Skip to main content
146

Dette jobopslag er udløbet

Nuummi inuusuttunut sullissivimmi katsorsaanermi aqutsisumik pissarsiorput / Atorfiup nr. 303/21

Inuusuttunut katsorsaanermik neqeroorutip nutaamik ilusilersuiffigeqataanissaanut suleqataarusuppit? Kommuneqarfik Sermersooq tarnip pissusaanik immikkut ilisimasalimmik katsorsaanermik aqutsisumik inuusuttunut sullissivimmut sulisussarsiorpoq.

Katsorsaanermi aqutsisup Inuusuttunut sullissivimmi immikkoortortat pingasut ineriartortitassarai aqutsisuuffigalugillu:

  • Meeqqat inuusuttunillu katsorsaavimmi meeqqanik tallimanik katsorsaaneq, nalaataqarnerlussimasut aamma/imaluunniit sumiginnagaasimasut ulluunerani katsorsartinnissaat sulisutsinnut tarnip pissusaanik ilisimasalimmut imaluunniit aanngajaarniutinut katsorsaasumut.  
  • Ingerlatsivik Inuusuttunik siunnersuisut, inuusuttunut 10 - 18 ukiulinnik katsorsagassanik sullissisut. Tassungalu ornittagaq ingerlatsivimmut ilaavoq.
  • Suliniuteqarlutik malitseqartitsisut 18-23 ukiulinnik sullitallit.

Immikkoortortani pingasuni katsorsaasunut aqutsisoq, saniatigut aamma Inuusuttunik sullissivimmi aqutsisumut tullersortaassaaq.

Inuusuttunik Sullissivik Nuummi Meeqqanut Ilaqutariinnullu immikkoortortap ataani inissisimassaaq. Ulluunerani sukisaarsaartarfimmi Saqqarlernut aallaaveqassaatit suliatigullu inissisimallutit.

Katsorsaasutut aqutsisutut Inuusuttunik Sullissiviup immikkoortortaani aqutsisumik qullersaqassaatit.

Nuummi katsorsaasunut aqutsisutut suliffimmut ingerlalluartumut akuliutissaatit, tassanilu sulisut atukkatigut suliatigullu ineriartornissaat pingaartinneqartorujussuupput. Tamanna ilutigalugu katsorsaaviup nutaarluinnaap sunniuteqarfiginissaanut periarfissaqassaatit aammalu meeqqanut ilaqutariinnullu atugarliortunut allannguillutit.

Atorfik inuttassarsiorneqartoq 1. Juli aallarnerfigalugu isumaqatigiissuteqarnikkulluunniit inuttalerneqassaaq.

Akisussaaffeqarfiit:

  • Oqaloqatigiinnernut, katsorsaanernut isumaginninnermilu perorsaanikkut suliniutinut Nuummi inuusuttunut sullissivimmut siumoortumik tulleriiaarneqartunut sullissinerit akisussaaffigissavatit.
  • Inuusuttunik sullissivimmi pisortaq peqatigalugu katsorsaanikkut aamma isumaginninnermi perorsaanikkut suliassaqarfimmi sulisunik suliatigut ineriartortitsinerit qulakkiissavatit.
  • Ulluinnarni katsorsaanernik suliat ataqatigiissaarlugit agguaallugillu aamma ulluinnarni sullitat siumoortumik tulleriaarneqarsimasut pillugit suleqatit allat ikorfartorlugit.
  • Katsorsaavimmi suliat ingerlanneqartut pitsaassusii qulakkeerlugit, tassunga ilanngullugit katsorsaanermut pilersaarutit katsorsakkallu allattorsimaffiinik nutarterinerit.
  • Inuusuttunut sullissivimmi siumoortumik tulleeriiaarneqarsimasunik qulaajaanernut peqataanerit.
  • Immikkoortortami aqutsisoq fagchefilu suleqatigalugit meeqqanik ilaqutariinnillu suliassaqarfimmi suliniutinik nutaajusinnaasunik aqutsinerit.
  • Inuusuttunik sullissivimmi aqtutsisup sulinnginnerani paarlattaasarneq.

Ilinnut tunngasut 
Matuma ataani allassimasut amerlanersaat ilinnit naatsorsuutigaavut:

  • Tarnit pissusaannik immikkut ilisimasalittut ilinniarsimasuuvutit.
  • Meeqqanik inuusuttunillu katsorsaanermik misilittagalik, ajornanngippat Kalaallit Nunaanni. 
  • Inuttut suliatigullu piginnaaneqarluarputit sunniuteqarsinnaassuseqarluarlutillu.
  • Suliassanik aaqqissuussillaqqissuuvutit, ataqatigiissaarillaqqillutit ingerlatitseqqiillaqqissuullutillu.
  • Allattariarsornikkut oqaaseqatigiiliullaqqipputit
  • Inunnut pitsaasumik isiginnittaaseqarputit, suut atorsinnaasut qitiutinnissaannut piumassuseqarputit
  • Sungiussiasuusutit suleqatikkuminarlutillu.
  • Suliffeqarfimmi ineriartortuartumi sulinissamut kajumissuseqarputit.
  • Marluinnik oqaasillit (Kalaallisut Qallunaatullu) ornigineqarnerupput.
  • Suliniutinik aqutsisuusimaneq iluaqutaassaaq.

Neqeroorutigisinnaasavut
Suliffik soqutiginartoq unammillernartunik suliassarpassualik.

  • Suleqatit pitsaasut
  • Ilitsersuineq siunnersuinerlu
  • Suleqatinik isumasiuineq Meeqqanut Ilaqutariinnullu sullissiviit aaqqiissutit allat, assersuutigalugu Meeqqanut Ilaqutariinnullu Sullissivik BFC.
  • Suliatigut inuttullu ineriartornissamut periarfissat pitsaasut.
  • Namminersorluni sulineq

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommuneuppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, AC imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

Inissiaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaatip:
Qinnuteqaatip ilisarnaataata Atorfiup ilisarnaataa 303/21 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 16. juni 2021
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Cecile Jeremiassen
Telefon: +299 366929
Mobil: +299 274112
Nittartagaq: http://www.sermersooq.gl
Qinnuteqaat nassiutiguk