Skip to main content
112

Pakkutami immikkut paaqqinnittarfik pisortamik pissarsiorpoq / Atorfiup normua 638/19

Immikkut paaqqinnittarfimmi sulisunik aqutsinermik suliammilli ingerlatsivimmik ineriartortitsinermik suliaqarusuppit?

Nuummi immikkut paaqqinnittarfimmi Pakkutami aqutsisuussaatit, innuttaasunut innarluutilinnut aqqaneq marlunnut ineqarfimmi. Pakkutami sulisut 20-t missaaniipput, taakku perorsaasuupput, peqqissaanermi assistentiupput,  eqqissaanermi ikiortaapput ilinniagaqanngitsunillu sulisoqarluni. Innuttaasut 18-iniit 66-inut ukioqarput, ukioqqortussutsit maannakku 27-t 59-illu akornanniipput. Pakkutami innuttaasut timikkut tarnikkullu piginnaasaqassusiat annikitsuararsuuvoq, timikkut, tarnikkut inuillu attaveqaqatigiittarneranni piginnaasatik pigiinnarniarlugit,

pitsanngortinniarllugit annertusarniarlugillu annertuumik immikkullu taperserneqarnissamik, ikiorneqarnissamik, paarineqarnissamik isumassorneqarnissamillu pisariaqartitsipput. 

Pakkutami aqutsisutut sulisut suliamik ingerlatsinerisigut angusaqartitsinissamik pimoorussivutit. Ulluinnarni sulisunik aqutsinermut, ingerlatsinermut Pakkutamilu ingerlaavartumik ineriartortitsinermut akisussaasuussaatit. Suliffimmi soqutiginartunik arlalinnik unammilligassaqassaatit, aammali ineriartortitsinissamut piareersimasunik sulisoqassallutit. Paaqinnittarfimmi ullumikkut piginnaasaqartunik sulisoqarpoq, ersarissumik, isumassarsiortarluni takorluugaqarluni sammiveqarnissamik sulerususseqarluartunik, paaqqinnittarfiullu suliamik ingerlatsinermi suleqatigiittarnermilu

pitsaasumik pimoorussisunik kajumissuseqartunillu. Suliassaq pingaarneq taamaalilluni tassaavoq suleriaatsit, sammisaqarnerit, katsorsaanerit suliaqarfiillu akimorlugit suleqatigiinneq il.il. eqqarsaatigalugit immikkoortuni tamani pitsaasumik ineriartortitsilernissaq, tamannalu aqqutigalugu suliamik nuannerisaqartitsilerneq innuttaasunullu iluaqutaasumik suliamik ingerlatsinermi pitsaasuseqartitsilerneq. Ineqarfinnut Immikkoortortaqarfimmi Aqutsisoq qullersarissavat paaqqinnittarfinnilu aqutsisut allat sisamat peqatigalugit aqutsisoqartigiinni suleqataassallutit.

Illit pillutit

Suliffimmut qinnuteqarnissamut ilinniakkat apeqqutaanngilaq. Iligamivarput naleqquttumik tunngaviusumik ilinniagaqartuusutit, pingaarnerpaajuvorli aqutsisutut immminut misilerarnissamut piumassaqartuunissat. Aqutsinermi illuatungaatigut erseqqissumik tunngavilersuineq erseqqarissuunerlu naleqquttumik oqimaaqatigiissitsissaatit illuatungaanilu tusarnaartuussaatit asissujuitsuullutillu. Suliffimi arlalinnik oqaaseqarfiusumiissinnaavutit

kulturillu pissusilersuutinilu assigiinngitsunik pissuseqarfiusumi sulisinnaassuseqassaatit. Naggataatigut innuttaasunut

sulisunullu pimoorussusinut sunniuteqarusulluartuussaatit. 

Suliamik ingerlatsinermi piginnaasarineqartussatut ilimagaagut:

  • Assersuutigalugu peqqissaanermi perorsaanermiluunniit naleqquttumik ilinniagaqartuusutit
  • Aqutsinissamik piumassuseqartutit aqutsisuuninnilu ineriartortitserussuseqartutit
  • Nammineq aqutsisutut inissisimaninni kiisalu sulisut suliassaannut akisussaaffiinullu suut ilimasuutiginninnut tunngatillugu erseqqissuussasutit
  • Oqaloqateqartarlutit, ammasuullutit sulisunillu peqataatitsillutit akuersaartumik aqutseriaaseqassasutit
  • Suliffimmi politikkikkut aqunneqartumi sulinermik misilittagaqassasutit kiisalu immikkoortumut tunngasunik inatsinik paasinnissinnaassasutit. 

Inuttut piginnaasatut ilimagaagut:

  • Attaveqarluarsinnaassuseqassasutit aammalu ataatsimoorluni innuttaasunut pitsaanerpaanik aaqqiissuteqarnissamut ammasuuneqinnuttasunillu peqataatitsineq suleriaatsimut nalinginnaasumik ilaasutut isigissagitit
  • Suleqatiginniarsinnaassasutit, suliffik akimorlugu tamat isigalugit eqqarsarsinnaasoq
  • Akerliliiumanngitsuussanngitsutit, siuttoorususseqassasutit sammivimmillu sulisunut takutitsisinnaassasutit
  • Suliffimmi ulluinnarni allanngorarfiusorujussuarmi, sukkasuumik suliarfiusartumi persuarsioranilu oqaloqatigiiffiusartumi sulisinnaassasutit, tassani aqutsisoq sulusillu ataatismut kivitseqatigiinnissaat ilimagineqarluni. 

Piffissaq suliffik ullukkuunerussaaq. Pakkutami aqutsisutut suliartoqquneqariaannaanissat ilimagissavat.

Neriuppugut sulisussarsiorluni allagarsiut soqutigilersimassagit qinnuteqaativillu tigunissaaq qilanaaraarput.

Pineqaatissinneqarsimannginnermut uppernarsaat:
Atorfik taanna pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommune Politiinit pineqaatissinneqarsimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

Inissaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput. 

Qinnuteqaat:
Qinnuteqaatip ilisarnaataata Job nr. 638/19, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 29. Oktober 2019
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Henrik Gundersen
Telefon: +299 36 60 87
Nittartagaq: http://www.sermersooq.gl
Qinnuteqaat nassiutiguk