Skip to main content
113

Dette jobopslag er udløbet

Nuummi najugaqarfiutigalugu katsorsaasarfimmut terapeutimik pissarsisorpoq / Atorfiup ilisarnaataa 543/19

Ilaqutariinnik qajannartumik inissisimasunik sullissinissarnut nuannarisaqartuuvit? Inunnik inissaqartitsillutillu naapinnillaqqittuuvit? Aammalu sulinermi atassuteqarneq tunngavigalugu nersuerpalaartumik katsorsaariaaseqarluni sullissinissap pingaassusaa ilisimalluarpiuk? Aalajangersimasumik periaaseqarlutit aaqqissuulluakkamillu periuseqarlutit nakkutiginnillutit misissuisinnaavit? Aammalu naartusut angajoqqaanngorlaallu sullinnissaanik ilisimasaqarpit, taamatuttaaq meeraaqqat ineriartornerat pillugu ilisimasaqarpit? Apeqqutit taakku ilinnut tulluuppata taava immaqa illit terapeutitut atorfissaqartippatsigit!

Kommuneqarfik Sermersuumi Meeqqanut Ilaqutariinnut Ingerlatsiviup immikkoortortaani, Kusernermi, terapeutimik pissarsiortoqarpoq.

Kommuneqarfik Sermersuumi suliassatta pingaarnersaat tassaavoq meeqqanik sumiginnaanernik pitsaaliuissalluta. Aaqqissuussamik tunngaviit aallaavigalugit ilaqutariinnik tamanik akuliutitsilluta sulisarpugut, taakkulu sumiiffiat nukissaallu qitiutillugit sulivugut. 

Atorfik pillugu:

Kuserneq najugaqarfiutigalugu katsorsaasarfiuvoq,  angajoqqaanngortussanut angajoqqaanngorlaanullu piginnaasaqalernissamik tapersersorneqarnissamullu pisariaqartitsisunut saaffiginnittuuvoq. Ilaqutariit tassani meeqqat atugaat ineriartornerallu qitiutilluit periarfissaqarput.

Suliassat ilaatigut makkuupput:

  • Katsorsaanissamut pilersaarut tunngavigalugu Ilaqutariinnik oqaloqateqarnerit, aappariinnik oqaloqateqarnerit, inersimasut meeqqallu ataasiakkaat ingerlanerinik oqaloqateqartarnerit.
  • Angajoqqaat meeqqaminnut atassuteqarnerannut misissuinerit
  • Atassuteqarneq pillugu alaatsinaannerit
  • Genogram-liornerit
  • Inersimasut eqimattami ataatsimoortarnerannut pilersaarusioqataaneq peqataanerlu.
  • Meeqqat eqimattami ataatsimoortarnerannut pilersaarusioqataaneq peqataanerlu.
  • Ilaqutariit peqatigalugu aaliangersimasumik sammisaqarluni sulineq
  • Sammisassaqarnermi peqataasinnaaneq
  • Ilaqutariinnik nutaanik ineqalertussanik piareersarneq tikilluaqqusinerlu
  • Ilaqutariit nammineq anguniakkatut toqqarsimasaat aallaavigalugit ilaqutariit sungiusarnerinut ikiuussinnaanissaq.
  • Katsorsaasoqatigiinnut tunniussisarnerit suleqataanerillu aamma katsorsaanissamik neqeroorummik ineriartortitsinermut timitaliilluni suleqataaneq.
  • Katsorsaaneq malillugu sammisassaqartitsinissamut pilersaarusioqataaneq peqataanerlu

Kina ujartorparput:

  • Terapeut-tut ilinniarsimasoq (psykolog, familieterapeut, psykoterapeut)
  • Spædbarnsterapeutitut ilinniarsimasoq, piumasaqaataanngilarli
  • Tilknytningsteori-mut ilisimasaqarnissaq pingartipparput
  • Mentalisering-mut tunngatillugu ilisimasalik
  • Angajoqqaat piginnaasaannik misissuisinnaasoq
  • Traume-nut tunngatillugu ilisimasalik
  • Systemisk metode atorlugu ilaqutariinnik sullissisinnaasoq

Piumasaqaatigut sakkortupput, suliffeqarfillu atuuffissaminut atorluassappat, eqaatsumik suleriaaseqarlutillu suliarnut atatillugu pisartut assiginngitsorpassuit aallaavigalugit naleqqussarsinnaanissat pisariaqarpoq. Aamma tamanna suliffeqarfiup iluani, katsorsaanermullu tunngatillugu atuuppoq.

Neqeroorutigisinnaavavut:

  • Suliffik soqutiginartoq unammillernartunik suliassartarpassualik.
  • Suleqatit pitsaasut suliffimmilu suliffiup avatangiisai qitiutitsiffiusut.
  • Suliatigut inuttullu ineriartornissamut periarfissat pitsaasut.
  • Supervision
  • Namminersorluni sulineq.

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

 

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat:
Qinnuteqaatip ilisarnaataata Job nr. 543/19, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:                                                                                       
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 13. september 2019
Atorfininneq: 1. oktober 2019 imaluunniit isumaqatigiissuteqarnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Kirsten Brandt Davidsen
Telefon: +299 366105
Mobil: +299 564948
Solveig Mølgaard
Telefon: +299 366176
Mobil: +299 555697
Nittartagaq: http://www.sermersooq.gl
Qinnuteqaat nassiutiguk