Skip to main content
81

Dette jobopslag er udløbet

Nuummi oqartussaatitaanermik immikkoortoq innarluutilinnik sullissisumik pissarsiorpoq / Atorfiup ilisarnaataa 203/21

Nuummi Kommuneqarfik Sermersuumi Suliffeqarnermut Isumaginninnermullu Ingerlatsivik piaartumik isumaqatigiissuteqarnikkulluunniit atorfinittussamik isumaginninnermi siunnersortimik/sullissisumik pissarsiorpoq.

Oqartussaaffeqarfik pillugu:
Utoqqalinersialinnut, siusinaarlunik pensionisialinnut, innarluutilinnut aamma suliffeqanngitsut immikkoortitaarneri 1-imiit 3-mut tunngatillugu, inatsit atuuttoq naapertorlugu suliarineqartarnissaat, aamma innuttaasut ataasiakkaat pisariaqartitaat naapertorlugit sukumiisumik nalilersuisarnerit aallaavigalugit suliarineqartarnissaannut, oqartussaaffeqarfimmit qulakkeerneqartartussaapput.

Atorfimmut inuttaliunneqartup suliassarai:

  • Inuit innarluutillit tapersersorneqarnissaannut Inatsisartut inatsisaat nr. 13, 12. juni 2019-imeersoq naapertorlugu inummut sammititamik nakkutilliineq.
  • Innarluutilinnut suliassaqarfimmi siunnersuineq aqqutissiuinerlu,
  • Inatsisit atuuttut aallaavigalugit sullissineq aamma suliat allaaserineri innuuttaasup pisariaqartitsinera tunngavigalugu.
  • Suliffeqarnermut Isumaginninnermullu Ataatsimiititamut Oqartussaasoqarfiit Assigiinngitsunik Suliallit Suleqatigiiffiannullu saqqummiussassaliorneq
  • Suleqatit attuumassuteqartut suliffiup iluani avataanilu akimorlugu suliaqarneq
  • Iliuusissamik pilersaarusianik suliaqarnermi malittarinninneq
  • Innuttaasunik oqaloqateqarneq

Naatsorsuutigaarput, illit:

  • Isumaginninnermut siunnersortaasutit, sullissisuusutit imaluunniit sullissinermik misilittagaqartutit
  • Suleqatigiinnermut piginnaasaqarluartutit
  • Akisussaaffimmik tigusisinnaasutit
  • Immikkoortut akimorlugit suleqataasinnaasutit
  • Anguniagaqartumik sulisinnaasutit
  • Inuttut tatitussasutit
  • Marluinnik oqaasillit (kal/dk)

Neroorutigisinnaavarput:

  • Suliffik immikkoortortami suliatigut qaffasissumik inissisimasoq
  • Suleqatit nuannaartut pikkorissullu
  • Suliffik unamminartoq namminerlu suliat aallaavigalugit sunneeqataanissaq
  • Immikkoortut akimorlugit suleqatigiinnissaq
  • Suliffik pissanganartoq inuillu ammasut
  • Suliffik tamatigoortoq amerlasuunik unamminartulik

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommuneuppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, AK imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

Inissiaq:
Atorfimmut atatillugu inissiamik atugassiisoqanngilaq.

Qinnuteqaatip:
Qinnuteqaatip ilisarnaataata Atorfiup ilisarnaataa 203/21 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 30. april 2021
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Kirsten Johnsen
Telefon: +299 368083
Nittartagaq: http://www.sermersooq.gl
Qinnuteqaat nassiutiguk