Skip to main content
130

Dette jobopslag er udløbet

Peqqinnissamik ikiortimik Utoqqaat Illuanni pissarsiorpoq

Allagarsiuteqqitaq - peqqissaanermik ikiortimik Utoqqaat Illuanni pissarsiorpoq

Utoqqaat Illuat Kommuneqarfik Sermersuumi Nuup illoqarfiani suliffeqarfiit nutaannginnerit ilagaat taannalu tallimanik immikkoortortaqarpoq, najugaqartut agguataarsimallutik 19-nut 5+5+3 kiisalu piffissami sivikitsumi innuttaasut qulingiluat qasuersertinneqartarlutik.

 

Ulloq unnuarlu angerlarsimaffiuvugut taamaammallu suleqatigiiaat pingasut paarlakaallutik sulisarput. Utoqqaat Illuanni sulisut ilaatigut makkuninnga ilinniagaqarput: peqqissaanermut assistenti, peqqissaanermi ikiortit, peqqissaasut aammalu ilinniarsimanngitsut arlaqartut.

 

Immikkoortut tallimat saniatigut aamma sammisassaqartitsiveqarpoq, errorsisarfeqarpoq, igaffeqarpoq, pedeleqarluni kiisalu biilertoqarluni.

 

Suliassat:

  • Tunngaviusumik - peqqissaasutut suliassat, isumassuineq, timikkut tarnikkullu katsorsaaneq, puigortunngortunut inooqataanermut tarnikkullu puigortunngortunut ataqatigiissaarisut ikiortillu Utoqqaat Illuannilu sulisut allat suleqatigalugit katsorsaaneq.
  • Najugaqartut pisariaqartitaat kissaataallu aallaavigalugit sulisarpugut
  • Najugaqartut pillugit assigiinngitsunik sulialinnik immikkoortortanillu assigiinngitsunik suleqateqarneq
  • Najugaqartut atugarissaarnissaat pillugu pitsaaliuinermik suliniuteqarneq
  • Najugaqartunik sammisassaqartitsisarneq

Naatsorsuutigaarput, illit: 

  • Peqqinnissamut ikiortitut ilinniarsimassasutit assingusumilluunniit
  • Utoqqarnik, sammisassaqartitsinermilu suliassanik misilittagaqartutit.
  • Utoqqarnik najugaqartunik innuttaasunillu sullissaqarusuttutit soqutiginnittutillu.
  • Suleqateqarsinnaanermik piginnaasaqartutit qiimasuusutillu.
  • Ataatsimut isiginnissinnaanermik piginnaasaqartutit, sungiussiasuusutit, tunniusimasoq, ammasoq sulerusussusilillu.
  • Pitsaasumik sullisserusuttoq, akisussaassusilik tatiginartorlu.
  • Illumi pissutsinut pitsaasumik, nutaaliornermik, isumassarsiornermik ineriartortitsinermilu sunniuteqaqataajumasutit.
  • Erseqqarissumik paasinartumillu allakkiorsinnaasutit
  • Suliassanik nutaanik suliaqarusussuseqassasutit alapernaatsuullutillu
  • Suliffissani tamani sulisinnaassasutit sapaatip akunnerata naaneri allortarlugit
  • Sulineq sulinerullu avataani inuuneq immikkoortissinnaagitit
  • Naammangittarsinnaanissat eqqissisimasinnaanissallu suliffimmi unamminartoqarsinnaammat
  • Pitsaassusermik tungiunermi kivitseqataasinnaasutit
  • Tunngaviusumik aqutseriaaseq aammalu naleqartitagut malissinnaassagitit ukuusut:
    • Qanilaarneq
    • Ikioqatigiinneq
    • Ataqqeqatigiinneq
    • Qiimaneq
    • Tunniusimaneq

 

Neqeroorutigaavut:

  • Ilisarititsineq
  • Tatiginninneq
  • Akisussaaffik
  • Peqataatitsineq
  • Illumi pisariaqartitsinikkut Ilinniartitsineq sungiusaanerlu
  • Illu tamakkerlugu ataqatigiinneq suleqatigiinnerlu.
  • Suliffeqarfinnik allanik kommunimit, peqqinnissaqarfimmiit il.il. suleqateqarneq.
  • Suliffeqarfiup iluani pikkorissarnerni peqataanissamut allatsittoqarsinnaavoq.
  • Assagut – suliffik ineriartorfiusoq

 

Paasisaqarnererusukkaani immikkoortortami aqutsisoq aallerfigineqarsinnaavoq Ivalu Reimer, e-mail: ivre@sermersooq.gl 36 61 31

 

Pinerlussimannginnermut uppernarsaat:  
Atorfik una pinerlussimannginnermut allagartamik pissarsinissamut inatsimmik pisussaatitaaffiuvoq.  Inatsit naapertorlugu atorfinitsitsineq aatsaat pisinnaavoq kommune pineqaatissinneqarsimannginnermut uppernarsaammik pissarsereerpat.Taamaammat maluginiaqqussavarput atorfininnissamut isumaqatigiissusiortoqarsinnaammat aatsaat kommune pineqaatissinneqarsimannginnermut uppernarsaammik Politiinit pissarsereerpat.

 

Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Naalakkersuisut aamma Sulinermik Inuussutissarsiuteqartut Kattuffiata (SIK-p) akornanni isumaqatigiissut atuuttoq imaluunniit Kalaallit Nunaannil kattuffiup allap isumaqatiginninniarsinnaatitaasup isumaqatigiissutaat atuuttoq naapertorlugu atorfinitsitsisoqassaaq.

 

Qaammatini pingasuni misiligummik atorfinitsitsisoqassaaq.

 

Inissaq:
Atorfiit inissaqartitsinngillat.

 

Qinnuteqaat:
Qinnuteqaat atorfiup normuanik ilisarnaatilik Atorfik nr. 464/22 aamma ilinniagaqarsimaneq siornatigullu suliffigisimasat pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani Sulisoqarnermut immikkoortortaqarfimmit tiguneqareersimassaaq.

 

Ima qinnuteqassaatit:
Qinnuteqaatip elektroniskimik nassiunneqarnissaa orniginartinneqarneruvoq, quppernermi matumani allermi innersuussaq toorlugu qinnuteqaatit CV-llu kakkiullugit nassiussinnaavatit.

 

MALUGIUK:
Qinnuteqaatit pappilianngorlugit mailikkulluunniit tiguneq ajorpavut, qinnuteqaatit nittartagaq aqqutigalugu nassiunneqarnissaat inussiarnersumik piumasarineqarpoq.

 

Qinnuteqarnissamut killissarititaasoq: juulip 22.-at, 2022

Atorfik una qinnuteqarfigiuk