Suliffeqarnermut Isumaginninnermullu Ingerlatsivimmi Innarluutilinnut aamma Tarnikkut nappaatilinnut immikkoortoqarfik 

Nuummi Oqilisaassisarfimmi nutaami tullersortimik pissarsiorpoq.

Aqutsisut peqatigalugu suleqatigiinni nutaani aqutsisooqataarusuppit? Oqilisaassisarfimmi nutaami najoqqutassanik pilersitsinermi peqataarusuppit? Taava periarfissaq una immikkuullarissuuvoq.

Oqilisaassisarfik innuttaasunut timimikkut tarnimikkullu piginnaasakillisimasunut neqeroorutaavoq nutaaq. Oqilisaassisarfik Sammisassaqartitsivimmi Kammagiinni inissisimavoq. Innuttaasut qanigisaasut paaqqutarinnittuusut oqilisaallugit utaqqiissaasumik paaqqutarineqarnissaminnik pisariaqartitsisut sullinneqartassapput. Aallaavittut oqilisaassisarfiit sisamaassapput oqilisaassinerillu sivisussusaat pisariaqartitsineq aallaavigalugu ulloq ataaseq ullut sisamat tikillugit sivisussuseqartassallutik.

Atorfinitsinneqarneq marsip aallaqqaataani pissaaq, marsillu ingerlanerani najoqqutassanut toqqammavimmik ataatsimoorluta pilersitsissaagut, oqilisaassisarfimmilu innuttaasunik tigooraalluta aallartissalluta.

Aqutsisoq qanimut suleqatigissavat taassumalu peqannginnerani illit aqutsisumut paarlattaasassaatit immikkoortoqarfimmi aqutsisut allat tapersersortigalugit.

 

 

Suliassat:

• Aqutsisoq qanimut suleqatigalugu aqutsinermik ingerlatsinermillu suliassat

• Sumiiffimmik toqqissisimanartumik nuannersumillu, innuttaasut ataasiakkaat isumassorneqartarfissaannik paasineqarsinnaaffissaannillu pilersitsinissamut najoqqutassioqataaneq

• Assersuutigalugu suliassaqarfiit assigiinngitsut akornanni suleqatigiinnikkut piginnaasareriikkanik atuutsitsiinnarneq nukittorsaanerlu 

• Piffissani suliffiusuni allanngorartuni ulluinnarni suliassanik naammassinninneq

 

 

Ilinnut naatsorsuutigineqartut:

• Aqutsisoq suleqatigalugu sulisunut ersarissumik assigiimmik anguniagaqarsinnaasutit

• Najugaqartuusumut allannguineq pingaaruteqartoq pilersinneqarniassammat, immikkoortoqarfittaaq eqqarsaatigalugu ineriartorusussuseqartutit

• Suliffeqarfimmi ilisimasanik avitseqatigiiffiusumik, suleqatigiiffiusumik oqaloqatigiiffiusumillu kulturilimmi sulinissamut kajumissuseqartutit

• Naleqqussarsinnaassasutit, ulluinnarnilu naatsorsuutaanngitsumik pisoqarfiusumi sulineq nuannaralugu

• Suleqatitaatit nutaat peqatigalugit innuttaasunut oqilisaassisarfimmiittunut neqeroorummik toqqissisimanartumik aalajaatsumillu pilersitsinissannut sapinngilatit

 

 

Neqeroorutigissavagut:

• Suleqatigiilluarnermik kiisalu suliatigut inuttullu ineriartornissamik pingaartitsisoq
• Innuttaasunut uatsinnik pisariaqartitsisunut allanngueqataanissamut periarfissalik
• Suliffiup pitsaasumik avatangiiseqarnissaanik pingaartitsiviusoq
• Sunniuteqaqataaffiginissaannut periarfissaq

 

 

Uagut pilluta:

Innarluutilinnut aamma Tarnikkut nappaatilinnut immikkoortoqarfik Immikkoortoqarfiuvoq arfineq-pingasunik najugaqatigiiffeqartoq, najugaqatigiiffiit allat tallimat, sammisassaqartitsinermut ataatsimooqateqartitsinissamullu neqeroorutit marluk kiisalu tapersersorteqarfinnut pingasut Nuummi, Tasiilami Paamiunilu agguataarsimasut. Ineriartortitsinermik annertuumik ilaatigut sulisunik nutaanik sukumiisumik ilitsersuussisoqartarnissaanik, ingerlaavartumik siunersiuisoqartarnissanik suliatigullu ataatsimoorfeqarnissaanik imaqartumik ingerlatsivugut. Immikkoortortap ineriartornera tulluusimaarutigaarput

Soqutiginnilersimaguit sulilu paasisaqarusullutit, attaveqarfiginissatsinnut assut tikilluaqqusaavutit.

Oqaloqatiginninnerit sapaatip akunnerisa arfinilissaani ingerlanneqarnissaat naatsorsuutigineqarpoq

 

 

Annertunerusumik paasisaqarusukkuit:

Annertunerusumik paasisaqarusukkuit pisortaq Marie Grønvold attavigisinnaavat uunga oqarasuaat 366920 imaluunniit e-mail-imut uunga: mgro@sermersooq.gl  

 

 

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

 

 

Akissaatinut atorfinitsitaanermullu tunngatillugit atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

 

 

Inissaq:

Atorfininnermut atatillugu inissiamik innersuussisoqarsinnaanngilaq.

 

 

Qinnuteqaat:
Qinnuteqaat qulequtserlugu Atorfiup ilisarnaataa 40-23-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

 

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

 

MALUGIUK: 

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuigissavatsigit qinnuteqaatit nittartagaq aqqutigalugu nassiutissagit.

 

Qinnuteqarnissamut killissarititaasoq: februaarip 3.-at, 2023

Atorfik una qinnuteqarfigiuk