Skip to main content
140

Dette jobopslag er udløbet

Nuummi arnanut Qimarnguik "ilaqutariinnut siunnersorti”-mik pissarsiorpoq

Kommuneqarfik Sermersooq pikkorissumik tunniusimasumillu ilaqutariinnut siunnersortimik pissarsiorpoq, perorsaasutut assigisaanilluunniit ilinniarsimasumik Meeqqanut Ilaqutariinnullu Ingerlatsivimmi immikkoortortami.

 

Nuummi Meeqqanut Ilaqutariinnullu Sullissivik ilaqutariinnik katsorsaanermut aamma isumaginninnermi perorsaanikkut suliniutinik akisussaasunut Qimarnguik attuumassuteqarpoq. Kommuneqarfik Sermersuumi meeqqat sumiginnarneqartarnerisa pinaveersaartinnissaat suliassatta pingaarnerpaartaraa. Ilaqutariit tamarmik peqataatinnerisigut suliarput ataqatigiissittarparput isumalluutit aallaavigalugit kiisalu ilaqutariinnut kommunimeersunik avataaneersunillu periarfissaqartitsineq.

 

Atorfik piffissaq tamakkiisumik sapaatip akunneranut 40 tiimit suliffiuvoq.

 

Atorfik inuttalerneqassaaq 01.01.2022 isumaqatigiissutaasumiluunniit.

 

 

 

Uagut pilluta


Kommuneqarfik Sermersuumi Qimarnguik arnanut meeqqanullu tarnikkut/timikkut nakuuserfigineqarsimasunut il. il. qimarnguiullunilu katsorsaaviuvoq pinartoqartillugu najugaqarfiulluni.

 

Qimarnguik ilaqutariinnut inissiaaraqarpoq ataani allaffissornermut katsorsaanermullu ineqarluni marlunnillu pinartoqartillugu tigusinissamut ineeraqarluni.

 

Najugaqarnermi sullissivimmi katsorsartinneq kiisalu siunnersortinneq aqqutissiuunneqarnerlu neqeroorutigineqartarput aaqqissuussaanikkut ilaqutariinnermi katsorsaaneq atorlugu ilaatigullu qaammatit pingasut tikillugit pinartumik qimarnguiviulluni. Qimarnguiviuttaaq ukioq ataaseq tikillugu ilaqutariinnut suliniuteqareernermi malinnaaviginninneq pilersissimavaa. 

Qimarnguik katsorsaavittut 2020 septembarimi pilersinneqarpoq.



Perorsaasutut assigisaanilluunniit ilinniarsimasutut atorfik:

 

 

 

Illit ilaatigut makku suliarisassavatit:

 

· Ulluinnarni nakkutiginninneq ilaqutariillu attaveqatigiinnerannik pissusaanillu misissuineq

 

· Katsorsaanermut pilersaarut tunngavigalugu perorsaanermik suliaqarneq

 

· Qimarnguiup perorsaanikkut suliniutaat tunngavigalugit katsorsaanermik ikorfartuineq

 

· Pisariaqartitsineq aallaavigalugu meeqqanik ikorfartuineq, soorlu atuarfimmi meeqqerivimmi

 

· Iluaqusersuutit soorlu spillit iluaqutigalugit ilaqutariit imminnut pitsaasumik atassuteqarnissaannik ikorfartuineq

 

· Ilaqutariit pitsaasumik sammisaqarnissaannut sammisaqarneq

 

· Nersuerpaluttumik isiginnittaaseqarluni anaanaasup perorsaaneranik ikorfartuineq

 

· Ilaqutariit ataasiakkaat ilaqutaasullu pillugit allanik suleqateqarneq

 

· Ilaqutariinnik tikittunik tikilluaqqusineq ilaqutariillu sammisaqarnerannut peqataaneq

 

· Meeqqanik eqimattakkuutaanik anaanaasumilluunniit oqaloqatiginninnermi siunersiuineq / uppernarsaaneq

 

· Meeqqanik eqimattakkuutaanik/imarluunniit anaanamik meeqqamilu ataasiakkaanik suleqatip allap oqaloqatiginninnerani peqataaneq


Eqinnaatsuunissat suliffiullu pitsaanerpaamik ingerlanissaanut pisariaqartumik suliassanut assigiinngitsunut tulluussarsinnaanissaat piumasaqaatigaarput. Illumi suliassanut kiisalu katsorsaanermi allaffissornermilu atuuppoq.

 

 

Naatsorsuutigaarput:

 

·Perorsaasutut ilinniagaqarsimassasutit assingusumilluunniit

 

·Kalaallisut oqaaseqartuunissat

 

·Perorsaanikkut tunngaveqartumik ilaqutariinnik sullissisinnaanissat

 

·Nammineq toqqakkamik anguniagaqarneq malittaralugu ilaqutariit sungiusarneranni ikiuussinnaasutit

 

·Perorsaaneq siunertaralugu meeqqanut qatanngutaasunullu attaveqarnermik pilersitsisinnaanissat sullissisinnaanissallu

 

·Ulluinnarni ilaqutariinnut attaveqaataasinnaasutit

 

·Ilaqutariit nakuuserfigineqarsimasut kingunerluutaannik ilisimasaqartutit soqutigisaqarfigigilluunniit

 

·Minnerusumik allaffissorsinnaasutit imaluunniit tulleriissaarinermi ataatsimiinnerni il. il. imaqarniliorsinnaasutit

 

·Aaqqiagiinnginnernik aaqqiissuteqarusuttumik ineriartorfiusinnaasumillu periuseqarsinnaasutit

 

·Suleqateqarluarsinnaasutit qanilaartuullutillu

 


Pitsaaqutaassaaq aaqqissuussaanikkut perorsaanermi suleriuseqarnermut ilisimasaqaruit aamma/imaluunniit naalungiarsunnik katsorsaanermi periuseq ilisimasaqarfigigit, tamannali piumasaqaataanngilaq

Tassani pingaaruteqarpoq Qimarnguimmi suliassat allat suleqataaffigisinnaanissai soorlu ass atortunik ineriartortitsineq allaffissornikkullu suliassat takkussuuttut illup iluanilu suliassat

Unnukkoorsinnaanerit naatsorsuutigineqassaaq

 

 

 

Uagut neqeroorutigaavut:

 

·Suliffik pissanganartoq qimarnguimmik katsorsaasarfimmilu ineriartortitsinermi sunniuteqaqataanissamut periarfissalik

 

·Piginnaasatigut inuttullu ineriartornissamut periarfissaq

 

·Suleqatigiiaannut assigiinngitsunik sulialinnut pimoorussisunut tunniusimasunullu peqataaneq

 

·Katsorsaanermi oqaloqatiginninnernut peqataaneq

 

 

 

Pingaartipparputtaaq illit:

 

· Aalajaatsuunissat, pitsaassutsimik ilisimasaqarluartoq immikkuualuttunillu maluginiaasinnaasoq

 

·Takunnissinnaaneq attatiinnarlugu ataatsikkut arlalinnik suliaqarsinnaasoq

 

· Allakkatigut oqaluunnermilu ersarissumik paatsuugassaanngitsumillu attaveqarsinnaasoq

 

· Nammineerluni sulisinnaasoq, akisussaassuseqartoq sullissiumatoorlu

 

· Sulianut atatillugu sungiussilluarsimasoq ataavartumillu suliat agguataarneqartarnerannik nalimmassaalluarsinnaasoq

 

· Ulloq ulapaarfiugaluarpalluunniit ukkatarinnilluni aaqqissuussamillu suliaqarsinnaasoq

 

· Tatitooq, pilersitsiniaallaqqissoq, inissaqartitsiuartoq piumassuseqarluartorlu

 

· Sulianik naammassinninniarluni ingerlatsinermut ineriartortitseqataalluni pitsanngorsaaqataalluni peqataalluartartoq

 

· Kisitsisilerillaqqissuussaaq

 

· Siammasissumik suleqateqallaqqissoq

 

· marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

 

 

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Qimarnguimmi katsorsaanermi aqutsisoq Grethe Siegstad, oqarasuaat +299 36 61 13 imaluunniit e-mail: grsi@sermersooq.gl immaqaluunniit immikkoortortami aqutsisoq Kirsten B. Davidsen oqarasuaat +299 36 61 05 e-mail: kibd@sermersooq.gl

 

 

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

 

 

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.


Atorfinititsineq qaammatini pingasuni misiliutitaqassaaq.

 

 

Inissaq:

Atorfininnermut atatillugu inissiamik innersuussisoqarsinnaanngilaq.

 

 

Qinnuteqaat:

Qinnuteqaat qulequtserlugu Atorfiup ilisarnaataa 858-22-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

 

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

 

Malugiuk: 


Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

Qinnuteqarnissamut killissarititaasoq: decembarip 8.-at, 2022

Atorfik una qinnuteqarfigiuk