Skip to main content
142

Dette jobopslag er udløbet

Nuummi arnanut Qimarnguimmut tarnit pissusaannik ilisimasalik, katsorsaasunik aqutsisoq, suliffiup normua 183/19

Kommuneqarfik Sermersooq Meeqqanut, Ilaqutariinnut Ingerlatsivik suleqatissarsiorpoq Katsorsaasunik aqutsisoq/tarnit pissusaannik immikkut ilisimasalik Nuummi Arnanut Qimarnguimmi pissarsiorpoq.
Arnanut meerartalinnut persuttagaanikkut atugarliortunut najugaqarfiutigalugu katsorsaanermik neqeroorutissap nutaamik ilusilersuiffigeqataanissaanut piumassuseqarpit?
Kommuneqarfik Sermersooq tarnit pissusaannik immikkut ilisimasalimmik, ilaqutariinnik katsorsaasumik imaluunniit assigisaanik ilinniagalik Kuserneq-mi najugaqarfiutigalugu katsorsaavimmi pissarsiorpoq.

 Kommuneqarfik Sermersuumi Meeqqanut, Ilaqutariinnut Ingerlatsivik Nuummi Qimarnguik-mi katsorsaasut aqutsisussaannik pissarsiorpoq. Katsorsaasut aqutsisuata Arnat meerartallit persuttagaanikkut
atugarliortut katsorsarneqarnerat aamma isumagisinnaasariaqarpaa. Katsorsaasunik aqutsisoq

Nuummi Meeqqanut Ilaqutariinnullu Sullissivimmut Meeqqanut Ilaqutariinnullu immikkoortortap ataani pitsaaliuinermut inissinneqassaaq.
Najugaqarfiutigalugu katsorsaavimmi Qimarnguik aallaaveqassaatit suliatigullu inissisimassaatit. Tassani, katsorsaasunut aqutsisoq kisiat pinnagu, ilaqutariinnut siunnersortit attuumassuteqassapput, tamakkulu suliatigut aqutsisuuffigalugillu ataqatigiissaarisuuffigissavatit.
Katsorsaasunut aqutsisutut Meeqqanut Ilaqutariinnullu Sullissiviup (BFC) immikkoortortaani aqutsisumik qullersaqassaatit. BFC-mi aqutsisoqatigiinnut ilanngutissaatit, taakku, immikkoortortami aqutsisoq illillu saniatigut, katsorsaasunut aqutsisut allat pingasuupput.
Nuummi Meeqqanut Ilaqutariinnullu Sullissivik ilaqutariinnik tarnikkut isumaginninnikkullu ajornartorsiuteqartunut ilaqutariinnik katsorsaanermik isumaginninnermilu perorsaanermut tunngatillugu
iliuusissanut akisussaasuuvoq. Kommuneqarfik Sermersuumi meeqqat sumiginnarneqartarnerisa pinaveersaartinnissaat suliassatta
pingaarnerpaartaraa.

Ilaqutariit tamakkiisumik peqataatillugit, nukissaqarneri aallaavigalugit ilaqutariillu iluanni avataanilu periarfissaat tunngavigalugit ataqatigiissaaraluta sulisarpugut.
Kuserneq immikkut ittumik sakkortuumik katsorsaaviussaaq, tassanilu ilaqutariit aalajangersimasunik amerlassusillit meeqqat pitsaasumik atugaqarnissaat qitiutillugu nutaamik inuuneqalernissaminnut periarfissaqalissapput.

Nuummi Arnanut Qimarnguimmi katsorsaasunut aqutsisutut suliffimmut ingerlalluartumut akuliutissaatit, tassanilu sulisut atugaqarnerat suliatigullu ineriartornissat
pingaartinneqartorujussuupput.Tamanna ilutigalugu katsorsaaviup sunniuteqarfiginissaanut periarfissaqassaatit aammalu meeqqanut ilaqutariinnullu atugarliortunut allannguillutit.

Piaartumik isumaqatigiissuteqarnikkulluunniit atorfik inuttalerneqassaaq.

Akisussaaffeqarfiit:

  • Oqaloqatigiinnernut, katsorsaanernut isumaginninnermilu perorsaanikkut suliniutinut Nuummi arnanut Qimarguimi siumoortumik tulleriiaarneqartunut sullissinerit akisussaaffigissavatit.
  • Immikkoortortami aqutsisoq katsorsaaqatigiillu allat suleqatigalugit katsorsaanikkut aamma isumaginninnermi perorsaanikkut suliassaqarfimmi sulisunik suliatigut ineriartortitsinerit qulakkeerneqassapput.
  • Ulluinnarni katsorsaanernik suliat ataqatigiissaarlugit agguaallugillu aamma ulluinnarni sullitat siumoortumik tulleriaarneqarsimasut pillugit suleqatit allat ikorfartorlugit.
  • Qimarnguimmi suliat ingerlanneqartut pitsaassusii qulakkeerlugit, tassunga ilanngullugit journalinik napparsimasullu allattorsimaffiinik nutarterinerit.  
  • Ilaqutariinnik Kusernermut siumoortumik tulleeriaarneqarsimasunik qulaajaanernut peqataanerit.
  • Innuttaasunik siumoortumik tulleriiaarneqarsimasunik katsorsaanernik suliat arnanik ataasiakkaanik oqaloqatigiinnertut, aappariinnik oqaloqatigiinnertut, ilaqutariinnik oqaloqateqarnertut aamma ataatsimoortunik oqaloqatigiittarnertut ittunik suliaqarnerit. 
  • Immikkoortortami aqutsisoq fagchefilu suleqatigalugit meeqqanik ilaqutariinnillu suliassaqarfimmi suliniutinik nutaajusinnaasunik aqutsinerit.

Naatsorsuutigaarput:

  • Katsorsaanermut attuumassuteqartumik ilinniagaqarputit, soorlu tarnit pissusaannik immikkut ilisimasalittut, ilaqutariinnilluunniit katsorsaasutut.
  • Ilaqutariinnik ataatsimoortumik katsorsaanernik
  • misilittagaqarluartuuvutit, ajornanngippat nunatsinni
  • ingammillu arnanut persuttarnerqarsimasunut
  • Inuttut suliatigullu piginnaaneqarluarputit
  • sunniuteqarsinnaassuseqarluarlutillu
  • Suliassanik aaqqissuussillaqissuuvutit,
  • ataqatigiissaarillaqqissuullutit ingerlatitseqqillaqqittuullutillu
  • Allattariarsornikkut oqaaseqatigiiliullaqqipputit
  • Inunnut pitsaasumik isiginnittaaseqarputit, suut atorsinnaasut qitiutinnissaannut piumassuseqarputit
  • Inunnik amerlasuunik oqaloqateqarnissamut piumassuseqarputit piginnaaneqarlutillu, sumiiffigisaanni naapillugit aamma allannguiniarneranni ikiorlugit
  • Ammasuuvutit inussiarnersuullutillu.
  • Suliffeqarfimmi ineriartortuartumi sulinissami kajumissuseqarputit.
  • Marluinnik oqaasillit (kalaallit danskisullu) ornigineqarnerupput.
  • Suliniutinik aqutsisuusimaneq iluaqutaassaaq.

Neqeroorutigisinnaavavut:

  • Suliffik soqutiginartoq unammillernartunik suliassartarpassualik.
  • Suliffik sulisut atugarissaarfigissaat
  • Suleqatit pitsaasut
  • Siunersioqatigiinneq
  • Suliatigut inuttullu ineriartornissamut periarfissat pitsaasut.
  • Namminersorluni sulineq

Meeqqanik pinerliisimannginnermut aammalu pineqaatissinneqarsimannginnermut uppernarsaat: 
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat. Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.


Akissaatinut atorfinitsitsinermullu tunngatillugu atugassarititaasut:
Kalaallit Nunaanni Naalakkersuisut kattuffiullu allap isumaqatiginninniarsinnaatitaasup akornanni isumaqatigiissut atuuttoq naapertorlugu akissarsiaqartitsisoqarlunilu atorfinitsitsisoqassaaq.
Piffissaq suliffiusartussaq tassaavoq sap.ak. akunnerit 40-t

Ineqarneq:
Atorfimmut atatillugu inissaqartitsisoqarpoq, taamaattumik qularnaveeqqummut ineqarnermullu, atuinermut il. il. akiliisoqartassaaq, matumanilu Kalaallit Nunaanni Namminersorlutik Oqartussat kommunillu Kalaallit Nunaanni illuutaannut tunngatillugu ineqarnermut akiliuteqartarnermut maleruaqqusat naapertorlugit akiliisarneq pisassalluni. Atorfimmut atatillugu atorfininnermi inissamik piareersimasuuteqanngikkaanni, sulisunut utaqqiisaasumik inissaqarsinnaatitaasunut, utaqqiisaasumik inissaq neqeroorutigineqassaaq, tamatumunngalu atatillugu ineqarnermut, atuinermut il. il. qulaani maleruaqqusaasut naapertorlugit akiliuteqartoqartassalluni. Ineqarnermut, matumani atuinermut, il. il. tunngasut pillugit annertunerusumik paasisaqarusukkaanni, paasissutissat uani takuneqarsinnaapput: www.iserit.gl Sulisunut inissamik piareersimasuuteqartoqarnera apeqqutaatillugu atorfininnissaq pissaaq. Maleruagassat atuuttut naapertorlugit, atorfininnermut atatillugu angalanissat kiisalu pequtit nassiussuunnissaannut akiliunneqarnissaq pissaaq.

Qinnuteqaat:
Qinnuteqaatip ilisarnaataata Atorfiup ilisarnaataa 183/19, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 16. april 2019
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Kirsten Brandt Davidsen
Telefon: +299 366105
Mobil: +299 564948
Nittartagaq: http://www.sermersooq.gl
Qinnuteqaat nassiutiguk