Skip to main content
106

Dette jobopslag er udløbet

Nuummi Meeqqanut Ilaqutariinnullu Sullissivik tarnip pissusiinik ilisimasalinnik / Ilaqutariinnik katsorsaasartunik pissarsiorpoq / Inissaqartitsisoqarpoq / Atorfiup normua 635/19

Tarnip pissusiinik ilisimasallip/katsorsaasup inissisimanissaa Nuummi Meeqqanut Ilaqutariinnullu Sullissivimmiippoq, taannalu suliassaqarfik Meeqqanut Ilaqutariinnullu Immikkoortortaqarfimmiippoq. Nuummi Meeqqanut Ilaqutariinnullu Sullissivimmiipput kommunip Meeqqanut Ilaqutariinnullu Sullissivii tamarmik, taavalu ilaqutariinnut inuusuttunut sanngiitsunut "Siusissumi iliuuseqartarneq" ilanngullugu. Aammattaaq illoqarfimmi qimarnguiit tassaniitinneqarput.

Meeqqanut Ilaqutariinnullu Sullissivimmi ilaqutariinni ajornartorsiutit sorpassuit pillugit suliaqartarpugut; assersuutigalugu avinnerit imaluunniit sumiginnaanerit assigiinngitsorpassuit ilaatigut meeqqanik aamma/imaluunniit angajoqqaanik kingunerlutsitsisimasunik nassataqartunik.

Sulinitsinni ilaqutariit ajornartorsiutimik namminneq pitsaasunik aaqqiissuteqarfiginissaannut ikkiuuttarpugut. Tassa imaappoq, naalagaaniartutut pissusilersunngilagut, taamaallaat ilaqutariit sukkut kukkunersut qanorlu iliussanersut paasitittarpavut. Ilaqutariit qanoq iliussanerlutik namminneq paasissagaat ikiorusunneruavut. Tassa imaappoq, ilaqutariinnik katsorsaanertalimmik oqaloqateqarnitsinni suliap ingerlanera ukkatarinerullugu imarisaa pivallaarnagu qanoq imminnut oqaloqatigiissanersut ukkatarivavut, matumanilu suna oqaloqatigiissutigineraat pivallaarnagu. Soorunami sulianut tunngatillugu ilisimasavut ilannguttarpavut taavalu pisariaqartillugu sulianut tunngatillugu oqartussaassuserput atortarlugu. Uagut suleriuserput ilaasa misigisaqarnermut attuumassuteqartuusumik taasarpaat, uagulli qanoq taasarneripput pingaartippallaanngilarput. Aammattaaq Kari Killénsip tamakkiisumik periuseqarnera isumassarsiorfigisarparput ilaatigut ilaqutariit inissisimanerannut sapinngisamik isumaqarluartumik kinguneqartussamik oqartussaqarfiit amerlanerpaat peqataatinniarneqartarlutik. Taamatut sulinermi paaseqatigiiffiusinnaasoq ujartortuarparput suleqatigiinnermilu suliat akimorlugit sulinerni tamani paaseqatigiinnissaq ilanngullugu. Meeqqanik ilaqutariinnillu ataqatigiinnermut paasinnittaaseqarneq sorlaqarfigaarput, tamannalu ataatsimut paaseqatigiinnissatsinnut annertuumik iluaqutaasarpoq.    

Piaartumik isumaqatigiissuteqarnikkulluunniit atorfik inuttalerneqassaaq.

Meeqqanut Ilaqutariinnullu Sullissivik ataqatigiissarinermut aaqqissuussamik tunngaveqarluni sullissisarpoq, tassa ilaqutariit tamaasa ilaatillugit, aamma nukissaqarfii eqqarsaatigalugit, periarfissaallu ilaqutariinni ilaqutariillu avataanniittut eqqarsaatigalugit.

Akisussaaffeqarfiit:

  • Oqaloqatigiinnermut katsorsaanermullu tunngasoq ilaqutariinnut sammitinneqartoq Nuummi Meeqqanut Ilaqutariinnullu Sullissivimmut innersuussutigineqartarpoq
  • Katsorsaanermi suliassaqarfik eqqarsaatigalugu katsorsartittut ataqatigiissarneqarnissaat ineriartorteqqinneqarnissaallu. Tarnip pissusiinik ilisimasalik siuttuusoq katsorsaasoqatigiinni, tassa tarnip pissusiinik ilisimasalinnik, isumaginninnermi siunnersortinik ilaqutariinnillu aqqutissiuisunik inuttalimmi akisussaasuutinneqarpoq
  • Sullitat innersuunneqarsimasut pillugit ullormut katsorsaanermut suliaqarneq suleqatinillu siunersiueqatigiinneq
  • Ilaqutariinnik qulaajaanermi taavalu Meeqqanut Ilaqutariinnullu Sullissivimmut innersuussinermi peqataaneq
  • Ilinniagaqarnikkut, siunersiueqateqarnikkut imaajaanikkullu Nuummi Meeqqanut Ilaqutariinnullu Sullissivimmi sulisunik ikorfartuineq siuarsaanerlu, kingornalu sulisut ilaqutariinnut sullissivimmut attuumassuteqartut ilanngunneqarsinnaallutik
  • Suliassaqarfimmi assigiinngitsunik sulialinnut suleqataaneq, ataatsimoortumik samminnilluni ilaqutariinnik katsorsaanerni katsorsaanernik immikkut pingaartitsilluni
  • Qimarnguimmi sulisunik taavalu najugaqartunik tarnip pissusiinik ilisimasalimmik ikiorserneqartartunik ikorfartuineq
  • Katsorsaasartut assigiinngitsunik suliallit suliaasa ataqatigiissarneqarnissaat qulakkeerneqassasoq
  • Innuttaasunik siumoortumik tulleriiaarneqarsimasunik katsorsaanernik suliat inunnik ataasiakkaanik oqaloqatigiinnertut, aappariinnik oqaloqatigiinnertut, ilaqutariinnik oqaloqateqarnertut aamma ataatsimoortunik oqaloqatigiittarnertut ittunik suliaqarnerit
  • Suliffiup iluani avataanilu suleqatinut attaveqarnerit pilersittarnerisalu piorsarneqarneri
  • Immikkoortortaqarfiup Ingerlatsiviullu maannakkut siunissamilu allanngortinneqarnissaa peqataaffigalugu
  • Meeqqanut ilaqutariinnullu susassaqarfiup tamarmiusup iluani sulinerup pitsaassusaata qulakkeerneqarnissaa peqataaffigalugu
  • Nammineq suliassaqarfigisap iluani suliffimmik misiliisunut ilinniartitsisuuneq/ilitsersuisuuneq

Kinaana aamma sunaana taava ujartoripput:

  • Tassaasinnaavutit Tarnip pissusiinik ilisimasalik imaluunniit Ilaqutariinnik katsorsaasartoq
  • Namminersorluni sulisinnaasoq taavalu allanik qanimut suleqateqarsinnaasoq sulianik aaqqissuussillaqqissoq, ataqatigiissaarillaqqissoq, pilersaarusiullaqqissoq malinnaallaqqissorlu
  • Inunnut pitsaasumik isiginnittaaseqarputit, suut atorsinnaasut qitiutinnissaannut piumassuseqarputit
  • Nukissaqarluartuuvutit, iliuuseqarusussuseqartoq taavalu ilaqutariit allannguinissaannut ikiornissaannut soqutiginnittuullutit
  • Inuusuttunik oqaloqatiginnillaqqipputit aamma inuusuttut ilaasa illit inuunermik ingerlatseriaatsinnit allaanersumik inuuneqarsinnaanerat akuersaarpat
  • Ammasuuvutit suliallu annertuallaalissappata ikiorneqarnissamik noqqaasinnaasoq.
  • Qinnuteqartut marluinnik oqaasillit (kalaallisut/qallunaatut) oqaasillit salliunneqassapput

Neqeroorutigaarput:

  • Suliffik soqutiginartoq unammillernartunik suliassarpassualik
  • Suliffik pitsaasoq suliffimmi avatangiisinik qitiutitsiffiusoq
  • Suleqatit pitsaasut
  • Siunersiuineq
  • Suliatigut inuttullu ineriartornissamut periarfissat pitsaasut
  • Namminersorluni sulineq

Meeqqanik pinerliisimannginnermut aammalu pineqaatissinneqarsimannginnermut uppernarsaat

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Ineqarneq

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl.

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Akissaatinut atorfinitsitaanermullu tunngatillugit atugassarititaasut

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

Piffissami nalinginnaasumik suliffiusussami sapaatip-akunneranut nalunaaquttap-akunnerini 40-ni sulisassaatit.

 

Qinuteqaat tunniunneqassaaq kingusinnerpaamik: 4. Novembari 2019
Atorfininneq: Isumaqatigiissuteqarnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Ellen Magnussen
Telefon: +299 367331
Mobil: +299 497979
Kirsten Brandt Davidsen
Telefon: +299 366105
Mobil: +299 564948
Nittartagaq: http://www.sermersooq.gl
Qinnuteqaat nassiutiguk