Skip to main content
91

Dette jobopslag er udløbet

Nuummi suliniummik eqqussinermi atuartitsinermik siunnersortissarsiorneq / Atorfiup ilisarnaataa 94/21

Meeqqat atuarfianni iPad atorlugu atuartitseriaatsinut nutaanut eqqussiniarnermi atuartitsinermik siunnersortissarsiorneq.

Meeqqat atuarfianni ilinniartitsisut qanimut suleqatigalugit atuartitseriaatsimik allannguillutillu pitsanngorsaaqataarusuppit? Meeqqat atuarfianni atuartitsinermik misilittagaqarpit aammalu atuartitseriaatsinik atuartunut misissuerusussusilinnut, paasiniaarusussusilinnut pilersitserusussusilinnut qitiutitsisuni ilinniartitsisunut kajumissaarillaqqippit isumassiullaqillutillu? IPad sakkutut atorlugu ilikkartitsiniarnermi anguniakkat aallussinnaavigit? Taamaappat Kommuneqarfik Sermersuumi Atuarfeqarnermut meeqqeriveqarnermullu immikkoortortaqarfiup iluani atuartitsinermut siunnersortitut atorfik ilinnut neqeroorutigisinnaavarput.

Neqeroorutigaagut uku:

  • Atuartitseriaatsimik nutaamik ineriartortitsinermik pilersitsinermillu eqqusseqataaneq
  • Akisussaaffik annertooq suliffinnullu sunniuteqarluaqataasoq
  • Nunatsinni atuarfeqarfinni suliniummut angusaqarluarfiusussamut peqataaffiginninnissaq sunniuteqataaffiginninnissarlu
  • Atuartitsinermi siunnersortit suliniummullu aqutsisup akornanni imaqarluartumik avitseqatigiittarnerit siunnersueqatigiittarnerillu.
  • Ulluinnarisaq pissanganartumik sulineq suleqatit pikkorissut tunniusimalluartullu akornanni
  • Aqutsisunit kaammattorluarneqarneq
  • Kommuneqarfiup iluani atuarfeqarfiit aqutsisuisalu akornanni qanimut atuartitsinerit  aqutsinerillu iluanni suleqatigiinnerit

Atorfik suliffeqarfissallu pillugit

Kommuneqarfik Sermersuup nunatsinni kommuneqarfiit sisamat suleqatigalugit suliniut “Kivitsisa” suleqataaffigaat. Suliniutip imarisaata ilagaat atuartitseriaatsit nutaat, ilinniartitsisut akornanni aqutseriaatsit suleqatigeeriaatsillu nutaat  iPadit atuartunut atuartitsisunullu tamanut tunniunneqartoq atorlugu. Suliniutip eqqunneqarniarnera ingerlaavartumik pivoq massakkullu Tunumi Ipadinik agguaanissaq aallarnisarneqarpoq. Atuartitsinermi siunnersortitut naatsorsuutigineqassaaq atuarfiit ataasiakkaat akornanni suliniummik atuutsitsiniarnermi angalasarnissaq. Kommuneqarfik Sermersuup iluani atuartitsinermik siunnersortit suliniummik eqqussiniarnermi siuttuupput.

Atuartitsinermi siunnersortitut suleqatit pingasut suleqatigalugit  kommuneqarfiup iluani meeqqat atuarfii ilinniartitsisuilu atuartitseriaatsit suleqatigeeriaatsillu nutaat eqqunneqarniarneranni tapersersueqataassaatit. Ilinniartitsisoqatigiit akornanni atuartitsissutissanik piareersarnermi suleqataassaatit atuartitsissutiliallu misilerarneranni ilinniartitsisoq qanimut suleqatigalugu atuartitsineq ingerlattassavat nalilersueqataaffigalugulu. Atuartitsinermi siunnersorteqatitit allaffeqatigissavatit, naatsorsuutigissavalli sulinerpit annersaa atuarfinni atuarfiup pisortaasa ilinniartitsisuisalu akornanni pissanganartumik ingerlanneqartassammat. Atuarfiup pisortaa siunnersueqatigisassavat ilinniartitsisullu ilinniartitseriaasiannik perorsaanermullu tunngasunik suleriaassissanik ilitsersorlugit, siunnersorlugit kaammattortarlugillu. Suliniutit taakkua saniatigut suliniutip aqutsisua suliniutillu iluani suleqataasut qanimut suleqatigissavatit.

Atorfinitsitsineq piffissamik killilimmik atorfiuvoq 2023 naaneranut killeqartoq.

Marluinnik oqaasilik kissaataavoq piumasaqaataananili. 

Naatsorsuutigaarput

  • Perorsaanermut tungasut iluanni ilinniagaqarsimanissat, IT ilikkarfiusup iluani assingusumilluunniit ilinniaqqissimasoq
  • IPad atorlugu atuartitsinermi ilikkarfiulluartumik peroriartuutaasumik suleriaatsinik misilittagaqarnissat
  • Atuarfinni sulisut akornanni nalunngisannik akunnermiliussinnaassuseqassasutit ingerlatitseqissinnaallutillu
  • IT atorlugu atuartitseriaatsinik misilittagaqarluassasutit
  • Aqqissuillaqqissuseqarlutit akisussaaffimiik pingaartitsillutillu inerniliillaqqissuseqassallutit
  • Nammineersinnaassuseqarluassasutit suleqateqallaqqillutillu

Meeqqanik pinerliisimannginnermut aammalu pineqaatissinneqarsiman-nginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsiman-nginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussat, IMAK isumaqatigiissutaat atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Ineqarneq
Atorfimmut atatillugu inissiamik innersuussisoqarsinnaanngilaq. Kommuneqarfik Sermersuumi atorfinnut atatillugu ineqarsimaguit tigummiinnarnissaanut qinnuteqarsinnaavutit.

Qinnuteqaat:
Qinnuteqaatip ilisarnaataata Job nr. 94/21 aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 06. marts 2021
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Fagchef Riikki Grønvold
Telefon: +299 367303
Nittartagaq: http://www.sermersooq.gl
Qinnuteqaat nassiutiguk