Skip to main content
84

Dette jobopslag er udløbet

Nuummi Innuttaasunut Sullissivik siunnersortimik pissarsiorpoq / Atorfiup ilisarnaataa 191/21

Nuummi Innuttaasut Sullissivianni piffissaq qaninnermiit, siunnersortimik suleqatissarsiorpugut.

Innuttaasunik kiffartuussillaqqippit? Innuttaasut tungaanniit isiginnissinnaavit taamaaliornikkullu kiffartuussinermik pitsanngorsaaqataallutit? Immaqa illit tassaavutit suleqatissaq ujartugarput.

Akisussaaffiit:
Innuttaasunik sullissineq Kommuneqarfik Sermersuumi suliat pingaanersaraat, innuttaasunut tunngatillugu aammali suliffeqarfissuup iluani tamarmi. Suliassaqarfik taanna politikkikkut annertuumik malinnaavigineqarpoq, innuttaasut pitsaasumik eqqortumillu sullinneqarnerat kommunip kiffartuussineratut pingaarnertut isigineqarluni. Akisussaaffeqarfik siamasissorujussuuvoq – katittussat pillugit suliamik ingerlatsinermit arfernik pisassiissutinik tunniussineq ilanngullugu. Sulisumit suliassaqarfippassuit ilisimasaqarfigineqassapput, ulluinnarnilu sulinermi inatsisit maleruagassallu atorlugit suliamik ingerlatsisinnaaneq.

Illit:

  • Allaffissornermik/allaffeqarfimmi sulisimanermik tunuliaqutaqarputit
  • Inoqatitit ajunngitsussarsiorfigaatit inussiarnersuullutillu
  • Aaqqissuussillaqqissuuvutit tamakkiisumik isiginnittaaseqartoq suliassallu akornanni pingaarnersiuisinnaallutit
  • Inuit imminnut sullissinnaanerannut aaqqissuussanik misilittagaqarputit imaluunniit soqutiginittuuvutit
  • Kalaallisut, qallunaatut aamma immaqa tuluttut oqallorissuuvutit allannermullu piginnaaneqarluarlutit
  • Ulapaarfinnilu eqqissisimallutit sulisinnaallutit

Neqeroorutigaavut:

  • Suliamut tunngasumik ineriartornissamut periarfissat pitsaasut
  • Suliassat tamatigoortut
  • Immikkoortortaqarfimmi ineriartortitsinermik ukkassineq
  • Akisussaaffeqarfigisat iluanni suliassanik namminerisamik naammassinninneq
  • Suleqatit pitsaasut soqutiginnittullu

Innuttaasunik kiffartuussivimmi sulisutut atorfik imaluunniit atorfiup aamma suliat allaaserineqarnerat annermik paasisaqarfiginiaraanni Innuttaasunut Kiffartuussivimmi aqutsisoq Laila Egede Ignatiussen uunga laeg@sermersooq.gl imaluunniit oqa. 36 71 94 saaffigineqassaaq.

Tamanut Kiffartuussivik ingerlatsiviuvoq Nuummi Kommuneqarfiup allaffeqarfiani inissisimasoq, nunap immikkoortuani tamaginnut ingerlatsivittullu agguataakkanik tamaginnik suliassaqarfinnut assigiinngitsunut ingerlatsilluni. Tamanut Kiffartuussiviup iluaniipput Attaveqaqatigiinneq, Kulturi aamma Innuttaasunik Sullissivik. Nuummi Innuttaasunik Sullissivimmi innuttaasunut sullissisut sulisut tallimaassapput kiisalu oqarasuaatinik nuutitsisartut marluk.

Pinerliisimannginnermut uppernarsaat:
Atorfik inuttassarsiuussarput pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommunip Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, AK imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

Inissiaq:
Atorfimmut atatillugu inissiamik atugassiisoqanngilaq.

Qinnuteqaatip:
Qinnuteqaatip ilisarnaataata Atorfiup nr. 191/21 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 15. april 2021
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Afdelingsleder Laila Egede Ignatiussen
Telefon: +299 367000
Nittartagaq: http://www.sermersooq.gl
Qinnuteqaat nassiutiguk