Suliffeqarnermut Isumaginninnermullu Ingerlatsivimmi Innarluutilinnut aamma Tarnikkut nappaatilinnut immikkoortoqarfik Nuummi Oqilisaassisarfimmi nutaami sulisunik pissarsiorpoq.

 

Oqilisaassisarfitsinni nutaami suleqatigiinni nutaami peqataarusuppit? Taava una Nuummi neqeroorummi nutaami aallartisaaqataanissamut sunniuteqarnissamullu periarfissatsialaavoq.

 

Oqilisaassisarfik innuttaasunut timimikkut tarnimikkullu piginnaasakillisimasunut neqeroorutaavoq nutaaq. Oqilisaassisarfik Sammisassaqartitsivimmi Kammagiinni inissisimavoq. Innuttaasut qanigisaasut paaqqutarinnittuusut oqilisaallugit utaqqiissaasumik paaqqutarineqarnissaminnik pisariaqartitsisut sullinneqartassapput. Aallaavittut oqilisaassisarfiit sisamaassapput oqilisaassinerillu sivisussusaat pisariaqartitsineq aallaavigalugu ulloq ataaseq ullut sisamat tikillugit sivisussuseqartassallutik.

 

Tassani sulisut ilinniarsimanngitsunik marlunnik pissarsiorput. Tarnip pissusiinut tunngasunik ilinniagallit imaluunniit inuit assingusumik isumaginninnerup iluani ilinniagallit aamma qinnuteqarnissaminnut tikilluaqqusaapput. Atorfinitsinneqarneq marsip aallaqqaataani pissaaq, marsillu ingerlanerani najoqqutassanut toqqammavimmik ataatsimoorluta pilersitsissaagut, oqilisaassisarfimmilu innuttaasunik tigooraalluta aallartissalluta.

 

Suliassat:

• Sumiiffimmik toqqissisimanartumik nuannersumillu, innuttaasut isumassuisumik paasinnittumillu tikilluaqquneqartarfissaannik pilersitsinissamut najoqqutassiorneq
• Paaqqutarinninneq, tapersersuineq piginnaasareriikkanillu atuutsitsiinnarneq nukittorsaanerlu
• Sammisassaqartitsivimmi Kammagiinni innuttaasunik sammisassaqartitsineq
• Suliniutinik, soorlu tarnip pissusaanik ilisimasallit aallartitaannik, ingerlasoqartillugu suliassaqarfiit assigiinngitsut akornanni suliniuteqarneq
• Ilinniakkatigut tunuliaqut apeqqutaalluni nakorsaatinik isumaginninneq
• Ulluinnarni suliassanik naammassinninneq

 

Qinnuteqartunut naatsorsuutigisat:

• Suleqatitaatit nutaat peqatigalugit innuttaasunut oqilisaassisarfimmiittunut neqeroorummik toqqissisimanartumik aalajaatsumillu pilersitsinissannut sapinngilatit
• Assigiinngitsunik suliallit assigiinngitsunillu ilinniarsimasut suleqatigisinnaassavatit
• Patajaatsuuvutit, tatiginartoq eqqarsartaatsikkullu tatitooq.
• Naleqqussarsinnaassaatit, ulluinnarnilu naatsorsuutaanngitsumik pisoqarfiusumi sulineq nuannaralugu.
• Piffissat suliffiusut allanngorartut suliffigisinnaavatit
• Tarnikkut nappaatilinnut tunngasunik misilittagaqaruit pitsaasuussaaq, piumasaqaataanngilarli.

 

Neqeroorutigissavagut:

• uatsinnik pisariaqartitsisunut allanngueqataanissamut periarfissaq.
• piffissallu suliffissat sunniuteqaqataaffiginissaannut periarfissaq
• unamminartoq aammalu suliatigut inuttullu ineriartornissamut periarfissaqartoq.
• suliassaqarfimmi suleqatigiilluarnermik pingaartitsiviusumiittoq
• suliffiup pitsaasumik avatangiiseqarnissaanik pingaartitsiviusumi tamatumunngalu ineriartortitsilluni suliaqarfiusumi atorfik

 

Innarluutilinnut aamma Tarnikkut nappaatilinnut immikkoortoqarfik Immikkoortoqarfiuvoq arfineq-pingasunik najugaqatigiiffeqartoq, najugaqatigiiffiit allat tallimat, sammisassaqartitsinermut ataatsimooqateqartitsinissamullu neqeroorutinik marluk kiisalu tapersersorteqarfinnut pingasut Nuummi, Tasiilami Paamiunilu agguataarsimasut. Ineriartortitsinermik annertuumik ilaatigut sulisunik nutaanik sukumiisumik ilitsersuussisoqartarnissaanik, ingerlaavartumik siunersiuisoqartarnissanik suliatigullu ataatsimoorfeqarnissaanik imaqartumik ingerlatsivugut.

 

Soqutiginnilersimaguit sulilu paasisaqarusullutit, attaveqarfiginissatsinnut assut tikilluaqqusaavutit.

 

Oqaloqatiginninnerit sapaatip akunnerisa tallimaanni ingerlanneqarnissaat naatsorsuutigineqarpoq

 

Annertunerusumik paasisaqarusukkuit:

Annertunerusumik paasisaqarusukkuit pisortaq Marie Grønvold attavigisinnaavat uungaoqarasuaat +299 36 69 20 imaluunniit e-mail-imut uunga: mgro@sermersooq.gl

 

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

 

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Naalakkersuisut aamma Sulinermik Inuussutissarsiuteqartut Kattuffiata (SIK-p) akornanni isumaqatigiissut atuuttoq imaluunniit Kalaallit Nunaanni kattuffiup allap isumaqatiginninniarsinnaatitaasup isumaqatigiissutaa atuuttoq naapertorlugu atorfinitsitsisoqassaaq.

 

Qaammatini pingasuni misiligummik atorfinitsitsisoqarsinnaavoq.

 

Inissaq:

Atorfininnermut atatillugu inissiamik innersuussisoqarsinnaanngilaq.

 

Qinnuteqaat:

Qinnuteqaat qulequtserlugu Atorfiup ilisarnaataa 57/23-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

MALIGIUK: 
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuigissavatsigit qinnuteqaatit nittartagaq aqqutigalugu nassiutissagit.

Qinnuteqarnissamut killissarititaasoq: februaarip 10.-at, 2023

Atorfik una qinnuteqarfigiuk