Nuussuup Atuarfia atuarfiup pisortaata tullersortaanik 1. december 2023 atorfinittussamik pissarsiorpoq

 

Nuussuup Atuarfia pillugu:

Nuussuup Atuarfia atuarfiuvoq pissanganartoq, atuarfimmi atuartut 347-iupput, nalinginnaasumik atuartinneqartut 1.-10-klassiniit klassit 16-iupput immikkullu pisariaqartitsillutik atuartinneqartut klassit 11-ullutik. Atuarfik 73-inik atorfinnik assigiinngitsunik sulisoqarpoq sulisullu agguataarneri makkuupput: ilinniartitisut, perorsaasut, ikorfartutit, immikkoortortami aqutsisoq, tullersortaasoq, atuarfiup allattaa, pedelinut aqutsisoq pedelillu ikiortai, kaffeliortoq, socialrådgiverit ilinniartitsisunullu vikarit.

 

Nuussuup Atuarfia immikkoortunut sisamanut aggugaavoq, tassaasunut: Trin 1, Trin 2, Trin 3 aammalu Trin 4, taannalu Nunatsinni atuartut amerlassusaat eqqarsaatigalugu annertunerpaalluni. Immikkut pisariaqartinneqarlutik atuartinneqartut marlunnut avinneqarnikuupput, tassaallutik: SN (Nuussuup Atuarfiani immikkut atuartinneqartut) aammalu HD (Heldagsskolemiittut). Heldagsskole immikkut aamma ineriartorfiup nalaaniilluni soqutiginaarteqartuuvoq.

 

 

Suliassaqarfiit:

Atuarfiup pisortap tullersortaatut Atuarfiup pisortaanut tapertaarluni allaffissornikkut perorsaanermilu siuarsaanikkut aqutsisooqataavoq. Pisortap tulliatut suliassat ilaat makkuupput:

• Atuartunut tunngasunik suliaqarneq

• Sulisoqarnermut tunngasut suliaqarneq

• Sulisoqarnermut akissarsianut tunngasut; ilinniartitsisunut, vikarinut pedelinullu

• Skemaliorneq

• Ilinniartitsisut aktivitetsplaniisa suliarineri

• 1. juli/ oktober indberetningit

• Ullaakkut vikarinut skemaliornerit

• Atuarfiup aningaasaqarnera nakkutiginera

• Skoleintramut tunngasunik suliaqarneq

• Ilinniartitsut akornanni immikkut atuuffilinnut inuttalersuinerit suliaanillu inississuinerit

• ataatsimiinnissanut naliliinernullu ataqatigiissaarinerit

• Trintestinut piareersaanerit, allattariarsorluni oqaluttariarsorlunili misilitsittuusarnernut/misilitsinnernut ataqatigiissaarinerit

• Lejrskolertussanik, studierejsertussanillu isumaginneqataanerit

• Atuartitsinermi atortussanik pisiniarnerit

• Atuarfiup avataaneersunik allanik suleqateqarneq allarpassuillu.

 

 

Atuarfiup pisortap tulliatut suliarisinnaasaat kissaatigut tassaapput:

• Perorsaaneq pillugu ineriartortitsinermi allaffissornermilu suliaqarnissamik soqutiginnittuullunilu misilittagaqartuussaaq

• Perorsaaneq pillugu ineriartortitsinissamik allaffissornermillu sulisoqarnermullu tunngasumik suliaqarsinnaanissamik namminersorsinnaassaaq

• Sulisut akornanni suleqatigiinnermik nuannersumik aammalu ilorrisimaarnartumik pilersitsisinnaassaaq

• Ammasoq ersarissumillu isummersimanerminik aalajangersimasoq

• Ataatsikkut arlariinnik suliaqarsinnaaneq pikkoriffigissavaa

• Atuartoq qitiutillugu aqutseqataassaaq aammalu atuartunut suliniutit ersarissuussapput

• Atuarfiup meeqqerivinnillu suleqateqarnerup inerisartuarnissaa suliaralugit soqutigisarissavai

• Atuartunik angajoqqaanillu suleqateqarnermi inerisaaqataaneq soqutigisarissavai

• Suliassanik agguataarinnissinnaaneq pikkoriffigissavaa

• Siumut takorluuisuussaaq iliuseqapallartartuullunilu

• Teamstitut suleqatigiinnermut soqutigisaqartuussaaq

• Atuarfiup ingerlanneqarneranut trininullu agguataaqqaneranut suleqatigiinnermut ineriartortitseqataassaaq perorsaanermut suliffeqarfiullu aqunneqarneranut tunngasumik

• Atuarfeqanrermut intsisit aammalu nalunaarusiat ilisimasaqarfigissavai

• Isumaqatigiissutit overenskomstinut allanullu tunngasut ilisimasaqarfiginissavai

• Office-program atorlugu atusinnaaneq

• TRIO, Tabulex TEA aammalu Skoleintra ilisimasaqarfigissavai

• Atuartitsinissamut atortussanik piniarsinnaaneq, agguataarisinnaaneq, atuakkanik iluarsaassisinnaanerlu piginnaasaqarfiussapput

• Marlunnik oqaaseqartuuneq kissaataavoq (kalaallsiut qallunaatullu)

 

 

Paasisaqarnerorusukkuit:

Atorfimmut paasisaqarnerorusukkuit atuarfiup pisortaata Kîstâraq Danielsen saaffiginissaanut tikilluaqqusaavutit normumut +299 36 64 01imaluunniit ma

 

 

Annertunerusumik paasisaqarusukkuit:
Annertunerusumik paasisaqarusukkuit atuarfiup pisortaa Kîstârak Danielsen attavigisinnaavat uunga oqarasuaat 366401 imaluunniit e-mail-imut uunga:kida@sermersooq.gl

 

 

Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

 

 

Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Naalakkersuisut aamma Ilinniartitsisut Meeqqat Atuarfianneersut Kattuffiat (IMAK-ip) akornanni isumaqatigiissut atuuttoq imaluunniit Kalaallit Nunaanni kattuffiup allap isumaqatiginninniarsinnaatitaasup isumaqatigiissutaa atuuttoq naapertorlugu atorfinitsitsisoqassaaq.

 

Qaammatini pingasuni misiliummik atorfinitsitsisoqarsinnaavoq.

 

 

Inissaq:
Atorfininnermut atatillugu inissiamik innersuussisoqarsinnaanngilaq.

 

 

Qinnuteqaat:
Qinnuteqaat qulequtserlugu Atorfiup ilisarnaataa 844/23-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

 

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

 

MALUGIUK: 
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuigissavatsigit qinnuteqaatit nittartagaq aqqutigalugu nassiutissagit.

Qinnuteqarnissamut killissarititaasoq: oktobarip 9.-at, 2023

Atorfik una qinnuteqarfigiuk