Skip to main content
108

Dette jobopslag er udløbet

Paamiuni Atuarfik Tuiisaq isumaginninnermut siunnersortissarsiorpoq / Job nr. 551/20

Kommuneqarfik Sermersooq Paamiuni Atuarfik Tuiisaq ulloq 1. decembarimi 2020 kingunitsianngualuunniit piaartumik atorfinittussamik pikkorissumik kajumissuseqarluartumillu isumaginninnermut siunnersortissarsiorpoq.

Atuarfik Tuiisaq 170-it miss. atuartoqarpoq, atuartitsinermik suliaqartunik 24-nik ilinniartitsisoqarluni.
Atorfik piffissaq suliffiusussaq tamakkerlugu suliffiuvoq, atuarfiullu pisortaanut attuumassuteqarluni.

Atorfiup imarisaa:
Isumaginninnermut siunnersortimik – misilittagaqarluarsinnaasumik – meeqqanik sullissinermi suleqataasussamik aamma suliassanik arlalinnik uku ataanni suliaqartussamik pissarsiorpugut:

  • Atuarfiup pisortaa ilinniartitsisullu qanimut suleqatigalugit atuarfimmi isumaginninnermik suliaqarnermik ataqatigiissaarineq
  • Ilaqutariinnut Ingerlatsivimmi isumaginninnermik siunnersortit, peqqinneq pitsaaliuinerlu kiisalu Misimik suleqatigiinni attaveqatigiinnut ilaaneq
  • Atuarfik suleqatigalugu atuarfimmik/angerlarsimaffimmik suleqateqarnermik annertusaaneq aamma pitsanngorsaaneq.
  • Nalunaarutiginnittoqartillugu ilinniartitsisunik siunnersuineq.
  • Atuartunik angajoqqaanillu oqaloqatiginnittarneq kiisalu isumaginninnermut tunngasunik ilinniartitsisunut siunersioqatigiittarneq.

Isumaginninnermi siunnersortit atuarfimmi sulisut allat isumaginnittoqarfimmilu sulisut suleqatigalugit assersuutigalugu atornerluinermik qinngasaarinermillu pinaveersaartitsinissamut iliuusissatut pilersaarusiortarnerit aammattaaq atuarfimmi pinartoqartillugu upalungaarsimasunut suleqataanerit isumagisassavaat. Klassip iluani nalaatsinerluttoqartillugu isumaginninnermut siunnersorti ilinniartitsisut ilaquttallu suleqatigalugit klassimut iliuusissatut pilersaarusiussaaq, oqaloqatiginnissaaq ilitsersuissallunilu.

Isumaginninnermi siunnersortip atuarfiup pisortaa qaninnerpaatut qullersarissavaa.

Qinnuteqartunut naatsorsuutigisat:

  • Isumaginninnermut siunnersortitut ilinniagaqarsimaneq assingusumilluunniit
  • Aalajaatsuusutit namminerlu sulisinnaassuseqarluartutit.
  • Isumaginninninnermik suliaqarnermi misilittagaqartutit, ajornanngippat kommunimi ingerlatsinermi (tamannali piumasaqaataanngilaq)
  • Aammattaaq pingaartipparput, inuttut suleqatiginnillaqqissuunissat, tatiginnilersitsisinnaassuseqartutit inissaqartitsisuunissallu
  • Taakku saniatigut naatsorsuutigaarput, Kommuneqarfik Sermersuumi atuarfinni isumaginninnermut siunnersortinik allanik suleqatiginnissinnaassasutit siunersiueqateqarsinnaassasutillu.

Tamatuma saniatigut pingaartipparput, illit:

  • Aalajaatsuussaaq, pitsaassutsimik ilisimasaqarluartuussaaq ataasiakkaanullu maluginiaasinnaassaaq
  • Ataatsimut takunnissinnaaneq attatiinnarlugu arlalinnik suliaqarsinnaanissat
  • Allattariarsornermi oqaluttariarsornermilu ersarissumik paatsuugassaanngitsumillu attaveqartartuusutit.
  • Nammineerluni sulisinnaassaaq, akisussaassuseqarluni sullissiumatuujullunilu
  • Sulianut atatillugu sungiussilluarsimasoq ataavartumillu suliat agguataarneqartarnerannik nalimmassaalluarsinnaasoq.
  • Ulloq ulapaarfiugaluarpalluunniit ukkatarinnilluarsinnaasoq ataqatigiissitsilluarsinnaasorlu.
  • Tatitooq pilersitsiniallaqqissoq inissaqartitsiuartoq piumassuseqarluartorlu
  • Sulianik naammassinninniarluta ingerlatsinitsinnut atatillugu ataavartumik ineriartortitsinermut pitsanngorsaanermullu peqataasoq
  • Kisitsisilerillaqqissuussaaq
  • Arlalissuarnik suleqateqallaqqissuussaaq

Neqeroorutigaavut:
Suliffik pissanganartoq unammillernartunillu suliassartalik, imarisassaanik nammineq sunniuteqarfigisinnaasaq, suliffeqarfimmilu angisuumi ineriartortinneqartuartumi allanngorartuartumillu annertuumik akisussaassuseqarfiusoq. Pingaartilluinnarparput patajaatsumik suliassanut suliffimmullu pulatikkiartuaarneqarnissaq, pimoorulluinnarparputtaaq suleqatigiinnermi silaannaap pitsaasup aqutsisut peqatigilluinnarlugit attattuarnissaa kiisalu pilersitsisinnaaneq nutaaliorsinnaanerlu inissaqartittuarlugit.

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommuneuppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq AK-p imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

Inissiaq
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaatip
Qinnuteqaatip ilisarnaataata Atorfiup nr. 551/20 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik CV-millu nassiutissavatit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 11. november 2020
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Paamiut
Paasissutissat allat uani piniarneqarsinnaapput: Johanne Rosing Dahl
Telefon: +299 367681
Nittartagaq: http://www.sermersooq.gl
Qinnuteqaat nassiutiguk