Find job
Dette jobopslag er udløbet
Pedel Atuarfik Hans Lynge-mut
Kommuneqarfik Sermersooq pikkorissumik tunniusimasumillu pedel-issarsiorpoq Atuarfik Hans Lyngemi 1. oktober 2023 imaluunnii piaartumik sulilersinnaasumik pissarsiorpoq.
Pedel-ip suliassarai atuarfiup isumannaatsuunissaa eqqiluinnissaa, tassunngalu sulisut suleqatigalugit sullissinissaq, pilersaarutinik assigiinngitsunillu pisoqartillugu sulisut pisussaq pillugu suleqatiginissai.
Pedelip suliassai:
- Atuarfiup eqqiarnerata nakkutiginera iluamik ingerlanersoq.
- Atuarfiup pisortaaniit suliakkiissutit, pedelip suliarinissai agguataarnissaaalu akisussaaffigaa ikiortinut
- Atuarfik ammarnissaa nal. 7.00,
- Atuarfik matunissaa nal. 16.00
- Isumannaatsumik atuarfiup matunissaa (kingusinnerusukkut allanik pilersaaruteqanngippat immikkut)
- Apigaangat aniffissat/qimaaffissiallu nivannissai
- Eqqiaanermut atortut amigaateqannginnissaat
- Anartarfiit, equutissiaqarnissai, allarutissiaq, assanut qaqorsaatillu
- Atuarfiup kiassarnera, silaannarissartarfiilu nakkutiginissai
- Atuarfimmi matut, igalaat assigisaallu ajoquteqannginnissai aaqqitassaappata aaqqillugit
- Pedelip qaammammut ataasiarluni ataatsimeeqatigisarnisaa, atuarfimmi pisortap tullia peqatigalugu
- Pisianik, allakkanik aallerneq allakkisarnerlu, allanillu aallertarneq/pisiniarneq
- Biilit ajoquteqannginnissai akisussaaffigalugit
- Ikiuussinnaassaaq meeqqerivik Nukaarit, kiisalu AKO ikiorneqartariaqalissappata ikiorlugit, soorlu aalliunneqartariaqarpata, nivinngaaniarpata.
- Atuarfiup matoreernerani sillimasuuneq, sulairtoqquneqarsinnaaneq.
- Sunngiffimmi immikkoortortaq suleqatigalugu haalip nakkutiginera
Naatsorsuutigaarput:
- Piffissamik ataqqinnittoq, aalajaatsoq
- Qiimasoq, sullarittoq
- Suliap naammassinissaanut siunertaqarluartoq
- Suleqatikkuminartoq
- Suliffimminut suleqatinullu ataqqinnittoq
- Oqimaatsunik suliaqarsinnaasoq, innersuussutit malillugit sulinermut malitassiat malillugit
- Suliat assigiinngitsut iluarsartugassat suliarisinnaaneri
- Biilersinnaanermut allagartaqarneq
Annertunerusumik paasisaqarusukkuit:
Annertunerusumik atorfininnissamut paasisaqarusukkuit paasiniaasinnaavutit atuarfiup pisortaanut Tom Ostermann-Søholm oqarasuaat uunga: +299 36 64 51 imaluunniit e-mail: toos@sermersooq.gl
Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommuneuppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.
Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, SIK imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.
Atorfinititsineq qaammatini pingasuni misiliutitaqassaaq.
Inissiaq:
Atorfimmut atatillugu inissiamik atugassiisoqanngilaq.
Qinnuteqaatip:
Qinnuteqaatip ilisarnaataata Atorfiup ilisarnaataa 861-23 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
MALIGIUK:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: oktobarip 12.-at, 2023