Skip to main content
75

Dette jobopslag er udløbet

Nuummi Meeqqanut Atuarfeqarnermullu Ingerlatsivimmi Fuldmægtig-imik pissarsiorpoq / Atorfiup normua 266/20

Meeqqanut Atuarfeqarnermullu Ingerlatsivik Fuldmægtig-imik pikkorissumik kajumissuseqarluartumillu ulloq  juulip aallaqqaataani 2020-mi kingunitsianngualuunniit piaartumik atorfinittussamik pissarsiorpoq. Atorfik Stabip ataani inissisimavoq, qaninnertullu pisortarisaq tassaalluni stabschefi.

Meeqqanut Atuarfeqarnermullu Ingerlatsivimmi immikkoortortat Atuarfeqarnermut Immikkoortortaq, Meeqqeriveqarnermut Immikkoortortaq, Meeqqat inuusuttullu pillugit siunnersuisarfik (Misi) kiisalu Stabi. Stabimi akisussaafigineqartut aningaasaqarneq missingersuutillu, politikkikkut oqaluuserisassanik saqqummiussassanik suliaqarneq, suliniutinik ataqatigiissaarineq, pisariaqartinneqartunut tunngasunik misissueqqissaarneq il.il. Immikkoortortaqarfiup illup avataani suleqatigisanut sullissineq isumagisarpaa kiisalu immikkoortortanut illup iluani tamanut Meeqqanut Atuarfeqarnermullu Ingerlatsivimmut allaffissornikkut missingersuinermullu tunngasunik ikorfartuineq.

Ingerlatsivimmi atuarfeqarnermut meeqqeriveqarnermullu immikkoortortaqarfiit aaqqissuuteqqinneqaqqammerput, stabimi aaqqissuusseqqinneq maanna ingerlanneqaleruttorpoq, politikkikkut oqaluuserisassanik saqqummiussanik suliaqarnermut, suliniutinut, aningaasaqarnermut missingersuusiornermullu tunngasut tamarmik qitiusumut tassa stabip ataanut inissinneqarput.

Immikkoortortami sulisut stabschefi ilanngullugu tallimaassapput.

Paasissutissat amerlanerusut uani pissarsiarisinnaavatit:https://sermersooq.gl/kl/ingerlatsiviit/Meeqqanut-Atuarfeqarnermullu-Ingerlatsivik

Atorfiup imarisaa:

Fuldmægtigimik - misilittagaqarluarsinnaasumik - allaffissornermik aningaasaqarnermullu tunngasunik suliassaqarfimmi allaffimmioqatigiinni sulinermik aamma suliassanik arlalinnik uku ataanni suliaqartussamik pissarsiorpugut: Missingersuutinik nakkutilliinermik malinnaaffigiinninnermillu immaqalu annikinnerusumik aningaasaqarnermut tunngasunik misilittagaqarpit, taamaappat illiusimassaaq ingerlatsivimmi atorfinitsikkusunneqartoq.

Fuldmægtigi missingersuutinut aningaasaqarnermullu tunngasunik assigiinngitsunik suliaqassaaq, ingerlatsiviup immikkoortuisa akornanni aningaasaqarnermut tunngasunik suleqatigiinneq ilanngullugu.

Fuldmægtigi alla aamma stabschefi qanimut suleqatigalugit namminersortorujussuarmik sulissaatit, taamaattumillu suleqatikkumiinartuunissat pingaaruteqartinneqarpoq.

Pingaarnertut suliassatit ukuussapput:

  • Missingersuutinik nakkutilliineq malinnaaffiginninnerlu
  • Akiligassanik naatsorsuutinut allattuineq malinnaaffiginninnerlu
  • Naatsorsuutit pillugit oqaaseqaatinut tunngasunik immikkoortunik nassuiaatinik malinnaatitsisarneq
  • Atuarfimmi IPadeqartitsinermik suliniummut ukiumoortumik naatsorsuusiorneq
  • Kivitsisamiit utertitassanik noqqaassuteqartarneq
  • Aningaasaqarnermut tunngasunik suleriutsinik najoqqutassanillu malinnaatitsineq
  • Suliassat pisariaqartitsineq naapertorlugu suliarinissaat

Qinnuteqartunut naatsorsuutigisat:

  • Allaffissornermut/aningaasaqarnermut tunngasumik ilinniagaqarsimanissaq
  • Qarasaasiamik atuisinnaanermik sullitanillu sullissisinnaanermik ilisimasaqarluarneq.
  • Aningaasaqarnermut tunngasunik misilittagaqarsimanissaq naatsorsuutigaarput, aammali ilinniartitsisoqarsinnaalluni
  • Aningaasaqarnermut tunngasunik suliaqarnermi atortup AXAPTA-p ilisimaarinissaa iluaqutaassaaq

Pingaartipparput:

  • Aalajaatsuunissat, pitsaassutsimik ilisimasaqarluartuunissat ataasiakkaanullu maluginiaasinnaanissat
  • Ataatsimut takunnissinnaaneq attatiinnarlugu arlalinnik suliaqarsinnaanissat
  • Nammineerluni sulisinnaasoq, akisussaassuseqartoq sullissiumatoorlu
  • Sulianut atatillugu sungiussilluarsimasoq ataavartumillu suliat agguataarneqartarnerannik nalimmassaalluarsinnaasoq.
  • Ulloq ulapaarfiugaluarpalluunniit ukkatarinnilluarsinnaasoq ataqatigiissitsilluarsinnaasorlu.
  • Tatitooq pilersitsiniallaqqissoq inissaqartitsiuartoq piumassuseqarluartorlu
  • Sulianik naammassinninniarluni ingerlatsinermut ineriartortitseqataalluni pitsanngorsaaqataalluni peqataalluartartoq
  • Arlalissuarnik suleqateqallaqqissuunissat

Neqeroorutigaavut:

Suliffik pissanganartoq unammillernartunillu suliassartalik, imarisassaanik nammineq sunniuteqarfigisinnaasaq, suliffeqarfimmilu angisuumi ineriartortinneqartuartumi allanngorartuartumillu annertuumik akisussaassuseqarfiusoq. Pingaartilluinnarparput patajaatsumik suliassanut suliffimmullu pulatikkiartuaarneqarnissaq, pimoorulluinnarparputtaaq suleqatigiinnermi silaannaap pitsaasup aqutsisut peqatigilluinnarlugit attattuarnissaa kiisalu pilersitsisinnaaneq nutaaliorsinnaanerlu inissaqartittuarlugit.

Meeqqanik pinerliisimannginnermut uppernarsaat:

Atorfik taanna meeqqanik pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune meeqqanik pinerliisimannginnermut uppernarsaammik aatsaat pissarsereerpat atorfinitsitsineq aallartinneqarsinnaavoq. Taamaattumik malugeqqussavarput kommune Rigspolitiinit meeqqanik pinerliisimannginnermut uppernarsaammik aatsaat pissarsereerpat piffissaq atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussat, SIK-llu isumaqatigiissutaat atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

Ineqartitsineq:

Atorfimmut atatillugu inissiamik innersuussisoqarsinnaanngilaq.

Qinnuteqaat:
Qinnuteqaatip ilisarnaataata Atorfiup normua 266/20, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:                                                             
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 16. juni 2020
Atorfininneq: 1. juli 2020 tamatumalluunniit kingunia isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Louise Markussen
Telefon: +299 367321
Mobil: +299 486218
Nittartagaq: http://www.sermersooq.gl
Qinnuteqaat nassiutiguk