Skip to main content
142

Dette jobopslag er udløbet

Nuussuup atuarfia sisamanik ilinniartitsisussarsiorpoq / job nr. 380/19

Kommuneqarfik Sermersuumi Nuussuup Atuarfia ilinniartitsisunik sisamanik pissarsiorpoq 1. august 2019-imiit sulilersussanik.  

Nuussuup Atuarfia naatsumik:
Nuussuup Atuarfia alloriarfinnut pingasunut agguagaavoq 314-inik atuartoqarluni 1. – 10. klassimi atuartunik aammalu 51-inik piumassuseqarluartunik ilinniartitsisoqarluni. Atuarfik 25-inik klasseqarpoq, taakkunannga 17-nit klassiullutik nalinginnaasut 8-llu specialklassiullu-tik.
Atuarfiup aqutsisui, trinlederit, atuarfiup siulersuisui pædagogisk rådilu qanittumik suleqatigiipput, taamatullu aamma angajoqqaanik suleqateqarneq pitsaasoq ingerlanneqarluni.
Atuarfiup ukiumi atuarfiusumi 2019-20-imi immikkut iliuuseqarfigisassatut aalajagiusimasai tassaapput: Virksomhedsplanimik timitaliineq, angajoqqaanik suleqateqarneq kiisalu teamsit suleqatigiilluartut.
Virksomhedsplan takorusukkukku Nuussuup Atuarfia attavigiuk nassiutissuarput.

Ilinniartitsisut sisamat pissarsiariniakkagut:
Ilinniartitsisoq nr. 1
Ilinniartitsisoq Alloriarfik 2-p ataaniissooq ukunanilu atuartitsissalluni: 7.a qallunaatut, 7.b qallunaatut, 8.a tuluttut, 8.b qallunaatut, 8.b tuluttut kiisalu qallunaatut fagvejlederiussani.
Ilinniartitsisoq nr. 2: Ilinniartitsisoq Alloriarfik 2-p ataaniissooq ukunanilu atuartitsisassalluni: 4.a-ni kalaallisut, qallunaatut, tuluttut, inuiaqatigiilerineq, upperisalerineq kiisalu inuttut inerukkiartorneq saniatigullu 4. a-ni klasselæreriulluni. 5.a-ni tuluttut upperisalerinerlu.
Ilinniartitsisoq nr. 3Specialklassimi 2.-6. SN-imi ilinniartitsisumik allamik peqateqarluni lektionini 25-ni atuartitsisussaq.
Ilinniartitsisoq nr. 4: Specialklassimi HD3-mi Heldagsskolemi lektionini 28-ni atuartitsisussaq.

Naatsorsuutigaarput:

  • Ilinniarfissuarmi ilinniartitsisutut naammassisimasutit assigusumilluunniit
  • Inimi aqutsillaqqittuusutit
  • Akuersaartuusutit, tunniusimasuusutit, akisussaassuseqartuullutillu aallarnisaasuusutit
  • Ammasuullutillu ilumoortuussutit attaveqatigiissitsillaqqissuusutillu attaveqallaqqittuusutit
  • Suleqatinik, aqutsisunik angajoqqaanillu pitsaasumik suleqateqarusussuseqartutit
  • Aporfiit salliutinnagit periarfissanik takunnissinnaasutit
  • Atuarfiup avatangiisaani tamatigoortuni ineriartornermullu sammisuni ilanngunnissannut kajumissuseqartutit
  • Atuarfimmi immikkoortukkuutaarlugit agguataagaasumi suleqatigiinnut ilanngussinnaasutit suleqatigiinnillu taakkuninnga ineriartortitseqataasinnaasutit

Neqeroorutigaavut:

  • Atuarfiup avatangiisai ineriartornermut sammisut, inuttut suliatigullu ineriartornissamut periarfissallit
  • Kommunimi atuarfeqarfik politikikkut pingaartinneqarfiusumi atuarfeqarfimmi atorfik soqutiginartoq atuarfillu pillugu peqqussummi atuuttumi perorsaanikkut ineriartorneq pingaartinneqartoq
  • Atuarfimmi ilinniartitsisutut nutaatut tapersersorluarneqarneq
  • Suleqatigiinni isummanik pissarsiffiulluartumik suleqatit pitsaasut
  • Suliassanik sunniinissamut aaqqissuussinissamullu periarfissat pitsaasut

Attavigineqarsinnaasoq:
Atuarfiup pisortarigallagaa Johan Bidstrup saaffigineqarsinnaavoq.
Oqarasuaat: +299 36 64 01
Mail: johb@sermersooq.gl

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussat, IMAK-llu isumaqatigiissutaat atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

Inissaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat:
Qinnuteqaatip ilisarnaataata Job nr. 380/19, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:  
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 28. juni 2019
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Johan Bidstrup
Telefon: +299 366402
Nittartagaq: http://www.sermersooq.gl
Qinnuteqaat nassiutiguk