Skip to main content
158

Dette jobopslag er udløbet

Paamiuni utoqqaat illuani Puilasunnguiani puigortunngornikut immikkoortortaqarfianut peqqisaanermi ikiortissarsiorpugut/ Atorfiup normua 406/19

Utoqqaat illuat Puilasunnguit Paamiut sammisassaqartitsivimmi sulisussarsiorpugut 1 juni imaluunniit isumaqatigiissuteqarnikkut atorfinittussamik.

Utoqqarnik qanimut oqaloqatigisarlugit sullissinissaq pimooruppiuk? Piumassusiliuit inuttullu ajunngitsumik eqqarsartartuuit piginnaasannik timitaliisinnaanikkut utoqqaat pitsaasumik tungiorneqarnerannik paaqqutarineqarnerannillu kinguneqartitsisinnaasoq?Sammisassaqartitsivimmi sulisutut imminut isigiguit Paamiuni Puilasunnguani atorfik tamatumunnga periarfissaqarluarpoq.

Puilasunnguit:                                                                                                                          
Puilasunnguit utoqqarnik paaqqutarinniffiusoq 17-inut inissaqarpoq.

Sulisut ilaatigut ima katitigaapput: Aqutsisoq,tullersorti, allaffimmioq ataaseq, Sundhedsassistenti ataaseq, peqqissaanermi ikiorti marluk, peqqissaanermi-isumaginninnermilu ikiorti pingasut, ilinniarsimanngitsut arlallit, igaffimmi aqutsissoq, igaffimmi assistentit ataaseq, igaffimmi ikiortit pingasut, pedel, pedel-imut ikiorti ataaseq, oldfrue ataaseq, eqqiaasoq ataaseq. Paaqqutarinninnermik sulialinnik ilinniarsimasunik amerlanerusunik atorfinitsitsinissaq siunertaavoq.

Maj qaammat 2019 utoqqarnik paaqqutarinniffik 24-nut inissalik ulluunerani utoqqarnik sullissivittalik  naammassineqareerluni nutserfigineqarsinnaanngussaaq.

Sammisassaqartitsivimmi sulisoq aaqqissuussaanikkut pisortap ataani inissisimassaaq.

Atorfiup imarisaa:
Sammisassaqartitsivimmi aqutsisoq suleqatigalugu utoqqaat najugaqartut kiisalu innuttaasut utoqqaat sammisassaqartitsivimmut takkuttartut peqatigalugit pitsaasumik tungiusumillu-pitsaassutsip kiisalu paaqqutarinninnerup inerisartuarneqarnissaata pingaarnerpaatut salliunneqartuarnissaanut suleqataasussamik pissarsiorpugut.

Isumarput naapertorlugu najugaqartut atuisullu inuunerissusaannut toqqaannartumik sunniuteqartarmat piginnaasanik inerisaanermik qitiutitserusunnermik, suliffimmik nuannarinninnermik, aalajaassutsimik ataqatigiinnermillu kissaateqarluta inerisaaneq ingerlapparput.  Taamaammat najugaqartunut atuisunullu iluaqutaasussamik ilinniakkat akimorlugit nutaaliortitsisumik inerisaasumillu qanimut suleqatigiinnermik avatangiiseqarluni sulinissaq kissaatigaarput.Annermik sammisarivagut paaqqinniffimmi nuunnginnissaat anguniarlugu timikkut sungiusarlugit, pisinnaasaannik arsaartornagit.

Naatsorsuutigaarput sammisassaqartitsivimmi aqutsisoq pisortaq tullersortilu peqatigalugit sammisassaqartitsivik inerisarnissaanni peqataanissat taamaasilluni najugaqartut atuisussallu pitsaasumik atugaqartinneqassammata.

Illit pillutit naatsorsuutigisagut:

  • Peqqissaanermi ikiortitut ilinniagaqarsimassasutit
  • Ilinniagaqassutsikkut piginnaasaqarluartuunissat iliuusissanillu toqqaaninni isorisannik paasisaqarusussuseqarnissat
  • Utoqqarnik sullissinissamut kajungernissat soqutiginninnissallu
  • Illugiinnik oqaaseqartuunissat
  • Ilinniakkat akimorlugit suleqatigiinnermut piginnaasaqarluartuunissat
  • Avatangiisinik pitsaasunik, isumassarsiullaqqissutsimik, isumassarsititsisinnaanermik inerisarfiusunillu pilersitseqataanissat
  • Aalajaatsoq, pitsaassutsimik pingaartitsisoq immikkualuttullu ilanngullugit maluttarissoq
  • Uippakajaarani arlariinnik suliaqarsinnaasoq
  • Sulianut atatillugu sungiussilluarsimasoq ataavartumillu suliat agguartaarneqartarnerannik nalimmassaalluarsinnaasoq
  • Ulloq ulapaarfiugaluarpalluunniit ukkatarinnilluarsinnaasoq ataqatigiissitsilluarsinnaasorlu
  • Nukittooq pilersitsiniaallaqqissoq inissaqartitsiuartoq piumassuseqarluartorlu
  • Sulianik naammassinninniarluni ingerlatsinermut ineriartortitseqataalluni pitsanngorsaaqataalluni peqataalluartoq
  • Atituumik suleqateqarluarsinnaasoq

Neqoroorutigaagut:

  • Atorfik imarisamigut annertuumik sunniuteqarfigineqarsinnaasoq
  • Ataasinngornermiit tallimanngorneq ilanngullugu ulluuniunerusoq sulisarnissaq
  • Atorfik pillugu pitsaasumik paasissutissinneqarnissaq
  • Inuttut ilinniakatigullu inerisarnissamut periarfissagissaarneq
  • Suliaq unammilligassalik suleqatit pitsaasut peqatigalugit ingerlanneqartussaq
  • Suliassaqarfiup iluani annertuumik akisussaaffeqarneq aalajangeeqataasinnaanerlu
  • Ilinniakkat akimorlugit suleqatigiinneq

Sap.ak. nal.ak. suliffiusartussat: 40. Ingerlatsinerup qanoq ittuunera apeqqutaalluni angerlarsimaffimmiit pigaartuusoqartarsinnaavoq.

Akissarsiat atorfininnermilu atugassarititat:
Akissarsiat atorfininnermullu atatillugu atugassarititaasut Namminersornerullutik Oqartussat kattuffiullu isumaqatiginninniarsinnaatitaasup akornanni isumaqatigiissut naapertorlugu aalajangersagaapput.

Atorfininneq qaammatini pingasuni misiliutitaqassaaq.

Pineqaatissinneqarsimannginnermut uppernarsaat:
Atorfik taanna pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommune Politiinit pineqaatissinneqarsimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Ineqarneq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfinitsitsisinnaanissamut qaqugu sulisunut inissamik pissarsisinnaanissaq apeqqutaavoq. Atorfininnermut atatillugu angalaneq pisattanillu angallassineq maleruagassat atuuttut naapertorlugit sulisitsisumit akilerneqassapput.

Qinnuteqaat:
Qinnuteqaat ilisarnaaserlugu atorfiup nr. 406/19, paasissutissanik- ilinniakkamut siornatigullu suliarisimasanut tunngasut- soraarummeeersimanermut uppernarsaatit assigisaallu ilanngullugit qinnuteqarfissaq kingulleq nallertinnagu sulisoqarnermut immikkoortortaqarfimmut tiguneqareersimassapput.

Imaaliussaatit:
Qinnuteqaatit pappiaqqallu ilanngussassat allat attavik quppernerup naggataaniittoq atorlugu nassiunneqarnissaa kissaataavoq.

 

Qinuteqaat tunniunneqassaaq kingusinnerpaamik: 11-07-2019
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Paamiut
Paasissutissat allat uani piniarneqarsinnaapput: Jane Andersen Hegelund
Telefon: +299 36 76 21
Nittartagaq: http://www.sermersooq.gl
Qinnuteqaat nassiutiguk