Skip to main content
142

Dette jobopslag er udløbet

Nuummi najugaqarfiutigalugu katsorsaasarfimmut ilaqutariinnut siunnersortinik marlunnik sulisussarsiorpoq / Allagarsiussap normua 386/19

Nuummi najugaqarfiutigalugu katsorsaasarfimmut ilaqutariinnut
siunnersortinik marlunnik sulisussarsiorpoq, 1. august 2019 isumaqatigiinnikkulluunniit atorfinittussanik.

Ilaqutariinnik qajannartumik inissisimasunik isumaginninnikkut sullissinissaq soqutigilluinnarpiuk? Aammalu sulinermi atassuteqarneq tunngavigalugu nersuerpalaartumik perorsaariaaseqarluni sullissinissap pingaassusaa ilisimalluarpiuk? Aalajangersimasumik periaaseqarlutit aaqqissuulluakkamillu periuseqarlutit nakkutiginnillutit misissuisinnaavit allaaserinnissinnaallutillu kiisalu inunnik sullissinermi sullitat suut pisariaqartinneraat paasisimasaqarfigaagit? Apeqqutit taakku angersinnaagukkit taava immaqa illit ilaqutariinnut siunnersortit marluusussat ilagissavaatsit!

Kommuneqarfik Sermersuumi Meeqqanut Ilaqutariinnut Ingerlatsiviup immikkoortortaani, Kusernermi, ilaqutariinnut siunnersortitut atorfinnut marlunnut perorsaasunik, isumaginninnermi ikiortinik assigisaannilluunniit pissarsiortoqarpoq.

Ilaqutariinnut siunnersortit Nuummi Meeqqanut Ilaqutariinnullu Sullissivimmut attuumassuteqalissapput, siunnersortillu ilaqutariinnut qajannartunut ilaqutariinnik katsorsaanernik aamma isumaginninnermi perorsaanikkut suliniutinik isumaginnittuussapput.

Kommuneqarfik Sermersuumi suliassatta pingaarnersaat tassaavoq meeqqanik sumiginnaanernik pitsaaliuissalluta. Aaqqissuussamik tunngaviit aallaavigalugit ilaqutariinnik tamanik akuliutitsilluta sulisarpugut, taakkulu sumiiffiat nukissaallu qitiutillugit sulivugut. 

Nuummi Meeqqanik Ilaqutariinnillu sullissivimmi ilaqutariinnut siunnersortitut suliffitsinnut patajaatsumut ingerlalluartumullu ilanngutissaatit, tassani sulisut atugaat suliatigullu ineriartortinneqarnerat pingaartinneqartorujussuupput.

Uagut:
Kuserneq tassaavoq naartusunut angajoqqaanullu meeqqanut 0-linniit marlunnik ukiulinnut najugaqarfiutigalugu katsorsaasarfiusoq.

Kuserneq siusissukkut suliniutit ataanni neqeroorutaavoq, ilaqutariinnut naartusunut meeraaraatilinnullu piginnaasaqalernissamik tapersersorneqarnissamullu pisariaqartitsisunut saaffiginnittuuvoq. Ilaqutariit tassani meeqqat atugaat ineriartornerallu qitiutilluit periarfissaqarput.

Kusernermi ilaqutariinnut siunnersortitut katsorsaanermut aqutsisoq suleqatillu peqatigalugit najugaqarfiutigalugu katsorsaavimmi ilaqutariinnut ineriartortitsinissamut sulisarpugut.

Aammattaa sulinitsinni qitiutipparput angajoqqaat meeqqaminnut attaveqarniarnera nukittorsarlugu sulissutigisarlutigu, aammattaaq ullunik toqqissisimasunik ilusilersorluakkamillu pilseritsinissamik tapersiisarluta. 

Atorfik pillugu:

Suliassat ilaatigut makkuupput:

  • Ullut tamakkiallugit ilaqutariit imminnut atassuteqarnerat pissusilersornerilu nakkutigalugit alaatsinaanneq takusanillu paasiniaaqqissaarneq.
  • Katsorsaanissamut pilersaarut tunngavigalugu perorsaanermik isumassuinermillu suliaqarneq.
  • Isumassuinerit, attaveqaqatigiinnerit, inissisimaffiit pissutsillu allat tamakkununnga assingusut meeqqap ilaqutariillu atugaannut sunniuteqartut.
  • Perorsaanikkut isumassuinikkullu tunngavigalgut katsorsaanissamik ikorfartuineq.
  • Pisariaqartitsineq malillugu meeqqamik ikorfartuineq, soorlu meeqqerivimmi.
  • Iluaqusersuutit, soorlu pinnguaatit iluaqutigalugit, ilaqutariit imminnut pitsaasumik atassuteqarnissaannut ikorfartuineq.
  • Nersuerpalaartumik isiginnittaaseqarluni angajoqqaap perorsaaneranik ikorfartuineq.
  • Ilaqutariinnik ataasiakkaanik ilagisanillu sullissinermi susassaqarfiit akimorlugit suleqataaneq.
  • Ilaqutariinnik nutaanik ineqalertussanik piareersarneq tikilluaqqusinerlu.
  • Ilaqutariit nammineq anguniakkatut toqqarsimasaat aallaavigalugit ilaqutariit sungiusarnerinut ikiuussinnaanissaq.
  • Perorsaaneq siunertaralugu meeqqanut qatanngutaasunullu attaveqarnermik pilersitsisinnaaneq sullissinerlu.
  • Ulluinnarni ilaqutariinnut attaveqaataaneq.
  • Katsorsaasoqatigiinnut tunniussisarnerit suleqataanerillu aamma katsorsaanissamik neqeroorummik ineriartortitsinermut timitaliilluni suleqataaneq.
  • Meeqqat eqimattami ataatsimoortarneranut pilersaarusioqataaneq peqataanerlu.
  • Inersimasut eqimattami ataatsimoortarneranut pilersaarusioqataaneq peqataanerlu.
  • Katsorsaaneq malillugu sammisassaqartitsinissamut pilersaarusioqataaneq peqataanerlu.

Kikkut ujartorivut:

  • Perorsaasutut, peqqinnissaqarfimmi assistentitut, isumaginninnermi ikiortitut allatulluunniit isumaginninnermi suliaqarnissamut perorsaasutulluunniit ilinniagaqartuuvusi.
  • Småbørnskonsulent-tut ilinniaqqissimaneq, piumasaqaataanngilarli.
  • Perorsaasutut aamma / imaluunniit isumaginninnermi suliaqartarnermit attuumassuteqartunik misilittagaqarpusi.
  • Namminersorlusi sulisinnaassuseqarpusi.
  • Ilusilersuillaqqippusi, ataqatigiissaarillaqqippusi, pilersaarusiullaqqippusi suliassanillu malinnaatitsillaqqillusi.
  • Inunnik misiginneqatiginnissinnaassuseqarpusi paasinnissinnaassuseqarlusilu.
  • Suleqatiginnissinnaassuseqarpusi naammagittassuseqarlusilu.
  • Inunnik pitsaasumik isiginnittariaaseqarpusi aamma nukissanik qitiutitsinissamut piumasassuseqarpusi qitiutitsisinnaassuseqarlusilu.
  • Inuit imminnut paasinissaannut kaammattuisinnaavusi ikiuussinnaallusilu.
  • Ammasuuvusi inuillu assigiinngissutaannik akuersisinnaallusi .
  • Ilumoortuusinnaavusi namminerlu sapiisersinnaassuseqarlusi.
  • Aaqqissuussaanermi ineriartortuartumi sulerusussuseqarpusi.
  • Sulinissinni ineriartortuarnissassinnut piareersimavusi.
  • Ilaqutariittut sakkortuunik nalaataqarsimanerup kingunerisartagaannik meeqqallu ineriartorneranut aammalu atassuteqarnermut ilisimasaqarneq taamatuttaaq suliassaqarfimmut tamatumunnga soqutiginninneq.

Piumasaqaatigut sakkortupput, suliffeqarfillu atuuffissaminut atorluassappat, eqaatsumik suleriaaseqarlutillu suliarnut atatillugu pisartut assiginngitsorpassuit aallaavigalugit naleqqussarsinnaanissat pisariaqarpoq. Aamma tamanna suliffeqarfiup iluani, katsorsaanermullu tunngatillugu atuuppoq.

Neqeroorutigisinnaavavut:

  • Suliffik soqutiginartoq unammillernartunik suliassartarpassualik.
  • Suleqatit pitsaasut suliffimmilu suliffiup avatangiisai qitiutitsiffiusut.
  • Suliatigut inuttullu ineriartornissamut periarfissat pitsaasut.
  • Suleqatinit ilinniartinneqarnissat atuartinneqarnissallu.
  • Namminersorluni sulineq.

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatit atorfinitsitaanermilu atugassarititaasut:
Namminersorlutik Oqartussat aamma kattuffiup isumaqatiginninniarsinnaatitaasup isumaqatigissutaat sukkulluunniit atuuttut naapertorlugit akissaasersuisoqassaaq atorfinitsitaanermilu atugassaqartitsisoqarluni.

Unnukkut sapaatillu akunnerisa naaneranni sulisarnissat naatsorsuutigineqassapput.

Piffissami nalinginnaasumik suliffiusussami sapaatip-akunneranut nalunaaquttap-akunnerini 40-ni sulisassaatit.

Atorfimmut atatillugu inissaq
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl.

Sulisunut inissiamik aatsaat innersuussisoqarsinnaanngorpat atorfinitsitsisoqarsinnaavoq. Malittarisassat atuuttut malillugit atorfininnermi angalanermut akiliussisoqassaaq aamma pequtit assartorneqarnerat akilerneqassaaq.

Qinnuteqaat:
Qinnuteqaatip ilisarnaataata Job nr. 386/19, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 9. juli 2019
Atorfininneq: 1. august 2019
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Kirsten Brandt Davidsen
Telefon: +299 366105
Mobil: +299 564948
Nittartagaq: http://www.sermersooq.gl
Qinnuteqaat nassiutiguk