Skip to main content
127

Dette jobopslag er udløbet

Nuummi Nuussuup Atuarfia ilinniartitsisumik pissarsiorpoq / Atorfiup nr. 399/21

Nuussuup Atuarfia naatsumik:
Nuussuup Atuarfia alloriarfinnut pingasunut 1. – 10. klassimi atuartunik agguagaavoq 47-llu piumassuseqarluartunik ilinniartitsisoqarluni. Atuarfik 24-inik klasseqarpoq, taakkunannga 16-it klassit nalinginnaasut 8-llu immikkut atuartitsiffiit. Atuartut sulisullu tamarmik iPad-eqartinneqarput ulluinnarni atuartitsinermi atorneqartartunik.

Ilinniartitsisup tiimii

  • 5A klasselæreqateqarneq
  • 5A Kalaallisut, Matematikki, Tuluttut, Inuiaqatigiilerineq, Upperisalerineq isumalioqqissaarnerlu Pinngortitalerinerlu
  • 4A Matematikki
  • 7A aallaarsimaarneq Eqaluit Paarlianni (ilinniartitsisut marluk allat peqatigalugit)

Naatsorsuutigaarput:

  • Ilinniartitsisutut naammassisimasutit
  • Pamersaanermut ilisimasaqarluarneq atuartitseriaatsinillu assigiinngitsunik atuisinnaaneq
  • Meeqqanut isiginnittariaatsimik pingaartitsisoq
  • Klassimik aqutsillaqqinneq
  • Ataqatigiinnermik suleqatigiinnermillu pilersitsisinnaaneq atuartut, suleqatigit angajoqqaallu-akisussaasullu akornanni
  • Akuersaartuusutit, ammasoq, piumassusilik, akisussaassusilik aallarnisaasorlu
  • Periarfissanik ujartuisoq aporfissalersuinani
  • iPad atorlugu atuartitsisinnaaneq

Neqeroorutigaavut:

  • Atuarfiup avatangiisai ineriartornermut sammisut, inuttut suliatigullu ineriartornissamut periarfissallit
  • Atuarfimmi ilinniartitsisutut nutaatut tapersersorluarneqarneq
  • Suleqatit pikkorissut, nuannaartut akuersaartullu
  • Ilinniartitsisut pitsaasumik kinguneqartunik suleqatigiilluartut

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommuneuppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, IMAK imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

Inissiaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaatip:
Qinnuteqaatip ilisarnaataata Atorfiup ilisarnaataa 399/21 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

MALIGIUK: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

Qinuteqaat tunniunneqassaaq kingusinnerpaamik: 31. Juli 2021
Atorfininneq: 1. August 2021 Imaluunniit isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Kattie Egede Motzfeldt
Telefon: +299 366401
Nittartagaq: http://www.sermersooq.gl
Qinnuteqaat nassiutiguk