Skip to main content
89

Dette jobopslag er udløbet

Nuummi Meeqqanut Ilaqutariinnullu Sullissivik ilaqutariinnut siunnersortinik pissarsiorput / Atorfiit initaqarput / Atorfiup normua 655/19

Ilaqutariinnik qajannartumik inissisimasunik isumaginninnikkut sullissinissaq soqutigilluinnarpiuk? Aammalu sulinermi atassuteqarneq tunngavigalugu nersuerpalaartumik perorsaariaaseqarluni sullissinissap pingaassusaa ilisimalluarpiuk? Aalajangersimasumik periaaseqarlutit aaqqissuulluakkamillu periuseqarlutit nakkutiginnillutit misissuisinnaavit allaaserinnissinnaallutillu kiisalu inunnik sullissinermi sullitat suut pisariaqartinneraat paasisimasaqarfigaagit?

Apeqqutit taakku angersinnaagukkit taava immaqa illit ilaqutariinnut siunnersortitut atorfissaqarpatsigit!

Nuummi Meeqqanik Ilaqutariinnillu Sullissivimmi ilaqutariinnut siunnersortitut suliffitsinnut patajaatsumut ingerlalluartumullu ilanngutissaatit, tassani sulisut atugaat suliatigullu ineriartortinneqarnerat pingaartinneqartorujussuupput. Siunnersortillu ilaqutariinnut qajannartunut ilaqutariinnik katsorsaanernik aamma isumaginninnermi perorsaanikkut suliniutinik ulluinnarni sulinermi isumaginnittuussapput.

Atorfiit:

Ivaamut ilaqutariinnut siunnersorti, siusissukkut suliniutit

Ivaamut ilaqutariinnut siunnersortimik pissarsiorpugut, taanna siusissukkut suliniutit ataanni neqeroorutaavoq inuusuttunut, ilaqutariinnut naartusunullu angajoqqaatut piginnaasaqalernissamik piareersarnissamik pisariaqartitsisunut saaffiginnittuusoq. Siusissukkut Suliniutit nuna tamakkerlugu suliniutit ilagaat peqqinnissaqarfiup aamma kommunip suleqatigiinnerannik tunngaveqartoq. Ivaami ilaqutariinnut siunnersortitut katsorsaanernut aqutsisoq suleqatillu peqatigalugit sunniuteqarnissamut periarfissaqassaatit.

Meeqqanut Ilaqutariinnullu Kiffartuussivimmut ilaqutariinnut siunnersortinik

Ilaqutariinut siunnersortimik pissarsiorpugut uunga Nuummi Meeqqanut Ilaqutariinnullu Sullissivik ilaqutariinnik katsorsaanermut aamma isumaginninnermi perorsaanikkut suliniutinik akisussaasuupput. Kommuneqarfik Sermersuumi suliassatta pingaarnersaat tassaavoq atugarliornermik pitsaaliuissalluta. Ilaqutariit tamarmik peqataatinnerisigut suliarput ataqatigiisittarparput isumalluutit aallaavigalugit kiisalu ilaqutariinnut kommunimeersunik avataaneersunillu periarfissaqartitsineq.

Nuummi Meeqqanut Ilaqutariinnullu Kiffartuussivimmut ilaqutariinnut siunnersuisartut attuumassuteqarput

Kommuneqarfik Sermersuumi suliassatta pingaarnersaat tassaavoq meeqqanik sumiginnaanernik pitsaaliuissalluta. Aaqqissuussamik tunngaviit aallaavigalugit ilaqutariinnik tamanik akuliutitsilluta sulisarpugut, taakkulu sumiiffiat nukissaallu qitiutillugit sulivugut.

Uagut:

Meeqqanut Ilaqutariinnullu Sullissivik Ilaqutariinnut tarnikkut inuttullu ajornartorsiutilinnut nukittorsaanermik, pinaveersaartitsinermik  tapersersuinermillu siunertaqarlutik ingerlapput.  Meeqqanut Ilaqutariinnullu Sullissivik ilaqutariit tamaasa aallaavigalugit aaqqissuulluakkamik toqqammaveqarluni sullissisarpoq, isumaqarpoq, ilaqutariinnut attuumassutillit tamarmik ilaatinneqassasut, aammalu ilaqutariit ataasiakkaat nukittuffii periaasiilu qitiutillugit sulisarluta.

Ivaaq Ilaqutariinnut naartusunut meeraaraatilinnut piginnaasaqalernissamik tapersersorneqarnissamillu pisariaqartitsisunut saaffiginnittuuvoq. Ilaqutariit tassani meeqqat atugaat ineriartornerallu qitiutilluit periarfissaqarput. Aammattaaq sulinitsinni qitiutipparput angajoqqaat meeqqaminnut attaveqarniarnerat nukittorsarlugu sulissutigisarlutigu, aammattaaq ullunik toqqissisimasunik ilusilersorluakkamillu pilersitsinissamik tapersiisarluta.

Ilaqutariinnut siunnersortitut katsorsaanermut aqutsisoq suleqatillu peqatigalugit ilaqutariinnut ineriartortitsinissamut sulissaatit.

Atorfik pillugu:

Suliassat ilaatigut makkuupput:

  • Ullut tamakkiallugit ilaqutariit imminnut atassuteqarnerat pissusilersornerallu nakkutigalugit alaatsinaanneq takusanillu paasiniaaqqissaarneq
  • Katsorsaanissamut pilersaarut tunngavigalugu perorsaanermik isumassuinermillu suliaqarneq
  • Isumassuinerit, attaveqaqatigiinnerit, inissisimaffiit pissutsillu allat tamakkununnga assingusut meeqqap ilaqutariillu atugaannut sunniuteqartut
  • Perorsaaneq isumassuinerlu tunngavigalgut katsorsaanissamik ikorfartuineq
  • Pisariaqartitsineq malillugu meeqqamik ikorfartuineq, soorlu meeqqerivimmi
  • Iluaqusersuutit, soorlu pinnguaatit iluaqutigalugit, ilaqutariit imminnut pitsaasumik atassuteqarnissaannut ikorfartuineq
  • Akuersaartumik isiginnittaaseqarluni angajoqqaat perorsaanerannik ikorfartuineq
  • Ilaqutariinnik ataasiakkaanik ilagisanillu sullissinermi susassaqarfiit akimorlugit suleqataaneq
  • Ilaqutariit nammineq anguniakkatut toqqarsimasaat aallaavigalugit ilaqutariit sungiusarnerannut ikiuussinnaanissaq
  • Meeqqanut qatanngutinullu attaveqalersitsineq
  • Ulluinnarni ilaqutariinnut attaveqaataaneq
  • Katsorsaasoqatigiinnut tunniussisarnerit suleqataanerillu aamma katsorsaanissamik neqeroorummik ineriartortitsinermut timitaliilluni suleqataaneq
  • Meeqqat eqimattami ataatsimoortarnerannut pilersaarusioqataaneq peqataanerlu
  • Inersimasut eqimattami ataatsimoortarnerannut pilersaarusioqataaneq peqataanerlu
  • Katsorsaaneq malillugu sammisassaqartitsinissamut pilersaarusioqataaneq peqataanerlu

Kikkut ujartorivut:

  • Perorsaasutut, peqqinnissaqarfimmi assistentitut, isumaginninnermi ikiortitut allatulluunniit isumaginninnermi suliaqarnissamut perorsaasutulluunniit ilinniagaqartuuvusi
  • Småbørnskonsulent-tut ilinniaqqissimaneq, piumasaqaataanngilarli
  • Perorsaasutut aamma / imaluunniit isumaginninnermi suliaqartarnermit attuumassuteqartunik misilittagaqarpusi
  • Namminersorlutit sulisinnaassaatit
  • Ilusilersuillaqqissoq, ataqatigiissaarillaqqissoq, pilersaarusiullaqqissoq suliassanillu malinnaatitsillaqqillutit
  • Inunnik allanik misigeqatiginnissinnaasutit paasinnissinnaassuseqartutillu
  • Suleqatiginnissinnaassuseqartutit naammagittassuseqarlutillu
  • Inunnik pitsaasumik isiginnittariaaseqartutit aamma nukissanik qitiutitsinissamut piumassuseqarputit qitiutitsisinnaassuseqarlutillu
  • Inuit imminnut paasinissaannut kaammattuisinnaavutit ikiuussinnaallutillu
  • Ammasuuvutit inuillu assigiinngissutaannik akuersisinnaallutit
  • Unneqqarissuuvutit namminerlu sapiisersinnaassuseqarlutit
  • Aaqqissuussaanermi ineriartortuartumi sulerusussuseqarputit
  • Sulininni ineriartortuarnissannut piareersimavutit
  • Ilaqutariittut sakkortuunik nalaataqarsimanerup kingunerisartagaannik meeqqallu ineriartornerinut aammalu atassuteqarnermut ilisimasaqarneq taamatuttaaq suliassaqarfimmut tamatumunnga ilisimasaqarputit kiisalu tassunga suliamut soqutiginnillutit

Piumasaqaatigut sakkortupput, suliffeqarfillu atuuffissaminut atorluassappat, eqaatsumik suleriaaseqarlutillu suliarnut atatillugu pisartut assiginngitsorpassuit aallaavigalugit naleqqussarsinnaanissat pisariaqarpoq. Aamma tamanna suliffeqarfiup iluani, katsorsaanermullu tunngatillugu atuuppoq.

Neqeroorutigisinnaasavut:

  • Suliffik soqutiginartoq unammillernartunik suliassartarpassualik
  • Suleqatit pitsaasut suliffimmilu suliffiup avatangiisai qitiutitsiffiusut
  • Suliatigut inuttullu ineriartornissamut periarfissat pitsaasut
  • Suleqatissannit ilinniartinneqassaatit
  • Namminersorluni sulineq

Meeqqanik pinerliisimannginnermut aammalu pineqaatissinneqarsimannginnermut uppernarsaat

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Ineqarneq

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Akissarsiat atorfinitsitaanermilu atugassarititaasut
Akissarsiaqarnermut atorfinitsitaanermullu atugassarititaasut Namminersorlutik Oqartussat, AK-llu isumaqatigiissutaat atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

Unnuarsiornerit akunnerillu naanerini pigaartuunerit naatsorsuutigineqassapput.

Piffissami nalinginnaasumik suliffiusussami sapaatip-akunneranut nalunaaquttap-akunnerini 40-ni sulisassaatit.

 

Qinuteqaat tunniunneqassaaq kingusinnerpaamik: 8. novembari 2019
Atorfininneq: 1. decembari 2019 isumaqatigiissuteqarnikkulluunniit
Akunnerit suliffiit: Ulloq naallugu
Suliffik: Nuummi
Paasissutissat allat uani piniarneqarsinnaapput: Fung. afdelingsleder Annette Broberg
Telefon: +299 366123
Kirsten Brandt Davidsen
Telefon: +299 366105
Mobil: +299 564948
Nittartagaq: http://www.sermersooq.gl
Qinnuteqaat nassiutiguk