Skip to main content
156

Dette jobopslag er udløbet

Paarsisoq eqqiaasussarsiorpoq

Eqqiaasoq soqutiginnittoq tunniusimasorlu Akuleriinnik Meeqqerivik Paarsisoq sulilersinnaasoq pissarsiariumaneqarpoq

Paarsisoq akuleriinnik meeqqeriviuvoq 90-nik meerartalik, meeraaqqerivimmi 36-t meeqqerivimmilu 54-t

Sulisoqarpoq 22-nik pisortaq eqqiaasorlu ilanngullugit

 

Meeqqanut ulluunerani paaqqinnittarfimmik ineriartortitseqataarusuppit? Ingerlatsinermik attassinermut ineriartortitsinermullu suleqataarusuppit? Eqqiaanermillu nuannarisaqarpit? Maani qanimut attaveqatigiinnerit pingaartinneqaqaat meeqqallu eqimattaqatigiillu ataasiakkaat ineriartornerat atugarissaarnerallu ukkatarineqarput. Taava suliffissaqartippatsigit, periarfissaqarputillu suliffiup nuannersup ineriartortinneqarluartullu suleqataaffigilernissaanut.

Meeqqat alapernaatsut, tatitussusillit, peqqissut nuannaartullu Kommunitta anguniagai, aqqutissiuullugit iliuusissatsinnik eqqartuisarnitsinni piviusunngortinnissai anguniassavagut.

Meeqqerivitsinni immikkut ilisarnaatigaarput: Anguniakkat aallaavigalugit sulineq, ukunannga:

  • Anguniagaavoq meeqqat peqqissut nuannaartullu timiminnik atuilluarsinnaasut ukiut tallimat ingerlaneranni pilersissimassagigut
  • Anguniagaavoq meerartatta oqaatsinik akoorinatik eqqortumik oqaatsitta atornissaat ilikkarsimassagaat
  • Aammattaaq kalaallisut oqaatsit kisiisa pinnagit sumiorpaluutigulli pillugit ilikkartinneqarnissaat aamma anguniagaalluni.

 

 

Suliffik qanoq ittoq neqeroorutigisinnaavarput:

Uagutsinnut pingaaruteqarpoq meeqqat ulluinnarnik ataqatigiissunik toqqissimanartunillu misigisaqarnissaat inunnut pitsaasumik attaveqarneq aqqutigalugu. Naatsorsuutigaarput illit paaqqinnittarfiup anguniagaanut sinaakkutissanik pilersitseqataassasutit taakkununngalu tapersersuissasutit, aporfeqanngitsumillu inini pisariaqartitsiffiusuni ikiuussinnaasassatutit.

Suliffimmi ulluinnarni sammisanut annertuumik sunniuteqarfigisinnaasat neqeroorutigaarput.

Meeqqeriviuvungut sulisut atugarissaarnerannik, suliffimmik atugarissaarfiusumik, suleqatigiinnermik ingerlalluartumik aamma suliffimmi avatangiisit pitsaasuunerannik pingaartitsisut, maani suliamut tunngatillugu ineriartorneq pingaartinneqaqaaq.

 

 

Qinnuteqartumut naatsorsuutigineqartut:

  • Meeqqanik nuannarisaqartutit
  • Inussiarnersuusutit sulinermillu nuannarisaqarlutit
  • Eqqiaaneq pikkoriffigivat soqutigisaralugulu
  • Piffissamik ataqqinnittuuvutit naatsorsuutigineqarsinnaajuaannarlutillu
  • Piffissap ilaani pisariaqartitsinermi igaffimmi ininilu ikiuussinnaasassasutit
  • Nammineq akisussaaffimmik tigusisinnaavutit namminersorlutillu sulisinnaallutit
  • Suleqatinut angajoqqaanullu suleqatiginnikkumavutit
  • Allanngortitsinissamut piareersimasuuvutit
  • Meeqqanut ineriartuutaasunik sammisaqartitsinernik pilersaarusioqataaasinnaasutit

 

 

Meeqqerivik pillugu:

Akuleriinnik Meeqqerivik Paarsisoq, paaqqinnittarfipput aamma anguniakkavut pillugit uani annermik atuagassaqarpoq: sermersooq.gl

 

 

Annertunerusumik paasisaqarusukkuit:

Aqutsisoq: Aani Barlaj ,Oqarasuaat:  366760, Email: anba@sermersooq.gl  

 

 

Meeqqanik pinerliisimannginnermut aamma pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput Kommunip uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik innarliisimannginnermut uppernarsaat qinnuteqartumit akuersissutitalik kommunimit piniarneqassaaq, pineqaatissinneqarsimannginnermullu uppernarsaat pineqartup Politiinit pissavaa.

 

 

Akissaatinut atorfinitsitaanermullu tunngatillugu atugassarititaasut:

Namminersorlutik Oqartussat, S.I.K imaluunniit kattuffiup allap isumaqatigiinniarsinnaatitaasup akornanni isumaqatigiissut atuuttoq naapertorlugu, akissarsiaqartitsisoqarlunilu atorfinitsitsisoqassaaq.Atorfinitsitsineq qaammatini pingasuni misiligutaaqqaassaaq.

 

Inissiaq:
Atorfimmut atatillugu inissiamik atugassiisoqanngilaq.

 

 

Qinnuteqaateqarneq:

Qinnuteqaat atorfiup normuanik ilisarnaatilik Atorfik nr 550/22  aamma ilinniagaqarsimaneq siornatigullu suliffigisimasat pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

 

 

Imatut qinnuteqassaatit:

Qinnuteqaatit elektroniskimik nassiunneqassaaq, quppernermi matumani allerpaami innersuussaq toorukku qinnuteqaatit CV-llu kakkiullugit nassiussinnaavatit.

Qinnuteqarnissamut killissarititaasoq: aggustip 29.-at, 2022

Atorfik una qinnuteqarfigiuk