Skip to main content
121

Dette jobopslag er udløbet

Paamiuni katersugaasivimmi aamma inuussutissarsiornermi ineriatortitsinermi suliqataasoq atorfik akuleriissoq / Atorfiup ilisarnaataa 482/21

Paamiuni katersugaasivimmi aamma inuussutissarsiornermi ineriatortitsinermi suliqataasoq, atorfik akuleriissoq

Atorfimmut akuleriissamut katersugaasivimmi aamma inuussutissarsiornermi ineriatortitsinermi suliqataasumik atorfimmut akuleriissamut pikkorissumik ujaasivugut, Paamiuni Katersugaasivimmiissaaq. 

Atorfik piffissaq tamakkerlugu suliffiussaaq pingaarnertut makkuninnga suliaqarfiussalluni:

Paamiuni Katersugaasivimmi pisortamit aqutsisuuffigineqarluni (sapaatip akunneranut 20 tiimit):

  • Tikeraanut, najugaqartunut takornarianullu katersugaasivik ammatillugu
  • Katersugaasiviup aaqqissuussaanut pilersaarusiorneq ingerlatsinerlu
  • Alakkaasussanik inniminniisitsinerni aamma allagartanik nalunaarsuinermi allaffissornikkut suliaqarneq
  • Atuarfimmik sullissineq ingammik meeqqat atuarfiannut
  • Katersugaasiviup illuutaanik katersaanillu nakkutiginninneq
  • Paamiut Katersugaasivianik inerisaanermut peqataaneq

Sermersooq Businessiminngaannit inuussutissarsiornermut pisortamik aqutsisuuffigineqarluni (sapaatip akunneranut 20 tiimit):

  • Paamiuni inuussutissarsiornermik inerisaanermik suliaqarneq
  • Paamiut takornariaqarfiunissaanut inerisaanermi suliaqarneq
  • Paamiuni inuussutissarsiornermut siunnersuisoqatigiit ataatsimiinneranni tapersersuineq
  • Paamiuni inuussutissarsiortunut tunngasunut attuumassuteqartunut allanik suliaqarneq

Atorfik aaqqissuussaanermi katersugaasiviup pisortaata, ukiup annerpaartaani Nuummiittartup ataani inissisimavoq

Naatsorsuutigaarput:

  • Serviceøkonomitut assigisaanilluunniit ilinniagaqarsimanissat
  • Kulturikkut oqaluttuarisaanermut taassuminngalu ingerlatitseqqinnissannut soqutiginnittuunissat
  • Kalaallisut, qallunaatut tuluttullu oqaatsitigut piginnaasaqarluartutit
  • Pitsaasumik suleqateqarsinnaasutit aamma attaveqaqatigiittarnermik pitsaasunik piginnaasaqartutit
  • Nammineerlutit pitsaasumik suliaqarsinnaasutit piffissaliussanillu malinnissinnaallutit
  • Ulluinnarni suliffiusartumik ilaatigut ulapaarfiungaartartumik sulisinnaasutit
  • Office-pakkemut ilisimasaqarnissat

Uatsinni suna pissarsiarissaviuk?

Uagut neqeroorutigaarput suliffik tamatigoortoq pingaarutilik assigiinngitsorpassuarnik suliassartalik, illoqarfiup innuttaasuinik, tikeraanik kiisalu sulineq aqqutigalugu suleqatissanik nuannersumik pissanganartumillu naapitsiffiusoq. Katersugaasiviup ingerlanneqarnerani aammalu Paamiuni inuussutissarsiornerup ineriartornerani pilersitsisinnaassutsivit atorluarnissaanut periarfissaqassaatit. Namminersorlutit sulisinnaanissat, katersugaasivimmi pisortaq, Nuummilu inuussutissarsiornermut pisortaq kiisalu Paamiuni immikkoortortaq Peqqinneq, Sunngiffik Kulturilu suleqatigisinnaanissai atorfimmi pisariaqartinneqarpoq.

Atorfik sapaatip-akunneranut nalunaaquttap akunnerini 40-ni suliffiuvoq. Weekendini, isiginnaariat sulinngiffeqarneranni katersugaasivimmut pulaarfigisinnaasaanni, ullorsiornernilu sulisarnissaq naatsorsuutigineqassaaq. Aaqqissuussinerni unnukkut sulisarnissaq pisarsinnaavoq

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommuneuppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq,  AK imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.


Atorfinititsineq qaammatini pingasuni misiliutitaqassaaq.

Inissiaq:
Atorfimmut atatillugu inissiamik atugassiisoqanngilaq.

Qinnuteqaatip:
Qinnuteqaatip ilisarnaataata Atorfiup ilisarnaataa 482/21 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

MALIGIUK: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

Qinuteqaat tunniunneqassaaq kingusinnerpaamik: 30. september 2021
Atorfininneq: 01. oktober 2021
Akunnerit suliffiit: Ulloq naallugu
Suliffik: Paamiut
Paasissutissat allat uani piniarneqarsinnaapput: Emil Skjervedal
Telefon: +299 36 76 72
Kunak Lorentzen
Telefon: +299 36 76 54
Vinni Birkedal
Telefon: +299 366031
Mobil: +299 560107
Nittartagaq: http://www.sermersooq.gl

Qinnuteqaat nassiutiguk