Skip to main content
141

Dette jobopslag er udløbet

Paamiuni Meeqqanut Ilaqutariinnullu Sullissiviani tarnip pissusiinik ilisimasalik/katsorsaasoq

Paamiuni Meeqqanut Ilaqutariinnullu Sullissivik tarnip pissusiinik ilisimasalinnik/tarnikkut katsorsaasartumik pissarsiorpoq.

 

Katsorsaanermi suliassat isumagissavaat, kiisalu meeqqanik ilaqutariinnillu katsorsaanermi peqataasassallutik. 

 

Kommuneqarfik Sermersooq Paamiuni meeqqanut ilaqutariinnullu sullissivimmi tarnip pissusiinik ilisimasalimmik/tarnikkut katsorsaasartumik pikkorissumik piumassuseqarluartumillu isumaqatigiissuteqarnikkut atorfinittussamik pissarsiorpoq.

 

Paamiuni Meeqqanik Ilaqutariinnillu Sullissivik ilaqutariinnut tarnikkut isumaginninnikkullu ajornartorsiuteqartunut ilaqutariinnik katsorsaanermik isumaginninnermilu perorsaanermut tunngatillugu iliuusissanut akisussaasuuvoq. Tamatuma saniatigut pinasuartoqartillugu upalungaarsimaneq Meeqqanut Ilaqutariinnullu Sullissiviup isumagisarpaa. Meeqqanik Ilaqutariinnillu Sullissivik Meeqqanut, Ilaqutariinnut Atuarfeqarnermullu Ingerlatsiviup ataani inissisimavoq.

 

Maannakkut immikkoortortamiipput aqutsisoq, tarnip pissusiinik ilisimasalik, tarnikkut katsorsaasartoq, ilaqutariinnik aqqutissiuisut 2, inuusuttunut siunnersorti aamma qimarnguimmi siunnersorti. Atorfik pineqartoq ulloq naallugu suliffiusoq nutaajusorlu atorfigissagaanni immikkoortortami aqutsisoq qullersarissavaa.

 

 

Atorfiup imarisaa:

Tarnip pissusiinik ilisimasalimmik/tarnikkut katsorsaasartumik – misilittagaqarluartumik – piumassuseqartumik pinartoqartillugu ikiuigasuartussatut upalungaarsimatitani suleqataasussamik ilaatigut makkunannga:

 

·Peqqissarlutik katsorsarneqartartut tulleriiaarinermi sullissassat suliassarissavatit uku, Ilaqutariinnik oqaloqateqarnerit, aappariinnik oqaloqateqarnerit, inersimasut meeqqallu ataasiakkaat ingerlanerinik oqaloqateqartarnerit. Matumani meeqqat angerlarsimaffiup avataanut inissinneqarsimasut angerlartinnissaannut atatillugu katsorsaanermi suliat, kiisalu ilaqutariit kommunimi pinasuartoqartillugu upalungaarsimasunit innersuunneqartut ilanngullugit

 

·Katsorsaasoqatigiit qanillugit suleqatigissavatit, inunnik sullissisut, aamma sullissanut suliaqarnermi suleqatit allat

 

·Suliat arlallit ineriartornerannut tarnip pissusaanik ilisimasallit susassaqarfigisaminnillu suliaqarnerannut, aamma ilaqutariinnut sullissinerni tamakkiisumik iluarsiinermut qulakkeerinissamut peqataassallutit

 

·Suliaqaqatinik oqaloqateqarsinnaaneq, sulisut imaajaaffigeqatigiittarnerat il.il.

 

·Tarnip pissusiinut tunngasutigut katsorsaanissamut neqeroorsinnaanermut pitsanngorsaaqataasinnaasutit

 

·Kommunimi pinasuartoqartillugu upalungaarsimanermi suliat piorsaaqataaffiginissaat

 

 

 

Ilinnut tunngasut:

 

Matuma ataani allassimasut amerlanersaat ilinnit naatsorsuutigaavut:

 

·Tarnip pissusiinik ilisimasalittut ilinniarsimasuusutit, akuersissuteqarlutillu, piumasaqaataanngilarli

 

·Tarnikkut katsorsaasutut ilinniagaqarsimanissat

 

·Meeqqanut, inuusuttunut aamma ilaqutariinnut katsorsaanermik misilittagaqarlutillu soqutigisaqarnissat

 

·Angajoqqaat pitsaanerpaamik qitornamik atugaqartinnissaannut ikorfartuinissat ikiuunnissallu piumassuseqarfigissagit

 

·Suliat arlallit suleqatigiissutigisinnaaneri misilittagaqarfigissagitit

 

·Inunnut pitsaasumik isiginnittaaseqarputit, suut atorsinnaasut qitiutinnissaannut piumassuseqarputit

 

·Inunnik amerlasuunik oqaloqateqarnissamut piumassuseqarputit piginnaaneqarlutillu, sumiiffigisaanni naapillugit aamma allannguiniarneranni ikiorlugit

 

·Ammasuuvutit inussiarnersuullutillu

 

·Suliffeqarfimmi ineriartorfiujuartumi sulinissamut soqutiginnittutit

 

·Marluinnik oqaasillit (kalaallit danskisullu) orniginartinneqarput

 

 

 

 Neqeroorutigisinnaavagut:

 

·Suliffik soqutiginartoq unammillernartunik suliassartarpassualik

 

·Suliffik sulisut atugarissaarfigisaat

 

·Suleqatit pitsaasut

 

·Siunnersorneqarneq

 

·Suliatigut inuttullu ineriartornissamut periarfissat pitsaasut

 

·Namminersorluni sulineq

 

 

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortortami aqutsisoq Kristian Dahl, oqarasuaat +299 36 62 50 imaluunniit e-mail: kdah@sermersooq.gl

 

 

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

 

 

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, AC imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.
Atorfinititsineq qaammatini pingasuni misiliutitaqassaaq.

 

 

Inissaq:


Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

 

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

 

 

Qinnuteqaat:

Qinnuteqaat qulequtserlugu Atorfiup ilisarnaataa 765-22-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

 

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

 

Malugiuk: 

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

 

 

 

Qinnuteqarnissamut killissarititaasoq: decembarip 9.-at, 2022

Atorfik una qinnuteqarfigiuk