Skip to main content
89

Nuummi Innersuussisarfik Isumaginninnermut Siunnersortimik erninermi taartaasussamik ataatsimik sulisussarsiorput / Atorfiup normua 689/19

Kommuneqarfik Sermersooq Ilaqutariinnut Misissuisartoqatigiinnut Isumaginninnermi Siunnersortimik pikkorissumik tunniusimasumillu pissarsiorpoq, 2.januari 2020-mi imaluunniit isumaqatigiissuteqarnikkut atorfinittussamik.

Atorfik killilimmik piffissaligaavoq sivisunerpaamik juulip qeqqanut 2020-mi. Misissuisartoqatigiit, meeqqanut ilaqutariinnullu inuuniarnermikkut ajornartorsiuteqartunut Oqartussaaffeqarfiup ilagaa. Suliassaqarfimmi isumaginninnermi siunnersortit kommunimi innuttaasunik sullissinermi suliassat akisussaaffigivaat, taamaattumillu meeqqanut ilaqutariinnullu inuuniarnermikkut ajornartorsiuteqartunik sullissilluarnissaminnik periarfissaqarluarlutik.

Oqartussaaffeqarfik 30-nik sulisoqarpoq immikkoortortani marlunni agguataarsimasunik:

1) Innersuussisartoqatigiit, saaffiginnissutinik nutaanik tigooraaneq misissuinernillu suliaqarnernik akisussaaffeqarput

2) Ilaqutariinnut immikkoortortap Oqartussaqarfimmiit ikiorsiissutigineqartartunik sullissinernik akisussaasuupput. Oqartussaaffeqarfimmittaaq suleqatigiinnik malitseqartitsisartunik sulisoqarpoq taakkua suliassaqarfik tamakkerlugu suliassat aalajangersimasut akisussaaffigivaat. 

Atorfiit ulloq naallugu suliffiupput suleqatigiinnullu aqutsisumit aqutsisuuffigineqarlutik Innersuussisarfiullu aqutsisuata ataani inissisimalluni. 

Paasissutissat uatsinnut tunngasut uani nassaarisinnaavatit:https://sermersooq.gl/da/forvaltning/boern-familie

Atorfimmi suliassat:
Oqartussaqarfimmut isumaginninnermut siunnersortissarsiorpugut suliassanik naammassinninnissamut suleqatit pikkorissut ikioqatigalugit, avataanit  suleqatigisat innuttaasullu ikioqatigalugit.  Pitsaasumik sullissinissamut periarfissaqarluarpoq Suliassaqarfiillu assigiinngitsut ingerlaavartumik ineriartorneq qitiutillugu suleqataaffiulluarsinnaasoq. Sulianik malitseqartitsineq suliassani pingaarnerpaavoq.

Ilaatigut suliassatit makkussaapput:

  • Isumaginninnikkut misissuinerit
  • Iliuusissatut pilersaarutit
  • Suleqatigiinni sinaakkutassiat iluini suliassanik suliarinninneq
  • Innuttaasunut allanullu suleqatigisanut attaveqarneq
  • Suliassaqarfiit assigiinngitsut akornanni suleqatigiinneq siunersioqatigiinnerlu
  • Suliassanik takkussortunik suliaqarneq

Oqartussaqarfimmi Ikiorsiisarnermut Immikkoortortaqarfimmilu sulisut allat qanimut suleqatigalugit suliassat naammassineqartassapput. Tamatuma saniatigut ataatsimoorussamik suliniuteqarnerup ingerlatsivinnullu allanut attuumassuteqartunut suleqateqarnerup pitsanngorsarnissaa aammalu nalinginnaasumik avataani suleqatitsinnik suleqateqarnerup nukittorsarnissaa innuttaasunullu sullissinissaq siunertaralugu.

Qinnuteqaateqartunut naatsorsuutigisat:

  • Isumaginninnermi Siunnersortitut ilinniarsimasoq, assingusumilluunniit ilinniarsimasoq
  • Meeqqanut ilaqutariinnullu suliassaqarfimmi misilittagaqarneq iluaqutaassaaq.
  • Inatsisinik attuumassuteqartunik ilisimasaqartuusoq
  • Sullinniakkanut suleqatinullu angusaqarfiulluartussamik pitsaasumillu oqaloqateqarsinnaasoq
  • Ineriartortitsinermut eqqummaarittuunissaq

Tamatuma saniatigut pingaartipparput, illit:

  • Aalajaatsuusutit pitsaassutsimillu paasisimasaqartuusutit
  • Suliamik/suliffimmik nakkutigiuminartitsineq.
  • Ataatsimut takunnissinnaaneq attatiinnarlugu arlalinnik suliaqarsinnaanissat
  • Allattariarsornermi oqaluttariarsornermilu ersarissumik paatsuugassaanngitsumillu attaveqartartuusutit
  • Namminersorluni sulisartoq, akisussaaffimmik ilisimaarinnittoq sullisserusussuseqartorlu
  • Suliassanut aamma suliassanik agguataarinernik ingerlaavartumik iluarsiissuteqarnissamut eqaatsumik allanngueriataarsinnaassuseqartutit
  • Ulluinnarni ulapaarfiusuni pimoorussillutit aaqqissuisinnaassuseqarlutit sulisinnaasutit
  • Suliniuteqarumassutsimik, tatitussutsimik iliuuseqarsinnaassutsimillu takutitsisinnaasoq
  • Suliassatta ingerlanneqarnerini ingerlaavartumik ineriartortitsinermut pitsanngorsaanermullu suleqataassasutit
  • Arlalissuarnik suleqateqallaqqissuunissat
  • Marluinnik oqaaseqartuuneq iluaqutaassaaq, piumasaqaataananili

Neqeroorutigaavut:
Suliffik pissanganartoq unammillernartunillu suliassartalik, imarisassaanik nammineq sunniuteqarfigineqarsinnaasoq, suliffeqarfimmilu angisuumi ineriartortinneqartuartumi allanngorartuartumilu annertuumik akisussaassuseqarfiusoq. Akuttoqatigiissumik imaajartarnissamik neqerooruteqartoqartarpoq, aammalu sulisutut inuttullu ineriartornissamut periarfissaqarluarpoq. Atorfimmut suliffimmullu pitsaasumik aallartisartitsineq pingaartitaraarput aamma pitsaasumik suliffimmi avatangiiseqarnissaq aqutsisunit qanimut siunersiueqateqarfiusumi kiisalu pilersitsisinnaanermut nutaaliorsinnaanermullu inissaqartitsilluta.

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissarsiat atorfinitsitaanermilu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussat aamma AK akornanni isumaqatigiissut atuuttoq, imaluunniit Kalaallit Nunaannilu kattuffiup allap isumaqatigiinniarsinnaatitaasup isumaqatigiissutaat atuuttut malillugit atorfinitsitsisoqassaaq.
Atorfinititsineq qaammatini pingasuni misiliutitaaqqassaaq.

Atorfimmut atatillugu inigisassamik innersuussisoqarsinnaanngilaq.

Qinnuteqaateqarneq:
Qinnuteqaat atorfiup normuanik atorfiup normua 689/19 ilisarnaaserlugu, ilinniagarisimasat aamma siornatigut suliffigisimasat pillugit paasissutissartalik aamma soraarummeernermi uppernarsaatit assilineqarnerannik il.il. ilalik qinnuteqaateqarnissamut killissarititaasup qaangiutinnginnerani Sulisoqarnermut Immikkoortortamit tiguneqareersimassaaq.

Imaaliussaatit:
Qinnuteqaatip elektroniskimik nassiunneqarnissaa orniginartinneqarneruvoq, quppernermi matumani allerpaami innersuussaq toorukku qinnuteqaatit CV-llu kakkiullugit nassiussinnaavatit.

 

Qinuteqaat tunniunneqassaaq kingusinnerpaamik: 9. decembari 2019
Atorfininneq: 2. januari 2020-mi imaluunniit isumaqatigiissuteqarnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Ina Mathiassen
Nittartagaq: http://www.sermersooq.gl
Qinnuteqaat nassiutiguk