Skip to main content
91

Dette jobopslag er udløbet

Peqqissaanermut ikiortit marluk Paamiuni utoqqaat illuani Puilasunnguiani puigortunngortut immikkoortortaqarfianut / Atorfiup normua 42/20

Utoqqaat illuat Puilasunnguit Paamiut puigortunngortut immikkoortortaqarfiani isumaqatigiissuteqarnikkut peqqissaanermik ikiortimik marlunnik pissarsiorpoq.
Utoqqarnik qanigisaasut qanimut oqaloqatigisarlugit sullissinissaq pimooruppiuk? Piumassusiliuit inuttullu ajunngitsumik eqqarsartartuuit piginnaasannik timitaliisinnaanikkut utoqqaat pitsaasumik tungiorneqarnerannik paaqqutarineqarnerannillu kinguneqartitsisinnaasoq? Ilinniarsimanngitsunullu ilinniartitsisinnaasutut/ikorfartuisinnaasutut imminut isigiguit Paamiuni Puilasunnguani peqqissaanermik ikiortitut atorfik tamatumunnga periarfissaqarluarpoq.

Puilasunnguit
Puilasunnguit utoqqarnik paaqqutarinniffiusoq 24-inut inissaqarpoq. Ulluinnarni periarfissaqarpoq najugaqartut kiisalu innuttaasut utoqqaat illoqarfimmiut sammisassaqartitsivimmut ornigunnissaannik.

Sulisut ilaatigut ima katitigaapput: Aqutsisoq, tullersorti, allaffimmioq ataaseq, Teamkoordinator ataaseq, Sundhedsassistenti ataaseq, peqqissaanermi ikiorti marluk, peqqissaanermi-isumaginninnermilu ikiorti marluk, ilinniarsimanngitsut arlallit,sammisassaqartitsivimmi aqutsisoq, sammisassaqartitsivimmi ikiorti ataaseq, igaffimmi aqutsisoq ataaseq, igaffimmi assistentit marluk, igaffimmi ikiortit marluk, pedel, pedel-imut ikiorti ataaseq, oldfrue ataaseq, eqqiaasoq ataaseq. Paaqqutarinninnermik sulialinnik ilinniarsimasunik amerlanerusunik atorfinitsitsinissaq siunertaavoq.

Peqqissanermik ikiorti aaqqissuussaanikkut pisortap ataani inissisimassaaq.

Atorfiup imarisaa:
Peqqissanermik ikiortimik utoqqaat najugaqartut peqatigalugit pitsaasumik tungiusumillu-pitsaassutsip kiisalu paaqqutarinninnerup inerisartuarneqarnissaata pingaarnerpaatut salliunneqartuarnissaanut suleqataasussamik pissarsiorpugut.

Isumarput naapertorlugu najugaqartut inuunerissusaannut toqqaannartumik sunniuteqartarmat piginnaasanik inerisaanermik qitiutitserusunnermik, suliffimmik nuannarinninnermik, aalajaassutsimik ataqatigiinnermillu kissaateqarluta inerisaaneq ingerlapparput.  Taamaammat najugaqartunut iluaqutaasussamik ilinniakkat akimorlugit nutaaliortitsisumik inerisaasumillu qanimut suleqatigiinnermik avatangiiseqarluni sulinissaq kissaatigaarput.

Illit pillutit naatsorsuutigisagut:

  • Peqqissaanermik ikiortitut ilinniagaqarsimassasutit assingusumilluunniit
  • Utoqqarnik, sammisassaqartitsinermilu suliassanik misilittagaqartutit
  • Utoqqarnik najugaqartunik innuttaasunillu sullissaqarusuttutit soqutiginnittutillu.
  • Ilinniagaqassutsikkut piginnaasaqarluartuunissat iliuusissanillu toqqaaninni isorisannik paasisaqarusussuseqarnissat
  • Ilinniakkat akimorlugit suleqatigiinnermut piginnaasaqarluartuunissat
  • Ilinniartunut sulinermik sungiusaasuunissat.
  • Avatangiisinik pitsaasunik, isumassarsiullaqqissutsimik, isumassarsititsisinnaanermik inerisarfiusunillu pilersitseqataanissat
  • Aalajaatsoq, pitsaassutsimik pingaartitsisoq immikkuualuttullu ilanngullugit maluttarissoq
  • Uippakajaarani arlariinnik suliaqarsinnaasoq
  • Nammineerluni sulisinnaasoq, akisussaassuseqartoq sullissiumatoorlu
  • Sulianut atatillugu sungiussilluarsimasoq ataavartumillu suliat agguataarneqartarnerannik nalimmassaalluarsinnaasoq.
  • Ulloq ulapaarfiugaluarpalluunniit ukkatarinnilluarsinnaasoq ataqatigiissitsilluarsinnaasorlu.
  • Nukittooq pilersitsiniallaqqissoq inissaqartitsiuartoq piumassuseqarluartorlu
  • Sulianik naammassinninniarluni ingerlatsinermut ineriartortitseqataalluni pitsanngorsaaqataalluni peqataalluartartoq
  • Atituumik suleqateqarluarsinnaasoq
  • Suliffissanni tamani sulisinnaassasutit sapaatip akunnerata naanerani allortarlugit.

Neqoroorutigaagut:

  • Atorfik imarisamigut annertuumik sunniuteqarfigineqarsinnaasoq
  • Atorfik pillugu pitsaasumik paasissutissinneqarnissaq
  • Inuttut ilinniakatigullu inerisarnissamut periarfissagissaarneq
  • Suliaq unammilligassalik suleqatit pitsaasut peqatigalugit ingerlanneqartussaq
  • Suliassaqarfiup iluani annertuumik akisussaaffeqarneq aalajangeeqataasinnaanerlu
  • Ilinniakkat akimorlugit suleqatigiinneq

Sap.ak. nal.ak. suliffiusartussat: 40. Ingerlatsinerup qanoq ittuunera apeqqutaalluni angerlarsimaffimmiit pigaartuusoqartarsinnaavoq.

Paasissutissat sukumiinerusut pisortaq Jane Andersen Hegelund oqarasuaatikkut: 367621 imaluunniit e-mailikkut: jahe@sermersooq.gl attavigalugu pissarsiarineqarsinnaapput.

Pineqaatissinneqarsimannginnermut uppernarsaat:
Atorfik taanna pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommune Politiinit pineqaatissinneqarsimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussat, SIK-llu isumaqatigiissutaat atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

Inissiaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat:
Qinnuteqaatip ilisarnaataata atorfiullu ilisarnaataa 42/20, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 11. februar 2020
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Paamiut
Paasissutissat allat uani piniarneqarsinnaapput: Jane Andersen Hegelund
Telefon: +299 36 76 21
Nittartagaq: http://www.sermersooq.gl
Qinnuteqaat nassiutiguk