Skip to main content
91

Dette jobopslag er udløbet

Nuummi kommuneqarfiup Allaffiani Viceværtinut aqutsisumik pissarsiorpoq /Atorfiup ilisarnaataa. 309/19

Kommuneqarfik Sermersuumi Nuummi Kommuneqarfiup Allaffiani pilersuinermut atortuinik aamma teknikkimik atortuinik nakkutilliineq ilinnut pilerinartuua?  Viceværtip nalinginnaasumik suliassaanik iluarsartuussinissamut assassullaqqissuuit? Pisariaqartitsineq naapertorlugu pingaarnersiuisinnaavit?

Taamaassimappat illiusinnaavoq, Kommuneqarfik Sermersuumi Nuummi Kommuneqarfiup Allaffiani ingerlatsivinni viceværtinut aqutsisussaq.

Viceværtip suliassaasa pingaarnersarivaa pilersuinermut atortuinik aamma teknikkimik atortunik nakkutilliineq, atortut elektroniskimik aqunneqartut ilanngullugit. Piffissaq ungasinnerusoq isigalugu aserfallatsaaliuinissamik pilersaarusiornermut peqataaneq. Illumi annikitsunik aserfallatsaaliugassaqartillugu sulisussarsiorneq kiisalu aserfallatsaaliuilluni sulianik nakkutilliisuuneq. Atuisunik sullissineq pequttanik nuussuinermi, qullernik ikkussuinermi, assilissanik assigisaannillu nivinngaatiterinermi suliassallu assingusut allat nalinginnaanerusut. Kommuneqarfik Sermersuumi allaffeqarfiup isaariaani kiisalu ajornartoornermi aniffissiat eqqaanni eqqiaanermik aqutaajaanermillu nakkutilliineq.

Naatsorsuutigissavat suliffiup nalinginnaasup avataatigut aggersarneqartarsinnaanerit. 

Sanarfinermut Avatangiisinullu Ingerlatsivimmi sulisut teknikkimut aammalu sanaartugassanut assingusunik qanimut suleqatigisussaavatit.

Kinaavit? 
Assassornermut tunngasumik ilinniagaqartuuvutit, ajunngilaq sanasutut, elektrikeritut imaluunniit ruujorilerisutut Namminersorlutit sulisinnaasutit aamma kalaallisut qallunaatullu attaveqatiginnissinnaasutit

Naatsorsuutigineqarpoq:

  • Taamaangajattumik atorfeqarsimanikkut misilittagaqartutit
  • teknikkimut atortorissaarutinik assigiinngitsunik passusisinnaasutit
  • qarasaasiamik nalinginnaasumik atuisinnaasutit
  • biilersinnaanermut allagartaqartutit
  • Kalaallisut qallunaatullu attaveqarnissamut piumassuseqarlutillu piumasut
  • Naleqquttumik misilittagaqartutit imaluunniit teknikkimut tungasumik ilinniagaqartutit
  • Sullisserusussuseqartutit, tamatigoortoq, aalajaatsoq aammalu suleqatikkuminartuusutit
  • Suliffiup avataatigut aggersarneqarsinnaanerit piareersimaffigigit.

Neqeroorutigineqarput:

  • Akunnerit suliffiusut nikerartut
  • Suliatigut ingerlaavartumik ineriartornissamut periarfissaqarneq
  • Suleqatit nuannaartut piumassusillillu.
  • Ullut suliffiit assigiinngiiaartut tamatigoortullu

Atorfik sapaatip akunneranut nalunaaquttap akunnerini 40-ni suliffiuvoq.

Atorfik pillugu apeqqutissaqaruit Immikkoortumi aqutsisup Kim Rosing attaviginissaanut tikilluaqquneqarputit, oqarasuaat 36 72 52 imaluunniiit mail kimr@sermersooq.gl attavigisinnaavat.

Pineqaatissinneqarsimannginnermut uppernarsaat: 
Atorfik taanna pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommune Politiinit pineqaatissinneqarsimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, SIK imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

Inissiaq:
Atorfimmut atatillugu inissiamik innersuussisoqarsinnaanngilaq.

Qinnuteqaat:
Qinnuteqaatip ilisarnaataata Job nr. 309/19, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:                    
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 28. Maj 2019
Atorfininneq: Isumaqatigiissuteqarnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Kim Rosing
Telefon: +299 36 72 52
Nittartagaq: http://www.sermersooq.gl
Qinnuteqaat nassiutiguk