Skip to main content
67

Dette jobopslag er udløbet

Paamiuni Sanarfinermut Avatangiisinullu Ingerlatsivimmi Immikkoortortaqarfimmi aqutsisutut / Atorfiup nr. 404/20

Aqutsillaqqippit? Kommunimi teknikkikkut ingerlatsinermullu soqutigisaqarpit?

Taava immaqa Paamiuni Sanarfinermut Avatangiisinullu Ingerlatsivimmi Immikkoortortaqarfimmi aqutsisutut atorfik ilinnut tulluarpoq!

Kommuneqarfik Sermersooq ingeniørimik, teknikerimik imaluunniit atorfimmut attuumassutilimmik ilinniarsimasumik Immikkoortortaqarfimmi aqutsisumik Sanarfinermut Avatangiisinullu Ingerlatsivimmut pissarsiorpoq. Atorfik piaarnerpaamik imaluunniit isumaqatigiissuteqarnikkut inuttalerniarneqarpoq.

Ulluinnarni suliffigisassat Paamiuniippoq tassani siunissami ineriartortitseqataanissamut periarfissagissaassaatit. Ingerlatsivik kommunip aaqqissuusaanerani, kommunip illuutaanik ataavartumik ingerlatsinikkut aserfallatsaaliuinikkullu kiisalu eqqagassalerinermi imikoorfilerinermilu isumaginnittarnerup allanngortinnissaanut immikoortumut pilersaarusiornermi pingaarutilinnik suliassaqarpoq. Taamaammat suliassanut taakkununnga ulluinnarni immikkoortortaqarfimmi aqutsisumik pikkorissumik pissarsiorpugut.

Immikkoortortaqarfimmi aqutsisutut Sanarfinermut Avatangiisinullu Ingerlatsivimmi akisussaaffeqarfinni ataavartumik ingerlatsinissamut pitsanngorsaajuarnissamullu qulakkeerinneqataassaatit kiisalu (Iserit kommunit inissiaataanik illunullu tunngasunik suliassanik sullissallugu suleqatigissallugulu.)

Immikkoortortami suliassat uku suliarineqartarput:

  • Sanarfinermut Avatangiisinullu Ingerlatsivik aqutsineq.
  • Oqartussaqarfiup suliassaanut tunngasut, nunaminertanik avatangiisinillu nakkutilliineq ilanngullugu 
  • Entreprenøreqarfiup aqunnera.
  • Eqqagassalerinermut imikoorummullu tunngasut
  • Iserit A/S inissianut illunullu tunngasunik suliassat pillugit suleqatigalugit.
  • Kommunimi ulluinnarni ingerlatsineq, assersuutigalugu aputaajaaneq, saligaatsuutitsineq allallu aserfallatsaaliuinerit
  • Kraanit puttasullu ingerlanneqarneri aserfallatsaaliornerilu.
  • Qimmiuteqarnermut qitsuuteqarnermullu tunngasunik ingerlatsineq

Piginnaasaqarfigisassatit:

  • Naleqquttumik ingeniøritut, teknikeritut imaluunniit assingusumik ilinniagaqarsimanissaq.
  • Kommunimi teknikkikkut pilersaarusiornermilu oqartussatut assingusumilluunniit suliaqarnermi misilittagaqartutit.
  • Suliamik aqutsinermik aamma ingerlatsinermik misilittagaqarsimanissaq
  • Suliatigut/allaffissornikkut qarasaasialerinermik assersuutigalugu NunaGis aamma MapInfo misilittagaqartutit.
  • Kommunimit suliffeqarfimmit allamilluunniit sulianik misilittagaqartutit.
  • Illoqarfimmi avatangiisitigut ineriartortitsinermut inunnut nunamullu iluaqutaasussanik sunneeqataarusussuseqarneq.
  • Innuttaasut naapinneranni pingaaruteqarluinnarpoq naligalugillu ataqqinissaat
  • Politikkikkut aaqqissuussaasumi suliaqartarnernik soqutigisaqarluarlutillu ilisimasaqarluartutit
  • Suleqatikkuminartuuneq
  • Ajornanngippat danskisut, kalaallisut tuluttullu oqaatsitigut piginnaasaqarneq
  • Kalaallit Nunaannik ilisimasaqarnissaq iluaqutaasinnaavoq.

Neqeroorutigisinnaavagut:

  • Suliffik soqutiginartoq, aamma assigiinngiiaartunik namminersorluni piginnaasatigut ingerlatsineq, aamma akisussaaffilik.
  • Pikkorissunik piumassuseqarluartunillu suleqateqarlutit suliffimmi suleqatigiilluarneq.
  • Suliatigut inuttullu ineriartornissamut periarfissat pitsaasut.
  • Soqutiginartuni pikkorissaqataaneq ineriartornissamullu periarfissat pitsaasut.
  • Issittumi inuuneq unammillernartortalik pissanganartorlu.

Pineqaatissinneqarsimannginnermut uppernarsaat:
Atorfik taanna pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommune Politiinit pineqaatissinneqarsimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussat, AC-llu isumaqatigiissutaat atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

Inissaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat:
Qinnuteqaatip ilisarnaataata Job nr. 404/20, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 27. August 2020
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Paamiut
Paasissutissat allat uani piniarneqarsinnaapput: Ivan Falck-Petersen
Telefon: +299 367413
Mobil: +299 582649
Nittartagaq: http://www.sermersooq.gl
Qinnuteqaat nassiutiguk