Skip to main content
89

Dette jobopslag er udløbet

Nuummi Meeqqanut Ilaqutariinnullu Sullissivimmi Qimarnguimmut Isumaginninnermut Siunnersortimik sulisussarsiorpugut / Atorfik initaqarpoq / Atorfiup normua 656/19

Kommuneqarfik Sermersooq arnanut taakkulu meeraannut najugaqatigiiffimmut pilertortumik qimarnguimmut nutaamut pikkorissumik sullarissumillu Isumaginninnermut Siunnersortimik Meeqqanut Ilaqutariinnullu Sullissiviup ataani pissarsiorpoq, 1. decembari 2019-mi imaluunniit isumaqatigiinnikkut.

Najugaqatigiiffik pilertortumik qimarnguik nutaaq Meeqqanut Ilaqutariinnullu Sullissiviup ataaniittoq atorfiuvoq nutaaq, suliat akimorlugit isumaginninnermik, attaveqaqatigiinnermik, inuttaliinermut, katsorsaanermut allallu meeqqap/ilaqutariit ingerlanerannut aamma nakuuserfigitinnermut assigisaanulluunniit ikiorneqarnissamik isumaginnittoq. Sungiussiasumik suliamut ilinniarsimasumik naleqqussarsinnaanermut piginnaasalimmik suleqatit allat aqutsisullu peqatigalugit sulisussamik takorusuppugut. 

Immikkoortortami massakkut sulisuupput katsorsaasunut aqutsisoq ataaseq, ilaqutariinnut siunnersorti, allallu Meeqqanut Ilaqutariinnullu Sullissiviup ataani suleqatit allat. 

Atorfik pilersinneqaqqammersoq piffissaq tamakkerlugu atorfiuvoq, katsorsaasunut aqutsisumut immikkoortortamilu aqutsisumut atassuteqarluni.

Atorfimmi suliassat

Pissarsiorpugut – sapinngisamik misilittagalimmik –  ataanni ukuninnga suliaqartussamik:

  • Angajoqqaanut siunnersuisinnaallunilu aqqutissiuisinnaanissaq
  • Akimortumik sulialinnik suleqateqartarnermik peqataaneq
  • Katsorsaanermut pilersaarutinik suliaqarneq taassuminngalu malitseqartitsineq
  • Attaveqaqatigiissitsinermik pilersitsineq
  • Inatsisinut atuuttunut ikiorsiissutinullu ingerlaavartumik malinnaaneq, ilaqutariit ataasiakkaat pisariaqartitaasa matussuserneqarnissaannut, taassuma ataani suleqatinik avataanilu sulisunit qanimut ingerlaavartumillu malitseqartitsineq
  • Katsorsaanermi ataqatigiissaakkamik sulianik suliaqarnermik tunniussineq
  • Isumassuinerit, attaveqaqatigiinnerit, inissisimaffiit pissutsillu allat tamakkununnga assingusut meeqqap ilaqutariillu atugaannut sunniuteqartut
  • Ilaqutariinnik oqaloqateqartarnerit
  • Nakkutiginninnerit misissueqqissaarnerillu tunngavigalugit assigiinngitsunik suliallit katsorsaanissanik pilersaarusiornerannut peqataanerit
  • Illup iluani avataanilu suleqatigisat assigiinngitsunik suliallit suleqatigiinnerannut peqataanerit
  • Katsorsaasoqatigiinnut tunniussisarnerit suleqataanerillu aamma katsorsaanissamik neqeroorummik ineriartortitsinermut timitaliilluni suleqataaneq
  • Meeqqanut Ilaqutariinnullu Sullissivimmi immikkoortortaqarfimmi aqutsisoq katsorsaanermullu aqutsisoq isumaqatigiissuteqarfiginerisigut suliassat allat

Qinnuteqaateqartunut naatsorsuutigisat

  • Isumaginninnermut siunnersortitut siunnersuisartunulluunniit ikiortitut ilinniarsimanissaq
  • Perorsaasutut aamma / imaluunniit isumaginninnermi suliaqartarnermit attuumassuteqartunik misilittagaqarneq
  • Suleqatinik, avataanilu suleqatinik suleqateqallaqqinneq
  • Namminersorluni sulisinnaassuseqarneq
  • Suliassanik aaqqissuussillaqqinneq, ataqatigiissaarillaqqinneq ingerlatitseqqillaqqinnerlu
  • Inunnik misiginneqatiginnissinnaassuseqarneq paasinnissinnaassuseqarnerlu
  • Suleqatiginnissinnaassuseqarputit naammagittassuseqarlutillu
  • Inunnik pitsaasumik isiginnittariaaseqarneq aamma nukissanik qitiutitsinissamut piumassuseqarneq qitiutitsisinnaassuseqarnerlu
  • Inuit imminnut paasinissaannut kaammattuisinnaaneq ikiuussinnaarlu
  • Ammasuuneq inuillu assigiinngissusaannik akuersaarneq
  • Piviusorsiortuusinnaaneq namminerlu sapiisersinnaassuseqarneq
  • Suliffeqarfimmi ineriartorfiujuartumi sulinissamut soqutiginnittutit
  • Sulinermi ineriartortuarnissamut piareersimaneq

Tamatuma saniatigut pingaartipparput

  • Aalajaatsuunissat, pitsaassutsimik ilisimasaqarluartuunissat ataasiakkaanullu maluginiaasinnaanissat
  • Ataatsimut takunnissinnaaneq attatiinnarlugu arlalinnik suliaqarsinnaanissat
  • Allattariarsornermi oqaluttariarsornermilu ersarissumik paatsuugassaanngitsumillu attaveqartartuusutit
  • Namminersorluni sulisartoq, akisussaaffimmik ilisimaarinnittoq sullisserusussuseqartorlu
  • Suliassanut aamma suliassanik agguataarinernik ingerlaavartumik
    iluarsiissuteqarnissamut eqaatsumik allanngueriataarsinnaassuseqartutit
  • Ulluinnarni ulapaarfiusuni pimoorussillutit aaqqissuisinnaassuseqarlutit sulisinnaasutit
  • Nukittooq, sulianik aallartitsisinnaanermik takutitsisinnaasoq, nukissaqarluni takutitsisartoq iliuuseqartartorlu
  • Suliassatta ingerlanneqarnerini ingerlaavartumik ineriartortitsinermut pitsanngorsaanermullu suleqataassasutit
  • Kisitsisilerillaqqissuussasutit
  • Arlalissuarnik suleqateqallaqqissuunissat

Neqeroorutigaavut

Suliffik pissanganartoq unammillernartunillu suliassartalik, imarisassaanik nammineq sunniuteqarfigineqarsinnaasoq, suliffeqarfimmilu angisuumi ineriartortinneqartuartumi allanngorartuartumilu annertuumik akisussaassuseqarfiusoq. Suliffimmut suliffeqarfimmullu iserluartinneqarnissat pingaartipparput aamma qanimut aqutsisut suleqatigalugit pitsaasumik suleqatigiittoqarnissaata qulakkeernissaa anguniartuarparput.

Meeqqanik pinerliisimannginnermut aammalu pineqaatissinneqarsimannginnermut uppernarsaat

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Ineqarneq

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl.

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Akissaatinut atorfinitsitaanermullu tunngatillugit atugassarititaasut

Akissarsiaqarnermut atorfinitsitaanermullu atugassarititaasut Namminersorlutik Oqartussat AK-llu akornani isumaqatigiissut atuuttoq, imaluunniit kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

 

Qinuteqaat tunniunneqassaaq kingusinnerpaamik: 8. novembari 2019
Atorfininneq: 1. december 2019 imaluunniit isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Grethe Siegstad
Telefon: +299 366113
Mobil: +299 582996
Kirsten Brandt Davidsen
Telefon: +299 366105
Mobil: +299 564948
Nittartagaq: http://www.sermersooq.gl
Qinnuteqaat nassiutiguk