Skip to main content
101

Dette jobopslag er udløbet

Peqqinnermut tunngasunik ataqatigiissaarisoq utoqqarnut sullissivimmut / Atorfiup nr. 29/21

Immikkoortut akornanni ilisarititsineq, ilinniartitsineq, aaqqissuussinerlu piginnaasaqarfigaagit? Taava immaqa atorfik ilinnut soqutiginarpoq.

Utoqqarnut sullissivik sulisunngortussallu Kommunip utoqqarnut politikianik ilisarititsineq ilisimasaqarnerullu pitsanngorsarnissaanut utoqqarnik sullissinermi suliassanut akisussaaffinnik ineriartortitsisuuvoq pingaartitsisuullunilu Taamaattumik peqqinnermut tunngasunut utoqqarnullu tunngasunik ilitsersuutinik atuutilersitsinermi peqataasussamik ataqatigiissaarisussarsiorpugut. 

Peqqissaanermik ikiortimik, peqqissaanermi assistentimik assigisaannilluunniit ilinniagaqarsimasumik Kommuneqarfik Sermersuullu utoqqarnik sullissineranut sukumiisumik ilisimasalimmik pissarsiorpugut. Atorfik piffissaq suliffiusussaq tamakkerlugu suliffiuvoq, atorfininnissarlu isumaqatigiissuteqarnikkut pissaaq.

Kommuneqarfik Sermersuumi tamarmi utoqqarnik sullissivik assigiinngitsunik immikkoortortaqarpoq ilanngullugit utoqqaat illui sisamat, utoqqaat najugaqatigiiffii marluk, innersuussisartut, puigortunngortut pillugit ataqatigiissaarisoq kiisalu illoqarfinni nunaqarfinnilu angerlarsimaffimmi ikiorteqarneq.

Atorfiup imarisaa:
Peqqinnermut tunngasuni ataqatigiissaarisutut utoqqarnik sullissinermi immikkoortut akimorlugit suliassanik arlalinnik uku ataanni suliaqartussamik pissarsiorpugut:

  • Utoqqarnullu tunngasunik ilitsersuummut akisussaasoq, ilanngullugit pikkorissarnissamut neqeroorutit, Nuummi sineriammilu malitseqartitsinerit
  • Ilitsersuutip atuutilernissaanut peqataaneq tapersiinerlu, ilanngullugu taarteqarnermut ilitsersuummut tunngatillugu suliniummik atuutilersitsineq qulakkeerinerlu
  • Utoqqarnik sullissinermi piginnaatitsinermut pilersaarutinik suliaqarnerup immikkoortortanullu sulisussarsiornissap qulakkeernissaa
  • Utoqqarnut suliassaqarfimmi taartaasartunut akisussaaneq
  • Utoqqarnik sullissinermi ilisarititsinermi pilersaarut malillugu utoqqarnik sullissinermut tunngasunik pilersaarusiorneq, ilusilersuineq ingerlatsinerlu
  • utoqqarnik sullissinermi pilersaarutaanngitsumik suliffissarsiortunik tigooraaneq, ilanngullugu ilisarititsinerit kiisalu ilisarititsinermi eqimattanik aallartitsinerit
  • Oqartussaasoqarfiit akornanni ataqatigiissaarineq
  • Periutsit, ilitsersuutit paasissutissiissutillu atorlugit sulinerup pitsaassusaa takussutissaqartinnissaalu qulakkeernissaa
  • Utoqqarnik sullissinermi taarteqarnermi pilersaarusiornermi agguataarinermilu ataqatigiissaarineq
  • Nuummi sineriammilu ulloq aalajangikkani ilinniartitsinernik ingerlatsineq
  • Suliassat pisariaqartitsineq naapertorlugu suliarinissaat

Utoqqarnik sullissinermi immikkoortut allat kiisalu fagchefi, immikkoortumi aqutsisoq utoqqaallu illuanni aqutsisut qanimut suleqatigalugit suliassat suliarineqartassapput

Qinnuteqartunut naatsorsuutigisat:

  • Peqqissaanermut ikiortitut, peqqissaanermi assistentitut assigisaanilluunniit ilinniarsimassasutit
  • Utoqqarnik sullissinerup iluani misilittagaqarneq, matumani ilisimasat, misilittakkat ineriartorusussuserlu pingaaruteqarluinnartutut inissisimatinneqarput
  • Unammillernarsinnaasunik inissaqartitsisinnaaneq
  • Suliniutinik nutaanik atuutsitsinissamut ineriartortitsinissamillu misilittagaqarnissat
  • Illup avataanit illullu iluani suleqatinik, suliaqarfinnik assigiinngitsunik suleqateqarluarsinnaassasutit
  • Kommunip takorluugai, periusissiaani aqutsinikkullu tunngavigisaa aallaavigalugu anguniagaqartumik aaqqissuussaasumillu suliaqarsinnaassuseqarnissat.
  • Aaqqissuussaaneq akimorlugu suleqatiginnillaqqissuseqarneq
  • Pitsaasumik attaveqatigiinneq

Pingaartipparputtaaq:

  • Aalajaatsuunissat, pitsaassutsimik ilisimasaqarluartuunissat ataasiakkaanullu maluginiaasinnaanissat
  • Aaqqissuussaasumik suleriaaseqartutit
  • Ataatsimut takunnissinnaaneq attatiinnarlugu arlalinnik suliaqarsinnaanissat
  • IT-imut tunngasunut nalinginnaasumik ilisimasaqartutit atuisinnaasutillu
  • Tatituujusutit pitsaasumillu isornartorsiorneqarsinnaasutit
  • Oqaatsitigut allakkatigullu pitsaasunik ingerlatitseqqittarnermik attaveqallaqqissuusutit
  • Namminersorlutit sulisinnaanissat akisussaassuseqarlutillu
  • Sulianik eqaatsumik sulisinnaalluni takutitsisartoq suliallu agguataarneqarnerini ingerlaavartumik iluarsiisartutit
  • Utoqqarnik sullissinerup ineriartortinnerani peqataarusuttuusutit

Neqeroorutigaavut:

  • Atorfik suliassanik unammillernartulik namminerlu suliassanik sunniuteqarfigisinnaasaq.
  • Kommune immikkoortullu akimorlugit suleqatigiiffiusoq
  • Suliffeqarfimmi ineriartortitsineq, akisussaaqataaneq sunniuteqaqataasinnaanerillu pingaartinneqartut
  • Suliffik avatangiisigissaarfiusoq isumalluarfiusorlu
  • Suliffik pissanganartoq assigiinngisitaartunik unammilligassarpassuarnillu suliassaqarfiusoq
  • Fagchefilu qanimut suleqatigiinneq, kiisalu utoqqarnik sullissinermi sulisullu allanik suleqatigiinneq, ilaatigut innersuussisartut, angerlarsimaffimmi ikiortit aamma utoqqaat illuanni aqutsisut ilanngullugit
  • Pitsaasumik ilisarititsineq sungiusarneqarnerlu

Pinerliisimannginnermut uppernarsaat:
Atorfik inuttassarsiuussarput pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommunip Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq PPK imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

Inissiaq
Atorfimmut atatillugu inissiamik atugassiisoqanngilaq.

Qinnuteqaatip
Qinnuteqaatip ilisarnaataata Atorfiup nr. 29/21 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 22. januar 2021
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Isabella Schluchtmann
Telefon: +299 368165
Nittartagaq: http://www.sermersooq.gl
Qinnuteqaat nassiutiguk