Skip to main content
142

Dette jobopslag er udløbet

Nuummi Meeqqanut Ilaqutariinnullu Sullissivik tarnip pissusiinik ilisimasalimmik pissarsiorpoq / Allagarsiussap normua 364/19

Kommuneqarfik Sermersuumi illoqarfiit annersaanni Nuummi Meeqqanut Ilaqutariinnullu Sullissivik, Meeqqanut, Ilaqutariinnullu Ingerlatsiviup ilagaa. Meeqqanut Ilaqutariinnullu Sullissivik (BFC) ataqatigiissarinermut aaqqissuussamik tunngaveqarluni sullissisarpoq, tassa ilaqutariit tamaasa ilaatillugit, aamma nukissaqarfii eqqarsaatigalugit, periarfissaallu ilaqutariinni ilaqutariillu avataanniittut eqqarsaatigalugit. Meeqqat paarinerlunneqannginnissaat pinaveersaartinniarlugu BFC-p siunertatut sulissutigisarpaa.

BFC-mi Tarnip pissusiinik ilisimasalittut katsorsaasutut ilaatinneqassaatit. Katsorsaasoqatigiit tassaapput katsorsaanermi aqutsisoq, tarnip pissusiinik ilisimasallit marluk, inunnik isumaginninnermi siunnersorti ataaseq kiisalu ilaqutariinnut aqqutissiuussisut sisamat taavalu ilaqutariinnut siunnersuisut angalasartut marluk. Nuummi Meeqqanut Ilaqutariinnullu Sullissivimmi sulisassaatit tassa C. P. Holbøllsvej 8-mi  BFC-milu immikkoortortaqarfimmi aqutsisumut imaqarniliortassallutit.

Piaartumik isumaqatigiissuteqarnikkulluunniit atorfik inuttalerneqassaaq.

Akisussaaffeqarfiit.

  • Peqqissarlutik katsorsarneqartartut tulleriiaarinermi sullissassat suliassarissavatit uku, Ilaqutariinnik oqaloqateqarnerit, aappariinnik oqaloqateqarnerit, inersimasut meeqqallu ataasiakkaat ingerlanerinik oqaloqateqartarnerit.
  • Katsorsaasoqatigiit qanillugit suleqatigissavatit, inunnik sullissisut, aamma sullissanut suliaqarnermi suleqatit allat.
  • Suliat arlallit ineriartornerannut  tarnip pissusaanik ilisimasallit susassaqarfigisaminnillu suliaqarnerannut, aamma ilaqutariinnut sullissinerni tamakkiisumik iluarsiinermut qulakkeerinninnissamut peqataassallutit.
  • Suliaqaqatinik oqaloqateqarsinnaaneq, sulisut imaajaaffigineqartarnerat il.il.
  • tarnillu pissusaanut tunngasutigut katsorsaanissamut neqeroorsinnaanermut pitsanngorsaaqataasinnaasutit.

Matuma ataani allassimasut amerlanersaat ilinnit naatsorsuutigaavut:

  • Tarnip pissusiinik ilisimasalittut ilinniarsimasuusutit, akuersissuteqarlutillu, piumasaqaataanngilarli.
  • Meeqqanut, inuusuttunut aamma ilaqutariinnut katsorsaanermik misilittagaqarlutillu soqutigisaqarnissat.
  • Suliat arlallit suleqatigiissutigisinnaaneri misilittagaqarfigissagitit
  • Inunnut pitsaasumik isiginnittaaseqarputit, suut atorsinnaasut qitiutinnissaannut piumassuseqarputit
  • Inunnik amerlasuunik oqaloqateqarnissamut piumassuseqarputit piginnaaneqarlutillu, sumiiffigisaanni naapillugit aamma allannguiniarneranni ikiorlugit
  • Ammasuuvutit inussiarnersuullutillu.
  • Suliffeqarfimmi ineriartorfiujuartumi sulinissamut soqutiginnittutit.
  • Marluinnik oqaasillit (kalaallit danskisullu) ornigineqarnerupput.

Neqeroorutigisinnaavagut:

  • Suliffik soqutiginartoq unammillernartunik suliassarpassualik.
  • Suliffik sulisut atugarissaarfigisaat
  • Suleqatit pitsaasut
  • Siunersiuineq.
  • Suliatigut inuttullu ineriartornissamut periarfissat pitsaasut.
  • Namminersorluni sulineq

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Piffissaq suliffiusartussaq tassaavoq sap.ak. akunnerit 40-t.

Atorfinititsineq qaammatini pingasuni misiliutitaqassaaq.

BOLIG
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat:
Qinnuteqaatip ilisarnaataata Allagarsiussap nomua 364/19, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 25. Juli 2019
Atorfininneq: Isumaqatigiinnikkulluunniit
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Kirsten Brandt Davidsen
Telefon: +299 366105
Mobil: +299 564948
Nittartagaq: http://www.sermersooq.gl
Qinnuteqaat nassiutiguk