Skip to main content
153

Dette jobopslag er udløbet

Nuummi Inuusuttunut Sullissivimmi katsorsaanermi aqutsisoq

Inuusuttunut katsorsaanermik neqeroorutip nutaamik ilusilersueqataaffiginissaanut suleqataarusuppit? Kommuneqarfik Sermersooq Inuusuttunik Sullissivimmut tarnip pissusaanik ilisimasalimmik katsorsaanermi aqutsisussarsiorpoq.

 

Katsorsaanermi aqutsisup Inuusuttunut sullissivimmi immikkoortortat pingasut ineriartortitassarai aqutsisuuffigalugillu:

  • Inuusuttunut meeqqanullu 6-init ukiulinnit 23-nut ukiulinnut kingunerlutsitsisunut aamma/imaluunniit sumiginnagaasimasunut katsorsaanermut katsorsaanermi immikkoortortaq.
  • Inuusuttunut siunnersuisartut immikkoortortaat inuusuttunut tulleriiaarneqartunut 10 - 17 -inut ukiulinnut ornittagaq uunga immikkoortortamut atavoq.
  • Inissinneqarnerup kingorna isumassorneqarnermut tunngasut inuusuttunut 18-23-nut ukiulinnut.

 

Immikkoortortanut pingasunut katsorsaanermi aqutsisuunerup saniatigut Inuusuttunut Sullissivimmi aqutsisup sulinnginnerani katsorsaanermi aqutsisoq paarlattaassaaq.

 

Inuusuttunut Sullissivimmi Nuummi Meeqqanut Ilaqutariinnullu katsorsaanermi immikkoortortap ataani inissisimassaaq..

 

Katsorsaanermi aqutsisutut Inuusuttunut Sullissiviup immikkoortortaani aqutsisumik qullersaqassaatit.  

 

Nuummi Inuusuttunut sullissivimmi katsorsaanermi aqutsisutut suliffimmi sulisut atukkatigut suliatigullu ineriartornissaat pingaartinneqartorujussuarmi peqataalissaaq. Tamanna ilutigalugu inuusuttunut neqeroorutip sunniuteqarfiginissaanut periarfissaqassaatit aammalu meeqqanut inuusuttunullu atugarliortunut allannguillutit.

Atorfik inuttassarsiorneqartoq 1. novembari 2022 aallarnerfigalugu isumaqatigiissuteqarnikkulluunniit inuttalerneqassaaq.

 

Akisussaaffeqarfiit:

  • Oqaloqatigiinnernut, katsorsaanernut isumaginninnermilu perorsaanikkut suliniutinut Nuummi Inuusuttunut sullissivimmut innersuunneqartunut sullissinerit akisussaaffigissavatit.
  • Inuusuttunut meeqqanullu innersuunneqartunut immikkoortortap ulluunerani neqeroorutaanut ilaatinneqartumi katsorsaaneq.
  • Aqutsisoq suleqatigalugu katsorsaanikkut aamma isumaginninnermi perorsaanikkut suliassaqarfimmi sulisunik suliatigut ineriartortitsinerit qulakkiissavatit.
  • Ulluinnarni katsorsaanernik suliat ataqatigiissaarlugit aamma ulluinnarni sullitassatut innersuussat pillugit suleqatit allat isumasioqatigalugit.
  • Katsorsaavimmi suliat ingerlanneqartut pitsaassusissaat qulakkeerlugu, tassunga ilanngullugit katsorsaanermut pilersaarutit katsorsakkallu allattorsimaffiinik nutarterinerit.
  • Sullissivimmi aqutsisup sulinnginnerani paarlattaasartoq

 

Ilinnut tunngasut

Matuma ataani allassimasut amerlanersaat ilinnit naatsorsuutigaavut:

  • Tarnip pissusaanik ilisimasalittut ilinniagaqarsimanissat.
  • Meeqqanik inuusuttunillu katsorsaanermik siammasissumik ilisimasalik misilittagalillu, ajornanngippat Kalaallit Nunaanni.
  • Inuttut suliatigullu piginnaaneqarluarputit sunniuteqarsinnaassuseqarluarlutillu.
  • Suliassanik aaqqissuussillaqqissuuvutit, ataqatigiissaarillaqqillutit ingerlatitseqqiillaqqissuullutillu
  • Allattariarsornikkut oqaaseqatigiiliullaqqipputit
  • Inunnut pitsaasumik isiginnittaaseqarputit, suut atorsinnaasut qitiutinnissaannut piumassuseqarlutillu piginnaasaqarfigivat
  • Tamatigoortuusutit suleqatikkuminarlutillu.
  • Suliffeqarfimmi ineriartortuartumi sulinissamut kajumissuseqarputit.
  • Marluinnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.

 

Neqeroorutigisinnaasavut

Suliffik pissanganartulik unammillernartunik suliassartarpassualik.

  • Suleqatit pitsaasut
  • Nakkutilliilluni ilitsersuineq
  • Meeqqanut Ilaqutariinnullu immikkoortortap suliniuteqarfiini allani, ass. Meeqqanut Ilaqutariinnullu Sullissivik (BFC)-mi, isumasioqatigalugit
  • Suliatigut inuttullu ineriartornissamut periarfissat pitsaasut, taassuma ataani pikkorissarnerit attuumassuteqartut.

 

Annertunerusumik paasisaqarusukkuit:Annertunerusumik paasisaqarusukkuit pisortaq Cecile Jeremiassen attavigisinnaavat uunga oqarasuaat 36 69 29 oqarasuaat angallattagaq: 27 41 12 imaluunniit e-mail-imut uunga: ceje@sermersooq.gl  

 

Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

 

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

 

Akissaatinut atorfinitsitaanermullu tunngatillugu atugassarititaasut:
Kalaallit Nunaanni Naalakkersuisut kattuffiullu allap isumaqatigiinniarsinnaatitaasup akornanni isumaqatigiissut atuuttoq naapertorlugu, akissarsiaqartitsisoqarlunilu atorfinitsitsisoqassaaq

 

Atorfinititsineq qaammatini pingasuni misiliutitaqassaaq.

 

Inissaq:
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

 

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

 

Qinnuteqaat:
Qinnuteqaat qulequtserlugu Atorfiup ilisarnaataa 502/22-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

MALIGIUK: 
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

”Kommuneqarfik Sermersooq periuseq ”Sermersuaq Ikaarlugu – Siunissaq Ataatsimoorullugu” aallaavigilluinnarlugu suleriuseqarpoq, qularnaarniarlugu suliffeqarfik ingerlalluartoq, aningaasarsiorneq nukittooq innuttaasunut sullissineq pitsaanerusumik akikinnerusumik sunniuteqarluarnerusumillu ingerlasinnaajumallugu. Suliatsinnut atatillugu sinaakkutissat politikkikkut anguniakkanit isumaqatigiissutigineqarsimasunik aallaaveqarput ”Inuk tamarmiusoq ataatsimooqatigiiffimmi pisussaaffiusumi, nammaqatigiiffiusumi nutaaliorfiusumilu”

Qinnuteqarnissamut killissarititaasoq: septembarip 15.-at, 2022

Atorfik una qinnuteqarfigiuk