Skip to main content
153

Dette jobopslag er udløbet

Nuummi atuartut angerlarsimaffiat perorsaasumik pissarsiorpoq

Nuummi Atuartut Angerlarsimaffiat perorsaasutut ilinniarsimasumik, taakkununngaluunniit assingusunik ilinniagalimmik pissarsiorpoq.

 

Nuummi  Atuartut Angerlarsimaffiani 8. klassiniit 10. klassip tungaanut atuartunut 24-nut inissaqarpoq, atuartut nunaqarfinni qanittumeersunut Ittoqqortoormiullu. Ataatsimik pisortaqarpoq, sulisut aalajangersimasut 7-iupput, igasoq ataaseq ikiortillu 8-it

 

 

Pisinnaasatit:

Naatsorsuutigaarput:

  • Suleqatinut atuartunullu maligassiuisuusutit.
  • Atuartunut suleqatinullu nersualaarinnissinnaasutit.
  • Inunnut attaveqarfigisannut akuersaartuullutillu inissaqartitsisuusutit.
  • Suliamut tunngasut ilisimaqarfigigitit taamatuttaaq ulloq unnuarlu paaqqinnittarfinni sulineq misilittagaqarfigigit.
  • Perorsaanerup tungaatigut atuartut ataasiakkaat isumagineqarnerat pillugu oqaasertaliorsinnaallutillu uppernarsaasinnaasutit.
  • Atuartoq inuusuttorlu pillugu angajoqqaanik, ilaqutaasunik allanik atuarfinnillu suleqateqarnissat pingaartittuupilussuugit.
  • Illup iluani silamilu sammisassaqartitsisoqartillugu siuttuusinnaasutit taamatuttaaq inuusuttut pisariaqartitsigaangamik tusarnaarlugillu inissaqartissinnaagitit.
  • Aqutsisunut suleqatininullu tatiginartuusinnaasutit.
  • Atuartut angerlarsimaffianni perorsaanerup tungaatigut suleqatitit peqataatillugit ineriartortitsilluni suliaqarnermi peqataasassasutit.
  • Suleqatitit tusarnaaluarsinnaagitit namminerlu isummannik annissisinnaasutit.
  • Uku pingaartitarnut ilaassasut: Ataqqinninneq, isumassuineq, suleqatigiinneq tatiginninnerlu.

 

 

Nuannissaaq:

  • Isumassarsiannik saqqummiusserususseqaruit.
  • Marlunnik oqaaseqartuuguit.
  • Pingaartikkitit ukua: Toqqissisimaneq, qanilaarneq, ataqqinninneq, suleqatigiinneq, unammillernartunik suliaqarneq aamma ineriartorneq.
  • Sulisut ilinniarsimanngitsut pikkorissartinnissaannut peqataarusussuseqartutit.
  • Piginnaasannik avitseqatigisinnaagutsigu.
  • Nipilersornerup, erinarsornerup allanilluunniit sammisassaqartitsinerup tungaatigut immikkut ittumik piginnaasaqartutit.
  • Biilinik ingerlatsinissamut allagaqartaqarnissat, tamannali piumasaqaataanngilaq.

 

 

Uaguttaaq neqeroorutigaarput:

  • Aqutsisoq angerlarsimaffimmik atuartunillu pingaartitsisoq, sulisunut angajoqqaanullu uumaarissumik ineriartorfiusumik pissutsinik pitsaasunik atugassaqartitserusuttoq.
  • Sulisut Kommuneqarfik Sermersuumi atorfeqarnerminnik arajutsisimasaqanngitsut, matumani perorsaanerup tungaatigut ineriartortitsinissamik akisussaaffillit, ulloq unnuarlu atuartunut tamanut tapersersuinissamut tunniusimasut tamatumunngalu atatillugu meeqqap pilersusisuinik suleqateqarluartut .
  • Init najoruminartut angerlarsimaffippalaartullu .
  • Uummaarissuunneq, piumassuseqqortuneq nuannersumillu eqqarsarneq.
  • Pikkorissartitsinerit, paasissutissiineq allarpassuillu.
  • Sapaatit akunnerini nikerartumik suliffik, ullaakkoorneq, ualikkoorneq aamma unnuarsiorneq.

 

Annertunerusumik paasisaqarusukkuit:
Annertunerusumik paasisaqarusukkuit pisortaq Karl Ole Petrussen attavigisinnaavat uunga oqarasuaat 366965 imaluunniit e-mail-imut uunga:kope@sermersooq.gl

 

 

Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

 

 

Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Naalakkersuisut aamma Nunatsinni Perorsaasut Kattuffiata (NPK-p) akornanni isumaqatigiissut atuuttoq imaluunniit Kalaallit Nunaanni kattuffiup allap isumaqatiginninniarsinnaatitaasup isumaqatigiissutaa atuuttoq naapertorlugu atorfinitsitsisoqassaaq.

 

Atorfinititsineq qaammatini pingasuni misiliutitaqassaaq.

 

 

Inissaq:
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

 

 

Qinnuteqaat:
Qinnuteqaat qulequtserlugu Atorfiup ilisarnaataa 513/22-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

 

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

 

MALIGIUK: 
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: aggustip 10.-at, 2022

Atorfik una qinnuteqarfigiuk