Skip to main content
88

Dette jobopslag er udløbet

Pakkutaq aqutsisumik pissarsiorpoq / Atorfiup normua 473/19

Pakkutaq aqutsinermik misilittagalimmik kiisalu peqqissaanermut tunngasumik ilinniagalimmik aqutsisussarsiorpoq.

Kommuneqarfik Sermersooq, Pakkutami aqutsisutut piaartumik isumaqatigiissuteqarnikkulluunniit atorfinittussamik pissarsiorpoq.

Pakkutaq tassaavoq innuttaasunut inuusunnerumaanut innarluutilinnut 12-inut najugaqarfik, Ippiarsummi inissisimasoq. Innuttaasut 18-iniit 66-inut ukiulinnut naatsorsuussaavoq, maannakkullu najugaqartut 27-t -59-illu akornanni ukioqarput. Innuttaasoq Pakkutamiittoq timikkut eqqarsartaatsikkullu pisinnaasai annikillingaatsiarsimasarput, innuttaasoq timikkut, eqqarsartaatsikkut inooqataanikkullu piginnaasatigut attassiinnarnissaanut, pitsanngoriarnissaanut ineriartornissaanullu immikkut ittumik ikorfartorneqarnissamik, paaqqutarineqarnissamik isumassorneqarnissamillu pisariaqartitsisuulluni.

Pakkutami sulisut 20-t missaaniipput, tassaallutik perorsaasut, peqqissaasumut assistentit, peqqissaasumut ikiortit sulisullu ilinniagaqarsimanngitsut.

Pakkutami aqutsisutut atorfinikkusukkuit sulisut suliatigut innuttaasullu tunniussaatigut angusaqarusussuseqassaatit. Ulluinnarni sulisunik aqutsineq, ingerlatsineq Pakkutamilu ingerlaavartumik siuarsaaneq iluatsissinnaaqqullugit ukkatarissavatit. Aqutsisutut inissisimaneq nuannarisuussavat, aqutsisutullu sulisunut erseqqissuliornikkut takussaasuunikkullu maligassiuisuullutit. Suliffimmi sulisunut avatangiiserissaarneq kiisalu ineqartunut najoruminartuutitsinissaq ukkatarissavatit.

Kommuneqarfik Sermersuumi pingaartinneqarpoq, oqaloqatigiittarnissaq, innuttaasunik peqataatitsinissaq, akaarinnittumik aqutsinissaq kiisalu aaqqissuussaanerup iluani avataaniluunniit suleqatigisartakkanik suliassaqarfiit akornanni suleqatigiissinnaanissaq.

Suliatigut piginnaasassatigut naatsorsuutigaarput:

  • Peqqissaasutut ilinniarsimasuusutit aamma iisartakkerisinnaaneq ilanngullugu
  • Aqutsinermik misilittagaqartutit, ajornanngippat aqutsisutut ilinniagaqarsimasutit
  • Pakkutami sulisunut maligassiuisinnaassuseqartutit aallartisaasinnaassuseqartutillu, suliamut tunngasunik suliniutit aamma suliniutinik nutaanik suleriutsinillu atuuttisineq eqqarsaatigalugit.
  • Aqutsisutut inissisimaninni kiisalu sulisut inissisimaffiinut akisussaaffiinullu tunngatillugu qanoq naatsorsuuteqarfiginerlugit erseqqissuliortartutit.
  • Aqutsisutut oqaloqatigiinneq, ammasuuneq sulisunillu akuutitsineq aqqutigalugit akuersaartuusutit.
  • Politikkikkut aqunneqartumi sulinermik misilittagaqartutit kiisalu suliassaqarfimmut tunngasunik inatsisinik paasisimasaqarluartutit.
  • Missingersuuserinermik aamma missingersuutinut tunngasunik malinnaatitsinermik ilisimasaqartutit

Inuttut piginnaasassatigut naatsorsuutigaarput:

  • Tatituujusutit inissaqartitsisuusutillu
  • Attaveqaqatiginnissinnaassuseqartutit aamma innuttaasumut pitsaanerpaamik aaqqiissuteqarnissami ammasuunissaq innuttaasunillu peqataatitsinissaq suleriaatsitut pissusissamisoortutut isigigitit.
  • Suleqatigiilluni sulineq nukittuffigigit, ingerlatsiviit, aaqqissuussaanerit suliffiullu avataani suleqatigisartakkat akornanni tamakkiisumik isigalutit eqqarsarsinnaassuseqartutit.
  • Siuuttuusinnaassuseqartutit sulisunullu tunaartaliisinnaassuseqartutit.
  • Akerleriittoqartillugu aaqqiiniarsinnaassusilik.
  • Aalajangersinnaassuseqartutit angusaqarusussuseqartutillu.
  • Kommuneqarfik Sermersuumi naleqartitat – ataqqinninneq – akisussaaqataaneq ineriartornerlu sulisut qanimut peqatigalugit atuuttissinnaassagitit.
  • Suliffimmi ulluinnaat annertuumik allanngorarfiusumi, ulapaarfiusumi akaareqatigiillunilu oqaloqatigiissinnaassuseqarnissamik aamma aqutsisup suleqatillu qanimut suleqatigiissinnaassuseqarlutik suliassanik naammassinninnissamik naatsorsuuteqarfiusumi sulisinnaassuseqartutit.

Atorfik ulloq suliffiusoq naallugu suliffiuvoq, tassa ullukkuunerusoq. Pakkutami aqutsisutut aggersarneqariataarsinnaaneq naatsorsuutigineqassaaq.

Atorfimmik inuttassarsiussinitsinni allagarsiussarput soqutiginnilissutigissagit neriuutigaarput, qilanaarpugullu qinnuteqarnissannut.

Pinerlussimannginnermut uppernarsaat:
Atorfik una pinerlussimannginnermut allagartamik pissarsinissamut inatsimmi pisussaatitaaffiuvoq. Inatsit naapertorlugu atorfinitsitsineq aatsaat pisinnaavoq kommune pineqaatissinneqarsimannginnermut uppernarsaammik pissarsereerpat. Taamaammat maluginiaqqussavarput atorfininnissamut isumaqatigiissusiortoqarsinnaammat aatsaat kommune pineqaatissinneqarsimannginnermut uppernarsaammik Politiinit pissarsereerpat.

Akissaatit atorfinitsitaanermilu atugassarititaasut:
Kalaallit Nunaanni Naalakkersuisut kattuffiullu allap isumaqatigiinniarsinnaatitaasup akornanni isumaqatigiissut atuuttoq naapertorlugu, akissarsiaqartitsisoqarlunilu atorfinitsitsisoqassaaq

 

Piffissaq suliffiusartussaq tassaavoq sap.ak. akunnerit 40-t.

Qaammatit pingasut misiliutitut sulereernermi atorfinitsitsisoqassaaq.

Atorfimmut atatillugu inissaqartitsisoqarpoq, taamaattumik qularnaveeqqummut ineqarnermullu, atuinermut il. il. akiliisoqartassaaq, matumanilu Kalaallit Nunaanni Namminersorlutik Oqartussat kommunillu Kalaallit Nunaanni illuutaannut tunngatillugu ineqarnermut akiliuteqartarnermut maleruaqqusat naapertorlugit akiliisarneq pisassalluni. Atorfimmut atatillugu atorfininnermi inissamik piareersimasuuteqanngikkaanni, sulisunut utaqqiisaasumik inissaqarsinnaatitaasunut, utaqqiisaasumik inissaq neqeroorutigineqassaaq, tamatumunngalu atatillugu ineqarnermut, atuinermut il. il. qulaani maleruaqqusaasut naapertorlugit akiliuteqartoqartassalluni.   Ineqarnermut, matumani atuinermut, il. il. tunngasut pillugit annertunerusumik paasisaqarusukkaanni, paasissutissat uani takuneqarsinnaapput: www.iserit.gl. Sulisunut inissamik piareersimasuuteqartoqarnera apeqqutaatillugu atorfininnissaq pissaaq. Atorfininnermut atatillugu angalanermut pequtillu nassiunnerinut malittarisassat atuuttut naapertorlugit akiliussinerit pissapput.

Qinnuteqarfissaq:
Qinnuteqaat Job nr. 473/19-imik nalunaaqutserlugu ilinniagarisimasat aamma siornatigut suliffigisimasat pillugit paasissutissartalik aamma soraarummeernermi papilissat assilineqarnerannik il.il. ilalik qinnuteqaateqarnissamut killissarititaasup qaangiutinnginnerani Sulisoqarnermut Immikkoortortamit tiguneqareersimassaaq.

Imatut qinnuteqassaatit:
Qinnuteqaatit elektroniskimik nassiunneqarnissaat piumaneqarnerupput, quppernermi matumani allerpaami innersuussaq toorukku qinnuteqaatit CV-llu kakkiullugit.

 

Qinuteqaat tunniunneqassaaq kingusinnerpaamik: 5. august 2019
Atorfininneq: Isumaqatigiissuteqarnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Susanne K. Ettrup
Telefon: +299 36 61 63
Mobil: +299 56 27 61
Nittartagaq: http://www.sermersooq.gl
Qinnuteqaat nassiutiguk