Skip to main content
96

Dette jobopslag er udløbet

Nuussuup Atuarfia inunnik isumaginninnermut siunnersortimik pissarsiorpoq / Atorfiup nr. 557/20

Nuussuup Atuarfia inunnik isumaginninnermik siunnersortimik pissarsiorpoq decembarip 1-ni 2020 imaluunniit pilertortumik isumaqatigiinnikkut atorfinittussamik.

Nuussuup Atuarfia naatsumik:

Nuussuup Atuarfia 322-inik atuartoqarpoq aammalu 50-inik piumassuseqarluartunik ilinniartitsisoqarluni saniatigullu atuarfiup pisortaa kiisalu tullersorti.

Atuarfik 24-inik klasseqarpoq, taakkunannga 16-nit klassiullutik nalinginnaasut 8-llu specialklassiullu-tik.

Isumaginninnermut siunnersortitut atorfiup imarisai:

Inunnik Isumaginnittutut suliassat pingaarneq tassaavoq atuarfimmi atuartunut isumaginninnikkut sullissineq ataqatigiissaassallugu.  Taamaattumik sulineq atuartunut angajoqqaanullu/akisussaasunullu attaveqarniarneq atorlugu sulinerussaaq, meeqqanik angajoqqaanillu/akisussaasunillu oqaloqateqartarneq, atuarfiup sulisuinut siunnersuineq kiisalu atuartut pillugit atuarfiup sullissineranut tunngasut suliarissallugit.

Naatsorsuutigaarput:

  • Isumaginninnermut siunnersortitut sullissisutut assigisaanilluunniit ilinniagaqarsimasuunissat
  • Suliumatussuseqarneq, suliannut tunngasunut takunnissinnaaneq, pilersitsisinnaaneq namminersorlutillu sulisinnaaneq
  • Atorfimmut nammineq sunniuteqarsinnaallutit atuarfimmilu ineriartortitseqataasinnaallutit
  • Meeqqanut inuusuttunullu pitsaasunik attaveqartitsisinnaaneq
  • Suleriaaseq naapinniaaneq atornissaanut sapiissuseqarneq
  • Atuarfiup sulisuinut avataaniillu suleqatinut suleqateqarusussuseqassaatit
  • Uteriissinnaassaatit periarfissanillu nutaanik ujartuisinnaassuseqassallutit
  • Marluinnik oqaaseqartuuguit iluaqutaassaaq

Illit ilaatigut makku suliarisassavatit:

  • Atuarfiup angerlarsimaffiullu suleqatigiinnerannik aaqqissuussineq pitsanngorsaanerlu 
  • Atuartunut inuttut ajornartorsiortunut pisariaqartitsisunut suliniuteqarnermi attaveqaataaneq
  • Meeqqanik sullissinermi sulisunut siunnersuineq ilitsersuinerlu
  • Atuartunik angajoqqaanillu/akisussaasunillu oqaloqateqartarnerit
  • Atuartunut klassinulluunniit inuttut ikiugassanut iliuusissatut pilersaarusiornerit
  • Sulisunut inunnik suliaqarnermut tunngasunik avitseqatigiinneq
  • Atuarfimmi suliniutinik atornerluineq pillugu, atugarissaarneq qingasaarunnerlu pillugit suliaqarneq 
  • Atuarfimmi atugarliortoqartillugu piareersimasunut peqataaneq

Suliassat atuarfiup sulisui aqutsisuilu qanimut suleqatigalugit aaqqinneqartassapput aamma avataani suleqatigisavut makkuusut Ilaqutariinnit ingerlatsivimmi inunnik isumaginnittut, Peqqissutsimut pinaveersaartitsinermilu immikkoortortaqarfik, aamma Misi kiisalu atuarfiit allat inunnik isumaginnittuinik attaveqarneq.

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommuneuppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq AK-p imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

Inissiaq
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaatip
Qinnuteqaatip ilisarnaataata Atorfiup nr. 557/20 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik CV-millu nassiutissavatit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 15. november 2020
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Kattie Egede Motzfeldt
Telefon: +299 366401
Nittartagaq: http://www.sermersooq.gl
Qinnuteqaat nassiutiguk