Skip to main content
128

Dette jobopslag er udløbet

Nuummi Qatserisarfimmi allaffissornermi siunnersorti

Allaffissornermik misilittagalimmik tamatigoortumik assigiinngitsunik suliaqarsinnaasumik suliassanut nutaanut kajumissusilimmik sulisussarsiorpugut. Uagut suleqatigiit tassaavugut sulisut inuusunnerit utoqqasaajunerillu tamatta inuiaqatigiinnut iluaqutaasumik suliaqarnissamik kissaatillit. Aamma iluaqutaavugut - 1880 aallarnerfigalugu inuiaqatigiinnut iluaqutaasumik suliaqarpugut tamannalu tulluusimaarutigaarput.  

 

Maani qatserisarfimmi nutaami nukissaqarluarpugut aamma inissaqartitsivugut. Ineriartupiloorneq aqqusaagaraarput immitsinnullu qiviarluta suleriaaserput nutaamik aaqqissuunniarparput aamma qanoq ililluta piginnaasavut pitsaanerpaamik atorsinnaanerlugit paasiniarlugu. Tassungalu atasumik amigaatigaatsigit.

 

Suliffeqarfimmi aqutsineq naalagarsiorfiunngitsoq neqeroorutigaarput, namminersorluni ulluinnarni sulineq nammineq annertuumik sunniuteqarfigisinnaasaq ulloq suliffigisaq qaqutiguinnaq pilersaarutigisatut naammassineqartartoq. Naalagarsiortitsilluni aqutsineq upperisarinngilarput, kisianni imminut naalakkersinnaaneq aamma apeqquteqarnissamut qunugisaqannginneq isumalimmillu unammillersinnaaguit taava illiuvoq taanna ujagaqarput.  

 

Illit piginnaanerisannut kissaaterpassuaqarpugut. Piginnaanereriikkannut kisianni aamma ilikkarusutannut. Aamma allanik piginnaaneqarsimassaatit uagut atorsinnaasatsinnik amigaatigalugit nalusatsinnik.

 

Qatserisartunngorusukkuit aamma periarfissaavoq, arnaaguit angutaaguilluunniit.

 

 

 

Suliassat ilaatigut makkuussapput:

 

∙ Allaffissorneq suliassat ataasiakkaat assigiiaarsinnaasut

 

∙ Inuit attaveqatigiittarfiinik ingerlatsineq

 

∙ Sullitanik qiimasumik nuannersumillu attaveqarneq nalinginnaasoq, assigiinngitsorpassuarnik sammisaqartussaagavit 

 

∙ Ulluunerani kalerrisaarinermi oqarasuaatip normuanik 113 nakkutilliineq innuttaasunit oqartussaasuniillu allanit sianertunik kiffartuussineq

 

 

 

 

Naatsorsuutigaarput, atorfimmut qinnuteqartoq:

 

∙ Ineriartornissamut piareersimasuusoq aamma uagut ineriartornitsinnut peqataarusuttoq

 

∙ Attaveqarfigisanut suliassanullu alapernaatsoq

 

∙ Unammilligassanik nuannarisaqartoq

 

∙ Sullitatsinnut annertuumik kiffartuusserusussuseqartoq

 

∙ Inooqataasunut akisussaaffeqarnermik misigisimasoq aamma suliffeqarfimmi inoqaataanermut misigissuseqartoq

 

∙ Suleqatigiinnermik eqqarsartaasilik – ataatsimoorluta kivitseqatigiissaagut - aamma taamaaliornissaq pissusissamisuuinnartoq

 

∙ Naatsorsuutigaarput pisortat imaluunniit namminersortut allaffissornerannit ilinniakkamik naapertuuttumik ingerlatsisimasutit

 

∙ Kalaallisut, qallunaatut tuluttullu oqalussinnaasutit

 

 

 

Sulinerup sivisussusaa:

Sapaatip-akunneranut akunnerit 40-t aalajangersimasumik suliffik. Ilaanni suliffiup piumasarippagu piffissat suliffiusut nikingasinnaasarput aamma sivisunerusumik sulisoqarsinnaasarpoq.

 

 

 

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Upalungaarsimanermut pisortaq Jes Damgaard Andersen, oqarasuaat +299 36 74 26 imaluunniit e-mail: central@sermersooq.gl

 

 

 

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

 

 

 

Meeqqanik Pinerliisimannginnermut Uppernarsaat:

Atorfimmut piumasaqaataavoq meeqqanik pinerliisimannginnermut uppernarsaammik nalunaarutitaqanngitsumik saqqummiussinissaq, inuusuttunik suliffimmik sungiusarnermik ingerlatsisoqartaratta.

 

 

 

Isumannaallisaanermi akuerineqarsimaneq:

Atorfimmut atasumik HEM-imut atasumik isumannaallisaanermi akuerineqarsimaneq piumasaqaataavoq.

 

 

 

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

 

 

 

Inissaq:

Atorfimmut atasumik inissamik tunniussisoqarsinnaanngilaq

 

 

 

Qinnuteqaat:

Qinnuteqaat atorfiup normuanik nr.677-22-imik, ilisarnaaserlugu, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

 

 

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

 

 

Malugiuk: 

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

 

Qinnuteqarnissamut killissarititaasoq: oktobarip 3.-at, 2022

Atorfik una qinnuteqarfigiuk