Skip to main content
142

Dette jobopslag er udløbet

Oqartussaqarfimmi Innersuussisartoqatigiit isumaginninnermut siunnersuisunik pingasunik sulisussarsiorput / Allagarsiussap nr.: 400/19

Oqartussaqarfimmi Innersuussisartoqatigiit meeqqanut ilaqutariinnullu inuuniarnerminni ajornartorsiuteqartunut Misissuisartoqatigiivi isumaginninnermut siunnersuisunik pingasunik sulisussarsiorput 

Kommuneqarfik Sermersooq isumaginninnermi siunnersortinik pingasunik pikkorissunik tunniussimasunillu Oqartussaqarfimmi meeqqanut ilaqutariinnullu inuunniarnermikkut ajornartorsiuteqartunut Misissuisartoqatigiinni sulisussarsiorpoq. Suliassaqarfimmi isumaginninnermi siunnersortit kommunimi innuttaasunik sullissinermi suliassat akisussaaffigaat, taamaattumillu meeqqanut ilaqutariinnullu inuuniarnermikkut ajornartorsiuteqartunik sullissilluarnissaminnik periarfissaqarluarlutik.

Oqartussaaffeqarfik 30-inik sulisoqarpoq immikkoortortani marlunni agguataarsimasuni; 1) Innersuussisartoqatigiit, saaffiginnissutinik nutaanik tigooraasoq misissuinernillu suliaqarnernik akisussaaffeqarput; 2) Ilaqutariinnut immikkoortortap oqartussaqarfimmiit ikiorsiissutigineqartartunik sullissinernik akisussaasuupput. Oqartussaaffeqarfimmittaaq suleqatigiinnik malitseqartitsisartunik sulisoqarpoq taakkua suliassaqarfik tamakkerlugu suliassat aalajangersimasut akisussaaffigaat. 

Atorfiit ulloq naallugu suliffiupput suleqatigiinnullu aqutsisumit aqutsisuuffigineqarlutik Innersuussisarfiullu aqutsisuata ataani inissisimasumi. 

Paasissutissat uatsinnut tunngasut uani nassaarisinnaavatit: http://sermersooq.gl/da/forvaltning/aski/

Atorfimmi suliassat:
Oqartussaqarfimmut isumaginninnermut siunnersortissarsiorpugut suliassanik naammassinninnissamut suleqatit pikkorissut ikioqatigalugit, avataanit  suleqatigisat innuttaasullu ikioqatigalugit.  Pitsaasumik sullissinissamut periarfissaqarluarpoq Suliassaqarfiillu akimorlugit ingerlaavartumik ineriartorneq qitiutillugu suleqataaffiulluarsinnaasoq. Sulianik malitseqartitsineq suliassani pingaarnerpaavoq.

Ilaatigut suliassatit makkussaapput:

  • Isumaginninnikkut misissuinerit
  • Iliuusissatut pilersaarutit
  • Suleqatigiinni sinaakkutassiat iluini suliassanik suliarinninneq
  • Innuttaasunut allanullu suleqatigisanut attaveqarneq
  • Suliassaqarfiit assigiinngitsut akornanni suleqatigiinneq siunersioqatigiinnerlu
  • Suliassanik takkussortunik suliaqarneq

Oqartussaqarfimmi Ikiorsiisarnermut Immikkoortortaqarfimmilu sulisut allat qanimut suleqatigalugit suliassat naammassineqartassapput. Tamatuma saniatigut ataatsimoorussamik suliniuteqarnerup ingerlatsivinnullu allanut attuumassuteqartunut suleqateqarnerup pitsanngorsarnissaa aammalu nalinginnaasumik avataani suleqatitsinnik suleqateqarnerup nukittorsarnissaa innuttaasunullu sullissinissaq siunertaralugu.

Qinnuteqaateqartunut naatsorsuutigisat:

  • Isumaginninnermi siunnersortitut ilinniarsimasoq; assingusumilluunniit ilinniarsimasoq.
  • Meeqqanut ilaqutariinnullu suliassaqarfimmi misilittagaqarneq iluaqutaassaaq.
  • Inatsisinik attuumassuteqartunik ilisimasaqartuusoq
  • Sullinniakkanut suleqatinullu angusaqarfiulluartussamik pitsaasumillu oqaloqateqarsinnaasoq
  • Ineriartortitsinermut eqqummaarittuunissaq

Tamatuma saniatigut pingaartipparput, illit:

  • Aalajaatsuusutit pitsaassutsimillu paasisimasaqartuusutit
  • Suliamik/suliffimmik nakkutigiuminartitsineq.
  • Ataatsimut takunnissinnaaneq attatiinnarlugu arlalinnik suliaqarsinnaanissat
  • Allattariarsornermi oqaluttariarsornermilu ersarissumik paatsuugassaanngitsumillu attaveqartartuusutit.
  • Namminersorluni sulisartoq,  akisussaaffimmik ilisimaarinnittoq sullisserusussuseqartorlu
  • Suliassanut aamma suliassanik agguataarinernik ingerlaavartumik iluarsiissuteqarnissamut eqaatsumik allanngueriataarsinnaassuseqartutit
  • Ulluinnarni ulapaarfiusuni pimoorussillutit aaqqissuisinnaassuseqarlutit sulisinnaasutit
  • Suliniuteqarumassutsimik, tatitussutsimik iliuuseqarsinnaassutsimillu takutitsisinnaasoq
  • Suliassatta ingerlanneqarnerini ingerlaavartumik ineriartortitsinermut pitsanngorsaanermullu suleqataassasutit
  • Arlalissuarnik suleqateqallaqqissuunissat
  • Marluinnik oqaasillit (grl/dk) piumaneqarnerupput

Neqeroorutigaavut:
Suliffik pissanganartoq unammillernartunillu suliassartalik, imarisassaanik nammineq sunniuteqarfigineqarsinnaasoq, suliffeqarfimmilu angisuumi ineriartortinneqartuartumi allanngorartuartumilu annertuumik akisussaassuseqarfiusoq.    Akuttoqatigiissumik imaajartarnissamik neqerooruteqartoqartarpoq, aammalu sulisutut inuttullu ineriartornissamut periarfissaqarluarpoq.  Suliffimmut suliffeqarfimmullu iserluartinneqarnissat pingaartipparput aamma qanimut aqutsisut suleqatigalugit pitsaasumik suleqatigiittoqarnissaata qulakkeernissaa anguniartuarparput.

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussat, AK-llu isumaqatigiissutaat atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

Inissaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq:
www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat:
Qinnuteqaatip ilisarnaataata Allagarsiussap nr. 400/19, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit: 
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 10. Juli 2019
Atorfininneq: Isumaqatigiinnikkulluunniit
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Peter Brix Andersen
Telefon: +299 367340
Mobil: +299 587983
Nittartagaq: http://www.sermersooq.gl
Qinnuteqaat nassiutiguk