Meeqqanik inuussuttunillu sullissinissamik nuannarisaqarpit? Taava immaqa tassa illitsuleqatissarput nutaaq.

Kommuneqarfik Sermersooq Nuummi Qimarnguimmi suliamut pikkorissumik tamatigoortumik 1. November 2023-mi isumaqatigiissuteqarnikkulluunniit atorfinittussamik perorsaasumik pissarsiorpoq.

Qimarnguimmi perorsaasutut immikkuullarissumik periarfissaqarputit arnanut meeqqanut/inuusuttunut nakuusernermik eqqugaasimasunut katsorsaanermik neqeroorutinik ineriartortitseqataanissannut

 

Nuummi Qimarnguimi sulisut arfineq-marlunnik amerlassusiligaapput, katsorsaanermi aqutsisoq ataaseq, psykolog piffissap ilaani sulisartoq ataaseq, terapeut ataaseq, isumaginninnermut siunnersorti ataaseq perorsaasut marluk eqqiaanermilu ikiorti ataaseq.

Qimarnguik aalajangersimasumik inoqartarpoq nal 08.00-16.00 sulisunik. Piffissap tamatuma saniatigut unnukkut sulisoqartarsinnaavoq. Nal. 16.00-08.00 akornanni aamma sapaatit akunnerisa naaneranni nalliuttunilu sulisuusup qimarnguimmut inissiineq ulluinnarnilu nakkutilliineq isumagisarpai. Sulisoqartarneq saniatigooralugu sulisartunik sulisoqartarpoq, kajumissutsimik sulisartunit suliffigineqarsinnaasoq.

Suliassaqarfiit akornanni katsorsaasugut/aqqutissiuussisugut suliassaqartullu allat, suliffeqarfiup iluaniittut avataaneersullu peqatigalugit suleqataassaatit. Ingerlaavartumik ineriartortitsinissamut siunnersoqatigiinnissamullu periarfissaqarneq qitiutinneqarpoq.

Perorsaasutut katsorsaanertalimmik arnanik meeqqanillu 18-it angullugit ukiulinnut katsorsaasuni aqutsisoq terapeutillu suleqatigalugit katsorsaanermi peqataanissaq periarfissaavoq.

 

Ilaatigut makkua suliassarissavatit:

∙Arnanut meeqqanullu perorsaanikkut suliniuteqarneq. Taamatuttaaq perorsaasoq ilaqutariinnut siunnersuisarpoq, tapersersuillunilu oqaloqatiginnittarluni. Matumani meeqqap nalerisimanissaa qulakkeerumallugu.

∙Arnat meeqqallu 18-it angullugit ukiullit, nakuuserfigineqarsimasut perorsaanikkut isumaginninnikkullu katsorsaanermik ingerlatsivigissallugit.

∙Arnanut aamma meeqqanut nakuuserfigineqarsimasunut ulluunerani katsorsaanermik neqeroorummi eqimattani peqataanissaq periarfissaavoq.

∙Illup iluani avataanilu suleqatigiit ataatsimiinneranni peqataasarnissaq pisinnaavoq.

 

Naatsorsuutigaarput:

∙Inunnik suliaqarnermik ilisimasaqarluartutit, uani ingammik arnanik meeqqanillu 18-it angullugit ukiulinnik suliaqarnermik.

∙Arnat meeqqallu 18-it angullugit ukiullit nakuuserfigineqarsimasut qanimut sullikkusullugillu misilittagaqarfigaatit.

∙Suliassaqarfiit akornanni suleqatigiinni sulinissamut kajumissuseqartutit.

 

Pingaartipparput illit:

∙Perorsaasutut assigisaanilluunniit ilinniarsimasutit.

∙Aalajaatsuunissat, tatituujunissat tamanut inissaqartitsinissat inussiarnersuunissallu.

∙Allattariarsornermi oqaluttariarsornermilu ersarissumik paatsuugassaanngitsumillu attaveqartartuuvutit.

∙Sulininni namminersorsinnaasutit, akisussaassuseqartutit, sullisserusuttutit inunnillu ataasiakkaanik ataqqinnittusutit.

∙Suliassanut tunngatillugu tamatigoortuunermik takutitsisinnaavutit/ suleqatigiinnik aqutsisunillu suleqateqarsinnaassuseqarlutit.

 

Uagut neqeroorutigaavut:

∙Suliffik unammillernartunik suliassartalik, suliffeqarfimmilu angisuumi ineriartortinneqartuartumi allanngorartuartumilu annertuumik akisussaassuseqarfiusumi.

∙Tamakkununnga ilanngullugu aqutsisunik qanimut suleqateqarnissaq aamma suleqatinik ikorfartoqateqarnissaq kiisalu suliniuteqarnissap nutaaliornissallu inissaqartuarnissai anguniartuarparput.

 

Naatsorsuutigaarput:

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.

 

Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Behandlingslederi Grethe Siegstad / Isumaginninnermut siunnersorti Ivik Kuluk Lund, oqarasuaat +299 366113 / 367331 imaluunniit e-mail: grsi@sermersooq.gl

 

Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

 

Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

 

Inissaq:
Atorfininnermut atatillugu inissiamik innersuussisoqarsinnaanngilaq.

 

Qinnuteqaat:
Qinnuteqaat qulequtserlugu Atorfiup ilisarnaataa 877-23-mik, ilinniagaqarsi manermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Malugiuk: 
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

 

Qinnuteqarnissamut killissarititaasoq: oktobarip 20.-at, 2023

Atorfik una qinnuteqarfigiuk