Skip to main content
111

Dette jobopslag er udløbet

Paamiuni utoqqaat illuat Puilasunnguiani utoqqarnut paaqqutarinniffimmut sundhedsassistent-i / Atorfiup nr. 544/20

Utoqqaat illuat Puilasunnguit Paamiut utoqqarnut immikkoortortaqarfiani sundhedsassistent-imik pissarsiorpoq 1 december 2020 sulilersussamik imaluunniit isumaqatigiissuteqarnikkut.

Utoqqarnik qanigisaasut qanimut oqaloqatigisarlugit sullissinissaq pimooruppiuk? Piumassusiliuit inuttullu ajunngitsumik eqqarsartartuuit piginnaasannik timitaliisinnaanikkut utoqqaat pitsaasumik tungiorneqarnerannik paaqqutarineqarnerannillu kinguneqartitsisinnaasoq? Ilinniarsimanngitsunullu ilinniartitsisinnaasutut/ikorfartuisinnaasutut imminut isigiguit Paamiuni Puilasunnguani sundhedsassistent-itut atorfik tamatumunnga periarfissaqarluarpoq.

Puilasunnguit                                                                                                                         
Puilasunnguit utoqqarnik paaqqutarinniffiusoq 24-inut inissaqarpoq. Ulluinnarni periarfissaqarpoq najugaqartut kiisalu innuttaasut utoqqaat illoqarfimmiut sammisassaqartitsivimmut ornigunnissaannik.

Sulisut ilaatigut ima katitigaapput: Aqutsisoq,tullersorti, allaffimmioq ataaseq, Ataqatigiissarisut marluk, peqqissaanermi ikiorti 2, peqqissaanermi-isumaginninnermilu ikiorti 3, ilinniarsimanngitsut arlallit,Sammisassaqartitsivimmi aqutsisoq ataaseq, sammisassaqartitsivimmi ikiorti ataaseq, igaffimmi aqutsisoq ataaseq, igaffimmi assistentit marluk, igaffimmi ikiortit ataaseq, pedel, pedel-imut ikiorti ataaseq, oldfrue ataaseq, eqqiaasoq ataaseq. Paaqqutarinninnermik sulialinnik ilinniarsimasunik amerlanerusunik atorfinitsitsinissaq siunertaavoq.

Sundhedsassistent-i aaqqissuussaanikkut pisortap ataani inissisimassaaq.

Atorfiup imarisaa:
Sundhedsassistent-i utoqqaat najugaqartut peqatigalugit pitsaasumik tungiusumillu-pitsaassutsip kiisalu paaqqutarinninnerup inerisartuarneqarnissaata pingaarnerpaatut salliunneqartuarnissaanut suleqataasussamik pissarsiorpugut.

Isumarput naapertorlugu najugaqartut inuunerissusaannut toqqaannartumik sunniuteqartarmat piginnaasanik inerisaanermik qitiutitserusunnermik, suliffimmik nuannarinninnermik, aalajaassutsimik ataqatigiinnermillu kissaateqarluta inerisaaneq ingerlapparput.  Taamaammat najugaqartunut iluaqutaasussamik ilinniakkat akimorlugit nutaaliortitsisumik inerisaasumillu qanimut suleqatigiinnermik avatangiiseqarluni sulinissaq kissaatigaarput.

Sunniutaa najugaqartut inuunerissusaanni malugineqarsinnaalersillugu-pisortaq tullersortilu peqatigalugit, ilinniarsimanngitsut piginnaasatigut inerisarnissaanni peqataanissat naatsorsuutigaarput.

Illit pillutit naatsorsuutigisagut:

  • Sundhedsassistent-itut ilinniagaqarsimassasutit assingusumilluunniit
  • Ilinniagaqassutsikkut piginnaasaqarluartuunissat iliuusissanillu toqqaaninni isorisannik paasisaqarusussuseqarnissat
  • Utoqqarnik sullissinissamut kajungernissat soqutiginninnissallu
  • Illugiinnik oqaaseqartuunissat
  • Pigaartuuffiit sap.ak.naanerani paarlakaajaallugit suliffigisinnaassagitit, kiisalu angerlarsimaffimmi pigaartuuneq
  • Ilinniakkat akimorlugit suleqatigiinnermut piginnaasaqarluartuunissat
  • Paaqqutarinninnerup/peqqissaanerup inerisarnissaanut uppernarsaasiornermullu suleqataarusussuseqarnissat
  • Ilinniartitsinermi peqataarusunnissat, ilinniartunullu sulinermik sungiusaasuunissat.
  • Avatangiisinik pitsaasunik, isumassarsiullaqqissutsimik, isumassarsititsisinnaanermik inerisarfiusunillu pilersitseqataanissat
  • Aalajaatsoq, pitsaassutsimik pingaartitsisoq immikkuualuttullu ilanngullugit maluttarissoq
  • Uippakajaarani arlariinnik suliaqarsinnaasoq
  • Nammineerluni sulisinnaasoq, akisussaassuseqartoq sullissiumatoorlu
  • Sulianut atatillugu sungiussilluarsimasoq ataavartumillu suliat agguataarneqartarnerannik nalimmassaalluarsinnaasoq.
  • Ulloq ulapaarfiugaluarpalluunniit ukkatarinnilluarsinnaasoq ataqatigiissitsilluarsinnaasorlu.
  • Nukittooq pilersitsiniallaqqissoq inissaqartitsiuartoq piumassuseqarluartorlu
  • Sulianik naammassinninniarluni ingerlatsinermut ineriartortitseqataalluni pitsanngorsaaqataalluni peqataalluartartoq
  • Atituumik suleqateqarluarsinnaasoq

Neqoroorutigaagut:

  • Atorfik imarisamigut annertuumik sunniuteqarfigineqarsinnaasoq
  • Atorfik pillugu pitsaasumik paasissutissinneqarnissaq
  • Inuttut ilinniakatigullu inerisarnissamut periarfissagissaarneq
  • Suliaq unammilligassalik suleqatit pitsaasut peqatigalugit ingerlanneqartussaq
  • Ilinniakkat akimorlugit suleqatigiinneq

Sap.ak. nal.ak. suliffiusartussat: 40. Ingerlatsinerup qanoq ittuunera apeqqutaalluni angerlarsimaffimmiit pigaartuusoqartarsinnaavoq.

Paasissutissat sukumiinerusut pisortaq Jane Andersen Hegelund oqarasuaatikkut: 367621 imaluunniit e-mailikkut: jahe@sermersooq.gl attavigalugu pissarsiarineqarsinnaapput.

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussat, PPK-llu isumaqatigiissutaat atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

Inissaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat:
Qinnuteqaatip ilisarnaataata Atorfiup nr. 544/20, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 15. november 2020
Atorfininneq: Isumaqatigiissuteqarnikkuy
Akunnerit suliffiit: Ulloq naallugu
Suliffik: Paamiut
Paasissutissat allat uani piniarneqarsinnaapput: Jane Andersen Hegelund
Telefon: +299 36 76 21
Nittartagaq: http://www.sermersooq.gl
Qinnuteqaat nassiutiguk