Skip to main content
88

Dette jobopslag er udløbet

Paamiuni Pitsaaliunermut siunnersortimik Ilaqutariinnut sullissivimmi pissarsiorpoq / Atorfiup normua 295/20

Kommuneqarfik Sermersooq pikkorissumik tunniusimasumillu Pitsaaliuinermik siunnersiortimik pissarsiorpoq Paamiuni Ilaqutariinnut Sullissivimmi / Meeqqanut Ilaqutariinnullu Ingerlatsivik-mi inissisimasussamik.  1. august 2020 imaluunniit isumaqatigiissuteqarneq naapertorlugu sulilersinnaasumik pissarsiorpoq

Pitsaaliuineq, Meeqqanut Ilaqutariinnullu Ingerlatsiviup ataani inissisimavoq.Pitsaaliuinermik siunnersortip suliassarai Meeqqanut Ilaqutariinnullu sullissinerup iluani pinaveersaartitsinermik peqqinnerulernissamillu suliniutinik pilersaarusiorneq, ataqatigiissaarineq ineriartortitsineq aammalu avataaniit suleqatit peqatigalugit paasitsitsiniaanerit ingerlattussaavat.

Ilaqutariinnut Sullissivimmi Immikkoortortami aqutsisoqarpoq, ilaqutariinnut siunnersortit, Pitsaaliuinermi siunnersorti kiisalu inuusuttunut siunnersorti. Ilaqutariinnut sullissivimmi aamma qimarnguik ingerlanneqarpoq.

Pitsaaliunermik siunnersortitut atorfimmi suliaqarfissat tassaapput Paamiut nunaqarfialu, tamatuma saniatigut Kommuneqarfik Sermersooq tamakkerlugu Pitsaaliuinermi siunnersortit allat qanimut suleqatigisarsinnaanerannut periarfissaqarluni.  

Atorfik ullu naallugu atorfiuvoq, piareersimaffigineqassaarlu ilaatigut unnukkut suliassat tunngavingalugit sulisoqarsinnaasarnera. qaninnerpaatut attaveqaatigaa Pitsaaliuinermut immikkoortortaqarfimmi aqutsisoq.

Atorfiup imarisaa:
Misilittagaqartumik Pitsaaliuinermut siunnersortimik, pinaveersaartitsinermut peqqinnerulernissamillu suliniutinut peqataalluarsinnaasumik ataanilu makkunannga suliaqarluarsinnaasumik pissarsiorpugut:

  • Kommuneqarfik Sermersuup pitsaaliuinermut polittikiata atuutsinneqarnissaanik ingerlatsineq
  • Imminut toquttarnerup pitsaaliorneqarneranut suleqataallunilu suliniutinik ataqatigiissaarineq qulakkeerinneqataanerlu
  • Aanngajaarniutinik atornerluinermik aningaasanoorajunnermillu pitsaaliuinermik suliniutinik ataqatigiissaarineq qulakkeerinneqataanerlu
  • Nuummi nunaqarfiinilu pitsaaliuinermik peqqissutsimullu siuarsaanermik suliniutinik ataqatigiissaarineq ingerlatsinerlu
  • Ukiumut iliuusissatut pilersaarusiorneq
  • Ukiumut nalunarusiorneq
  • Pitsaaliuinermi immikkoortortami aqutsisoq isumaqatigiissuteqarfigalugu allanik suliassanik tigusisinnaaneq

Suliassat suleqatit peqatigalugu kiisalu illoqarfimmi/nunaqarfinni suliffeqarfiit akimorlugit suleqatissat peqatigilluinnarlugit ingerlanneqartassapput.

Qinnuteqartunut naatsorsuutigisat:

  • Pitsaaliuinermi siunnersortitut, perorsaanikkut, isumaginninnermi sulianut atasunut imaluunniit allamik assingusumik ilinniagalik
  • Pitsaaliuinermik peqqinnermillu siuarsaanermik suliaqarnissamut piumassuseqarluartoq
  • Assigiinngitsunik sulialinnik suleqateqarluarsinnasoq
  • Iluarsartuullugu pilersarusianik suliaqarnermik (projektarbejde) misilittangaqartoq
  • Inuiaqatigiinnut kalaallisnut ilisimasaqarneq kiisalu oqaatsinik atuilluarsinnasoq

Pingaartipparputtaaq:

  • Aalajaatsoq, pitsaassutsimik pingaartitsisoq immikkuualuttullu ilanngullugit maluttarissoq
  • Uippakajaarani arlariinnik suliaqarsinnaasoq
  • Erseqqissumik tappissumillu allattariarsorlunilu oqaluttariarsorsinnaasoq
  • Nammineerluni sulisinnaasoq, akisussaassuseqartoq sullissiumatoorlu
  • Sulianut atatillugu sungiussilluarsimasoq ataavartumillu suliat agguataarneqartarnerannik nalimmassaalluarsinnaasoq.
  • Ulloq ulapaarfiugaluarpalluunniit ukkatarinnilluarsinnaasoq ataqatigiissitsilluarsinnaasorlu.
  • Nukittooq pilersitsiniallaqqissoq inissaqartitsiuartoq piumassuseqarluartorlu
  • Sulianik naammassinninniarluni ingerlatsinermut ineriartortitseqataalluni pitsanngorsaaqataalluni peqataalluartartoq
  • Kisitsisilerillaqqissoq
  • Atituumik suleqateqarluarsinnaasoq

Neqoroorutigaavut:
Suliffik unamminartoq, suliat imarisaannut sunniuteqarnissamut periarfissaqartitsisoq, suliffeqarfimmi ineriartortumi allanngoriartortumilu nammineerluinnarluni annertuumik akisussaaffeqartitaaneq. Pingaartilluinnarparput patajaatsumik suliassanut suliffimmullu pulatikkiartuaarneqarnissaq, pimoorulluinnarparputtaaq suleqatigiinnermi silaannaap pitsaasup aqutsisut peqatigilluinnarlugit attattuarnissaa kiisalu pilersitsisinnaaneq nutaaliorsinnaanerlu inissaqartittuarpavut.

Pitsaaliuinermi siunnersortip suleqat immikkoortortamilu aqutsisoq peqatigalugit sapaatip akunneranut ataasiarluni naapinnermi suliat killiffii isumasioqatigiinnerillu ingerlanneqartarput. 

Meeqqanik pinerliisimannginnermut uppernarsaat:
Atorfik taanna meeqqanik pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune meeqqanik pinerliisimannginnermut uppernarsaammik aatsaat pissarsereerpat atorfinitsitsineq aallartinneqarsinnaavoq. Taamaattumik malugeqqussavarput kommune Rigspolitiinit meeqqanik pinerliisimannginnermut uppernarsaammik aatsaat pissarsereerpat piffissaq atorfiniffiusussaq isumaqatigiissutigineqarsinnaammat.

Pinerliisimannginnermut uppernarsaat:
Atorfik inuttassarsiuussarput pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommunip Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq AK-p imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

Inissiaq
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat:
Qinnuteqaat Atorfiup normuanik 295/20-mik ilisarnaaserlugu, ilinniagarisimasat aamma siornatigut suliffigisimasat pillugit paasissutissartalik aamma soraarummeernermi pappilissat assilineqarnerannik il.il. ilalik qinnuteqaateqarnissamut killissarititaasup  qaangiutinnginnerani Sulisoqarnermut Immikkoortortamit tiguneqareersimassaaq.

Imaaliussaatit:
Qinnuteqaatip elektroniskimik nassiunneqarnissaa orniginartinneqarneruvoq, quppernermi matumani allerpaami innersuussaq toorukku qinnuteqaatit CV-llu kakkiullugit nassiussinnaavatit.

 

Qinuteqaat tunniunneqassaaq kingusinnerpaamik: 14. juli 2020
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Paamiut
Paasissutissat allat uani piniarneqarsinnaapput: Karoline R. Sommer
Telefon: +299 367628
Mobil: +299 583884
Nittartagaq: http://www.sermersooq.gl
Qinnuteqaat nassiutiguk