Skip to main content
121

Dette jobopslag er udløbet

Paamiuni utoqqaat illuani Puilasunnguiani utoqqarnut immikkoortortaqarfianut ataqatigiissaarisoq/ Atorfiup normua 575/21

Utoqqaat illuat Puilasunnguit Paamut utoqqarnut puigortunngortut immikkoortortaqarfiani  ataqatigiissaarisumik pissarsiorpoq 1 November 2021 atorfinittussamik isumaqatigiissuteqarnikkulluunniit

Utoqqarnik qanigisaasut qanimut oqaloqatigisarlugit sullissinissaq pimooruppiuk? Piumassusiliuit inuttullu ajunngitsumik eqqarsartartuuit piginnaasannik timitaliisinnaanikkut utoqqaat pitsaasumik tungiorneqarnerannik paaqqutarineqarnerannillu kinguneqartitsisinnaasoq? Ilinniarsimanngitsunullu ilinniartitsisinnaasutut/ikorfartuisinnaasutut imminut isigiguit Paamiuni Puilasunnguani ataqatigiissaarisutut atorfik tamatumunnga periarfissaqarluarpoq.

Puilasunnguit 
Puilasunnguit utoqqarnik paaqqutarinniffiusoq 24-inut inissaqarpoq. Ulluinnarni periarfissaqarpoq najugaqartut kiisalu innuttaasut utoqqaat illoqarfimmiut sammisassaqartitsivimmut ornigunnissaannik.

Sulisut ilaatigut ima katitigaapput: Aqutsisoq,tullersorti, allaffimmioq ataaseq, Teamkoordinator ataaseq,  peqqissaanermi ikiorti tallimat, peqqissaanermi-isumaginninnermilu ikiorti marluk,sammisassaqartitsivimi aqutsisoq, sammisassaqartitsivimmi ikiortit ataaseq, ilinniarsimanngitsut arlallit, igaffimmi aqutsisoq ataaseq, igaffimmi assistentit marluk, igaffimmi ikiorti ataaseq, pedel, pedel-imut ikiorti ataaseq, oldfrue ataaseq, eqqiaasut marluk. Paaqqutarinninnermik sulialinnik ilinniarsimasunik amerlanerusunik atorfinitsitsinissaq siunertaavoq.

Ataqatigiissaarisoq aaqqissuussaanikkut pisortap ataani inissisimassaaq.

Atorfiup imarisaa:
Ataqatigiissaarisoq utoqqaat najugaqartut peqatigalugit pitsaasumik tungiusumillu-pitsaassutsip kiisalu paaqqutarinninnerup inerisartuarneqarnissaata pingaarnerpaatut salliunneqartuarnissaanut suleqataasussamik pissarsiorpugut.

Isumarput naapertorlugu najugaqartut inuunerissusaannut toqqaannartumik sunniuteqartarmat piginnaasanik inerisaanermik qitiutitserusunnermik, suliffimmik nuannarinninnermik, aalajaassutsimik ataqatigiinnermillu kissaateqarluta inerisaaneq ingerlapparput.  Taamaammat najugaqartunut iluaqutaasussamik ilinniakkat akimorlugit nutaaliortitsisumik inerisaasumillu qanimut suleqatigiinnermik avatangiiseqarluni sulinissaq kissaatigaarput.

Sunniutaa najugaqartut inuunerissusaanni malugineqarsinnaalersillugu-pisortaq tullersortilu peqatigalugit, ilinniarsimanngitsut piginnaasatigut inerisarnissaanni peqataanissat naatsorsuutigaarput.

Illit pillutit naatsorsuutigisagut:

  • Sundhedsassistent-itut assingusumilluunniit ilinniarsimanermut allagartaqarneq, aqutsisutut misilittagaqarsimaneq.
  • Ilinniagaqassutsikkut piginnaasaqarluartuunissat iliuusissanillu toqqaaninni isorisannik paasisaqarusussuseqarnissat
  • Utoqqarnik sullissinissamut kajungernissat soqutiginninnissallu
  • Aqutsinermi peqataanissamut pikkoriffeqarnissat kajungerisaqarnissallu
  • Pigaartuuffiit sap.ak.naanerani paarlakaajaallugit suliffigisinnaassagit kiisalu angerlarsimaffimmi pigaartuuneq
  • Illugiinnik oqaaseqartuunissat
  • Ilinniakkat akimorlugit suleqatigiinnermut piginnaasaqarluartuunissat
  • Paaqqutarinninnerup/peqqissaanerup inerisarnissaanut uppernarsaasiornermullu suleqataarusussuseqarnissat
  • Ilinniartitsinermi peqataarusunnissat, ilinniartunullu sulinermik sungiusaasuunissat.
  • Avatangiisinik pitsaasunik, isumassarsiullaqqissutsimik, isumassarsititsisinnaanermik inerisarfiusunillu pilersitseqataanissat
  • Aalajaatsoq, pitsaassutsimik pingaartitsisoq immikkuualuttullu ilanngullugit maluttarissoq
  • Uippakajaarani arlariinnik suliaqarsinnaasoq
  • Nammineerluni sulisinnaasoq, akisussaassuseqartoq sullissiumatoorlu
  • Sulianut atatillugu sungiussilluarsimasoq ataavartumillu suliat agguataarneqartarnerannik nalimmassaalluarsinnaasoq.
  • Ulloq ulapaarfiugaluarpalluunniit ukkatarinnilluarsinnaasoq ataqatigiissitsilluarsinnaasorlu.
  • Nukittooq pilersitsiniallaqqissoq inissaqartitsiuartoq piumassuseqarluartorlu
  • Sulianik naammassinninniarluni ingerlatsinermut ineriartortitseqataalluni pitsanngorsaaqataalluni peqataalluartartoq
  • Atituumik suleqateqarluarsinnaasoq

Neqoroorutigaagut:

  • Atorfik imarisamigut annertuumik sunniuteqarfigineqarsinnaasoq
  • Ulluinnarni suliffiusartussat 7-15
  • Atorfik pillugu pitsaasumik paasissutissinneqarnissaq
  • Tatigineqarneq, ilinniarsimanerit aallaavigalugu suliat nammineq ingerlassinnaagit
  • Akisussaassusermik tunineqarnerit aallaavigalugu suleqataaneq
  • Suliat assigiinngitsut akornatigut suliassaqarluarneq najugaqartut sulisullu peqatigalugit
  • Suliffik suliannut ataqqinnilluni ingerlasoq, uku aallaavigalugit: Ataqqinninneq, akisussaassuseqarneq ilinniarusunnerlu
  • Inuttut ilinniakatigullu inerisarnissamut periarfissagissaarneq

Sap.ak. nal.ak. suliffiusartussat: 40.

Paasissutissat sukumiinerusut Aqutsisumut Najaaraq Abelsen oqarasuaatikkut: 367621 imaluunniit e-mailikkut: naab@sermersooq.gl attavigalugu pissarsiarineqarsinnaapput.

Pinerliisimannginnermut uppernarsaat:
Atorfik inuttassarsiuussarput pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommunip Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat

Akissarsiat atorfininnermilu atugassarititat:
Akissarsiat atorfininnermullu atatillugu atugassarititaasut Namminersornerullutik Oqartussat kattuffiullu isumaqatiginninniarsinnaatitaasup akornanni isumaqatigiissut PPK naapertorlugu aalajangersagaapput, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfininneq qaammatini pingasuni misiliutitaqassaaq.

Inissaq:
Atorfininnermut atatillugu inissamik qularnaveeqqusissummik qaammammullu Kalaallit Nunaanni Namminersorlutik oqartussat kommunillu inissiaataanni assigisaannillu akiliutaasartut pillugit maleruagassat atuuttut naaapertorlugit kiassanermut, innaallagissamik imermillu atuinermut akiliutqarfiusartussamik innersuussisoqarsinnaavoq. Inigilivigassaq atorfininnermi ingerlaannaq innersuunneqarsinnaanngippat sulisunut utaqqiisaagallartumik qulaani taaneqartut tunngavigalugit ineqarnermut, atuinermut assigisaanullu akiliuteqarfiusartussamut inissiisoqarsinnaavoq. Ineqarnermut- tamatumunngalu atatillugu atuinermut assigisaanullu akiliutit pillugit paasissutissat sukumiinerusut nittartakkami: www.iserit.gl pissarsiassat innersuunneqarput.

Atorfinitsitsisinnaanissamut qaqugu sulisunut inissamik pissarsisinnaanissaq apeqqutaavoq. Atorfininnermut atatillugu angalaneq pisattanillu angallassineq maleruagassat atuuttut naapertorlugit sulisitsisumit akilerneqassapput.

Qinnuteqaat:
Qinnuteqaat ilisarnaaserlugu atorfiup nr.575/21, paasissutissanik- ilinniakkamut siornatigullu suliarisimasanut tunngasut- soraarummeeersimanermut uppernarsaatit assigisaallu ilanngullugit qinnuteqarfissaq kingulleq nallertinnagu sulisoqarnermut immikkoortortaqarfimmut tiguneqareersimassapput.

Imaaliussaatit:
Qinnuteqaatit pappiaqqallu ilanngussassat allat attavik quppernerup naggataaniittoq atorlugu nassiunneqarnissaa kissaataavoq.

MALIGIUK: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk. 

 

Qinuteqaat tunniunneqassaaq kingusinnerpaamik: 12. oktober 2021
Atorfininneq: Isumaqatigiissuteqarnikkut
Suliffik: Paamiut
Paasissutissat allat uani piniarneqarsinnaapput: Najaaraq Abelsen
Telefon: +299 367621
Mobil: +299 244863
Nittartagaq: http://www.sermersooq.gl
Qinnuteqaat nassiutiguk