Skip to main content
95

Dette jobopslag er udløbet

Pædagog AKO Illu-mut pissarsiorput / Atorfiup ilisarnaataa 725/21

Kommuneqarfik Sermersooq pikkorissumik tunniusimasumillu perorsaasumik AKO Illu-mut pissarsiorpoq, atorfinittussamik ulloq 01.01.2021 imaluunniit isumaqatigiissuteqarnikkut. Perorsaasutut atorfik ulloq naallugu atorfiuvoq, AKO Illu / Aqqalummilu pisortap ataani inissisimavoq.

AKO Illu Atuareernerup Kingorna Ornittagaavoq, 1.-3. klassini atuartunut, inissaqartitsillunilu meeqqanut 110-inut. AKO Illu 13-ninik sulisoqarpoq.

Uagut pilluta paasissutissat annertunerusut uani pissarsiarineqarsinnaapput: Kommuneqarfik www.sermersooq.gl/Illu

Atorfiup imarisaa:

Misilittagaqartumik  peqataalluarsinnaasumik ataanilu makkunannga suliaqarluarsinnaasumik pissarsiorpugut:

  • Ukiumut pilersaarut malillugit, perorsaanermut tunngasunik sammisassanik suleqatit peqatigalugit piareersaasinnaaneq.

Suliassat assigiinngitsut suleqatit Illu-mi, angajoqqaat aammalu atuarfik qanimut suleqatigalugit suliarineqartassapput.

Qinnuteqartunut naatsorsuutigisat:

  • Perorsaasutut ilinniarsimassasutit imaluunniit assingusumik ilinniagaqarsimassutit
  • Meeqqanik sullisserusussuseqarlutit.
  • Professionalimik suleriaaseqassaatit, atorfinnilu tamatigoortuussaatit allanillu suliassanik tiguseriataarsinnaassaatit.
  • Meeqqanut tusarnaarsinnaasaatit.
  • Suliffimmi aalajaatsoq meeqqallu soqutigisaannik sammisassanik pilersaarusiupallassinnaassaatit.
  • Sullarissuussaatit suleqatikkuminarlutillu suliffinnik pingaartitsissaatit pilersitserusussuseqarlutillu.
  • Pamersaanermik tunngatillugu ilisimasaqassaatit, sullissisinnaallutillu Inatsisartut inatsisaat aammalu FN-ip meeqqat pillugit suliniutaat malillugit.
  • Perorsaanermik timersornertalimmik ilisimasaqassaatit.

Pingaartipparputtaaq:

  • Aalajaatsoq, pitsaassutsimik pingaartitsisoq immikkuualuttullu ilanngullugit malussarissoq.
  • Uippakajaarani arlariinnik suliaqarsinnaasoq.
  • Erseqqissumik tappissumillu allattariarsorlunilu oqaluttariarsorsinnaasoq.
  • Nammineerluni sulisinnaasoq, akisussaassuseqartoq sullissiumatoorlu.
  • Sulianut atatillugu sungiussilluarsimasoq ataavartumillu suliat agguataarneqartarnerannik nalimmassaalluarsinnaasoq.
  • Ulloq ulapaarfiugaluarpalluunniit ukkatarinnilluarsinnaasoq ataqatigiissitsilluarsinnaasorlu.
  • Tatitooq, pilersitsiniallaqqissoq, inissaqartitsiuartoq piumassuseqarluartorlu
  • Sulianik naammassinninniarluni ingerlatsinermut ineriartortitseqataalluni pitsanngorsaaqataalluni peqataalluartartoq.
  • Atituumik suleqateqarsinnaasoq.
  • Marluinnik oqaaseqartuuguit (kalaallisut/qallunaatut) iluaqutaassaaq, piumasaqaataanngilarli

Neqeroorutigivagut:
Suliffik unamminartoq, suliat imarisaannut sunniuteqarnissamut periarfissaqartitsisoq, suliffeqarfimmi ineriartortumi allanngoriartortumilu nammineerluinnarluni annertuumik akisussaaffeqartitaaneq. Pingaartilluinnarparput patajaatsumik suliassanut suliffimmullu pulatikkiartuaarneqarnissaq, pimoorulluinnarparputtaaq suleqatigiinnermi silaannaap pitsaasup aqutsisut peqatigilluinnarlugit attattuarnissaa kiisalu pilersitsisinnaaneq nutaaliorsinnaanerlu inissaqartittuarpagut.

Pinerliisimannginnermut – aammalu meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aammalu pineqaatissinneqarsimannginnermut uppernarsaateqartussaatitaaneq pillugu inatsit naapertorlugu piumasaqaammik piumasaqaateqarfiuvoq.

Inatsit naapertorlugu kommune uppernarsaammik naammaginartutut isigineqartut pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermik uppernarsaat rigspolitiiniik, aammalu pineqaatissinneqarsimannginnermut uppernarsaat inissinneqarpata atorfininnissaq inissinneqassammat.

Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissarsiat atorfininnermilu atugassarititat:
Akissarsiaqarnermut atorfinitsitaanermullu atugassarititaasut Namminersornerullutik Oqartussani isumaqatigiissut atuuttoq, NPK, imaluunniit kalaallit nunaanni kattuffiup allat isumaqatiginninniarsinnaatitaasut isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutigineqaqqaassaaq.

Inissiaq:
Atorfimmut atatillugu inissiamik atugassiisoqanngilaq.

Qinnuteqaatip:
Qinnuteqaatip ilisarnaataata Atorfiup ilisarnaataa 725/21 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

MALIGIUK: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

Qinuteqaat tunniunneqassaaq kingusinnerpaamik: 8. december 2021
Atorfininneq: Isumaqatigiissuteqarnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Nukannguaq Olsen Brandt
Telefon: +299 366940
Nittartagaq: http://www.sermersooq.gl
Qinnuteqaat nassiutiguk