermi sammisaqartitsinermilu ornittagaavoq, tassaniippullu immikkoortortaqarfiit pingasut taavalu ulluunerani ornittagaq/sammisassaqartitsivik.

Tikitaq, puiguttortunut immikkoortortaq nakkutigisaasoq qulinut inissalik, paaqqinniffiit marluk; Arriitsut 12-inut inissalik aamma Kammiut, qulinut najugaqartunut inissallit.

Ippiarsummi sulisut 65-70-it missaanniipput, taakkulu najugaqarfiit immikkoortortaanni, igaffinni, pedelitut, pedelit ikiortaattut, biilertutut, errorsisarfimmi, eqqiaasuni aamma allaffimmi sulisuupput.

Atorfik ulloq naallugu atorfiuvoq, peqqissaasutullu sulinermi aqutsisoq paaqqinniffiup immikkoortortaani sulisullu assigalugit qanimut suleqatigineqartarput.

Atorfimmi suliassat:

Atorfimmi suliassat:Peqqissaasumik najugaqartunik suleqateqarsinnaasumik sullissisinnaasumillu pissarsiorpugut, tassanilu pitsaasumik isumassuinertalimmillu paaqqinninneq qitiutinneqarpoq, minnerunngitsumillu najugaqartut naleqarluartumik pineqarnissaat pineqarluni. Nakorsaatit, isumassuilluarnertalimmik paaqqinninneq, timip atorluarnissaa, suliaqartitsineq, qanigisaasut aamma akimut suleqatigiinneq taakkuupput suliassatta pingaarnerit ilaat.

Atortuuteqarpugut pitsaalluinnartunik suleqateqarpugullu pitsaanerpaanik.

Kommunimi 2017-imi immikkoortumut pilersaarut nutaaq akuersissutigineqareersorlu qulingiluanik suliniuteqarfeqartumik, tassa utoqqartatta najugaqartullu iluaqutissaannik inerisaaneq nutaaliornerlu ingerlappavut.

Peqqissaasutut suleqatissatsinnut naatsorsuutivut kissaativullu tassaapput:

  • Peqqissaasoq akuerisaasoq.
  • Sulianut tunngatillugu ilinniarluarsimasutit.
  • Utoqqarnik sullisserusuttutit utoqqarnillu sullissinerup iluani suleruttutit.
  • Tamatigoortuusutit aalajaatsuusutillu.
  • Paaqqinnittarnerup siuarsarnissaa allagaatigilernissaalu peqataaffigissagit.
  • Ilinniartitsinermi peqataarusussuseqartutit.
  • Suliffeqarfiup pitsaasuunissaanut peqataassasutit.
  • Ataatsimoortumik takunnissinnaanerit annaanagu arlalinnik ataatsikkut suliaqarsinnaanissat
  • Attaveqaqatigiinnermi erseqqissoq paatsuugassaanngitsorlu.
  • Nammineersinnaassuseqarlutit, akisussaaffeqarlutit sullisserusussuseqarlutillu sulisinnaanissat
  • Suliassanut aamma suliassanik agguataarinernik ingerlaavartumik iluarsiissuteqarnissamut eqaatsumik allanngueriataarsinnaassuseqartutit.
  • Suliniuteqarumassutsimik, tatitussutsimik iliuuseqarsinnaassutsimillu takutitsisinnaasoq.
  • Suliassatta ingerlanneqarnerini ingerlaavartumik ineriartortitsinermut pitsanngorsaanermullu suleqataassasutit
  • Siamasissumik suleqataalluarsinnaasutit suliffeqarfimmilu assigiinngitsorpassuarnik kultureqartut akornanni sulisinnaallutit.

Neqeroorutigaavut:

  • Sulineq annerusumik ataasinngornermiit tallimanngornermut ullukkut pissaaq.
  • Pitsaasumik ilisarititsineq.
  • Inuttut suliamullu tunngasutigut ineriartorneq.
  • Suleqatitsialaanerpaanik suleqateqarneq.
  • Akisussaaffik angisooq aalajangeeqataaffiusartorlu.
  • Suliffik pissanganartoq ulluinnarni sunniuteqarnissamut periarfissalik, ineriartornissamut periarfissalik, kiisalu Ippiarsummi angisuumik akisussaaffilik. Atorfik suliffeqarfillu pitsaasumik ilisaritissavavut aammalu aqutsisut qanimut suleqatigineqarnissaat kiisalu iliuuseqarluartarnissat qulakkeerniarlugit.

Pineqaatissinneqarsimannginnermut uppernarsaat:
Atorfik taanna pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommune Politiinit pineqaatissinneqarsimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussat, PPK-llu isumaqatigiissutaat atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

 

Atorfinititsineq qaammatini pingasuni misiliutitaqassaaq.

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

 

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat:
Qinnuteqaatip ilisarnaataata Job nr. 460/19, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:                       
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 30. juli 2019
Atorfininneq: Isumaqatigiissuteqarnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Dorthe H Petrussen
Telefon: +299 366170
Nittartagaq: http://www.sermersooq.gl
Qinnuteqaat nassiutiguk