Innuttaasunik kiffartuussillaqqippit? Innuttaasut tungaanniit isiginnissinnaavit taamaaliornikkullu kiffartuussinermik pitsanngorsaaqataallutit? Immaqa illit tassaavutit suleqatissaq ujartugarput.

 

Akisussaaffiit

Innuttaasunik sullissineq Kommuneqarfik Sermersuumi suliat pingaanersaraat, innuttaasunut tunngatillugu aammali suliffeqarfissuup iluani tamarmi. Suliassaqarfik taanna politikkikkut annertuumik malinnaavigineqarpoq, innuttaasut pitsaasumik eqqortumillu sullinneqarnerat kommunip kiffartuussineratut pingaarnertut isigineqarluni. Akisussaaffeqarfik siamasissorujussuuvoq – nuunnermut nalunaarutit pillugit suliamik ingerlatsinermit arfernik pisassiissutinik tunniussineq ilanngullugu. Sulisumit suliassaqarfippassuit ilisimasaqarfigineqassapput, ulluinnarnilu sulinermi inatsisit maleruagassallu atorlugit suliamik ingerlatsisinnaaneq.

 

Illit:

 

• Allaffissornermik/allaffeqarfimmi sulisimanermik tunuliaqutaqarputit

• Drift-imut/AX-imut ilisimasaqarputit - piumasaqaataanngilarli

• Aaqqissuussillaqqissuuvutit tamakkiisumik isiginnittaaseqartoq suliassallu akornanni pingaarnersiuisinnaallutit

• Inuit imminnut sullissinnaanerannut aaqqissuussanik misilittagaqarputit imaluunniit soqutiginittuuvutit

• Kalaallisut, qallunaatut aamma immaqa tuluttut oqallorissuuvutit allannermullu piginnaaneqarluarlutit

• Ulapiffimmi eqqissisimasuusinnaavutit

• Inoqatitit ajunngitsussarsiorfigaatit inussiarnersuullutillu

• Pinerlussimannginnermut uppernarsaateqassaatit

• Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.

 

Neqeroorutigaavut:

 

• Suliamut tunngasumik ineriartornissamut periarfissat pitsaasut

• Suliassat tamatigoortut

• Immikkoortortaqarfimmi ineriartortitsinermik ukkassineq

• Akisussaaffeqarfigisat iluanni suliassanik namminerisamik naammassinninneq

• Suleqatit pitsaasut soqutiginnittullu

 

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: immikkoortortaqarfimmi pisortaq Lone Rosengreen Pedersen, oqarasuaat +299 367185 imaluunniit e-mail: lrpe@sermersooq.gl

 

Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

 

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.
Atorfinititsineq qaammatini pingasuni misiliutitaqassaaq.

 

Inissaq:
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

 

Qinnuteqaat:

Qinnuteqaat qulequtserlugu Atorfiup ilisarnaataa 853-23-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Malugiuk: 
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

Qinnuteqarnissamut killissarititaasoq: oktobarip 12.-at, 2023

Atorfik una qinnuteqarfigiuk